Hawa ziddi bohat hay....

Hawa ziddi bohat hay

Shaakh pe ik phool tak rehne nahi deti

Rawish pe khaak urati hay tou 

uski dhool tak rehne nahi deti

Hawa ki zidd pe ...

Shaakhain kab tak khushboo sambhalain ge

Keh

Phool ki mehekti patyon ki,,,naram o nazuk si ragain

Hawa k khurdaray hathon se ch'hil  jain

Tou mausam sard per jaye

Hawa zidd pe jo arr jaye

Tou paidon ki jarain mitti ki teh main...toot jati hain

sambhalo sans ka resham...

Keh 

Awara hawa k tund khu jhonkay se choo jain 

Tou apas me jurri sansain bhi akser toot jati hain
Sambhalo apne saaye ko
Keh
Apas main bicharnay ki yehi rut hay
Hawa ziddi bohat hay

Abhi likhain tou kia likhain.....??

Her ik janib udaasi hay

Abhi sochain tou kia sochain...?

her aik suuu, huu ka aalam hay

Abhi bolain tou kia bolain...?

Her ik insan pather hay

Abhi dharkain tou kia dharkain...?

Fiza pe neend tarri hay

Abhi jagain tou kia jagain ....?

Her aik maktal ki sheh rug say

Lahu ki leher jari hay

Abhi dekhain tou kia dekhain...?

her aik insaan ka saaya

Abhi mitti pe bhaari hay

Abhi likhain tou kia likhain...?

Ahtiyaat...

Ye tumhain bata dun main

Chahaton k rishte main 

phir giraah nahi lagti.

Lag bhi jaye tou usme, wo kashish nahi rehti

Aik pheka pheka sa, rabta tou hota hay, tazgi nahi rehti 

Rooh k talluq main roshni nahi milti

baat wo nahi rehti, dosti nahi rehti

Lakh bar mil ker bhi dil nahi milte

Zehan k jharoko main, yaad k dareechon main

Titliyon k rangon main phool nahi khilte

Is liye main kehta hon

Is terha ki baton main ahtiyaat kerte hain

Is terha ki baton se ijtinaab kerte hain

Khuda he na chahay tou.....

Khuda he na chahay tou kia theek honge...

Naseeb admi k bigar jane walay

Bhalay lakh ro ro k faryad kijiye

Kahan lot'tay hain bichar jane walay

Jane kia kuch raakh howa....

Mohabat ki aur itni ki

keh

Humne apna

Sub kuch tum per waar dia

Nafrat ki aur itni ki 

Keh

Humne apni 

nus nus main zeher utar diya

Is tuk o do main 

Jal ker sajan

Jane kia kuch raakh howa

Per itna hay.....

APNE ANDER HUMNE TUM KO MAAR DIA ......

Tum is durd se...

Tum is durd se guzre ho na?

wo rut, jisme jal jati hain ankhain

Tum per bhi guzri hay

wo shab, jo metab se tapkay

ansoo ansoo, shabnam shabnam, wo shab

mujh per bhi utri hay

wo din, jab ghariyaan so jain

lamhay pather k ho jain

wo din tum nay bhi kata hay

wo din maine bhi kata hay

dono k jismon , rooh'on main

yaksan dukh ka sana'ta hay

phir kyoon mujhse poochty ho tum?

Meri palkain kyoon purnam hain?

Akhir mujhko, konse gham hain ?

TUM IS DURD SE GUZRAY HO NA???

Nafrat...

Nafrat kisko kehte hain?

Nafrat kesi hoti hay?

Jahan khamosh ho zuban

Aur 

Ankhain lahu bolti 

Nafrat isko kehte hain

Nafrat aesi hoti hay

Be'Khabar...

Wo bholi, sabz ankhain

jo duniya se anjaan hain...

Nahi janti

Kisi ki zeest ka 

sara saman hain....

Khuda se....

Main pazeerai k aadaab se waqif hun

magar

Ab k baras meray ghar

ya to 

Barsaat aye

ya

Meri tanhai....

Magar Tum bhool bethi ho...

Mujhay ye yaad rehta hay...

Mujhay tum bhool bethi ho...

Mujhay to yaad hay ab tak

Kahan pehlay milay thay hum...

howi thi guftugu kia kia??

Tumhe nay to bataya tha...

Mujhay ye aasman aur parinday

achay lagte hain...

Mra bhi kerta hay ye jee

parindon ki terha urti...

magar hon main aik qaidi

aur ik majboor c larki...

Mujhay tumne bataya tha...

Mujhay saawan k mausam main

udaasi ghair leti hay...

Agar ho hamsafar koi

tou is saawan k mausam main 

bohat he door tak jana...

Palat ker bheegte ana

Mujhay tou acha lagta hay...

Mujhay tou Yaad hay ab tak

Kaai saawan k mausam

Ik dojay ki qurbat main guzare thay....

Bhari barsat main hum dor tak

Aik saath chalte thay

Murree k sard mausam main

WQ coffee ki garam piyali

Wo chilghozay

Wo alghozay ki piyari dhun

Mujhay sab yaad hay 

LAIKIN

Tumhain bhi yaad kuch hota

to hum bhi guftugu kertay...

Gaye guzre zamanon ki 

Mohabat k taranon ki

MAGAR TUM BHOOL BETHI HO>>>
MAGAR TUM BHOOL BETHI HO>>>