Paheli...

Meri mohabat

aik un'kahi paheli

jisay bojhne ki aas main 

main jal gai saheli

magar

paheli na suljhi

rahi main akaili....

Khobsurat....

Meray dil ki dharkan main

Tumhara nam shamil hay

Tumhari chah hay mujhko

Tum meri mohabat ho

Zindagi khobsurat ho

Tum bhi khobsurat ho

Teray Bina....

Jiyain kaisay bina teray

Abhi to theek say hum ko sambhalna bhi nahi aata

Abhi to apni ankhain hum ko perhna bhi nahi aata

Abhi hum saans laite hain to dil bojhal sa hota hay

ZARA SOCHO....!

Zara tum soch ker khud apne dil se is qadr pocho

Tumhare saath honay se ajab ye haal hay mera

AGR TUM CHOR JAO GAY....!

Tou kia ye zindagi aik moat se berh k nahi hogi?

Tumne.....

Main...

Jaise ik veeran sur zameen

sadyon se jo dhoop maik dehak rahi thi

Tumne us per haryali bonay ki jasarut ki hay

Tumhari ahsaas ki thundi bondon ne

Mujh main jazb ho ker

meri zerkhaizi ko berha dia hay

bohat jald main bhi

kuch khushnuma phool 

tumhain paish karongi...

Mashwara....

TUM

shehad se bani 

aik larki ho...

Main

namak se bana howa

aik admi hun

mere qareeb mat ao

talkhi k nar'gay main aker

Tum apna zaiqa

kho betho gi

Meri jaan ho tum....

Kon ho tum

meray intizaar ki rahat ho tum

meray dil ki chahat ho tum

tum ho to ye duniya hay

main kesay kahon k meray liye kya ho tum?

Chalo main bataon kia ho tum

choo ker jo guzar jaye wo hawa ho tum

Maine jo mangi wo dua ho tum

Karay mujhko roshan wo dia ho tum

fiza main mehekti ik sham ho tum

pyar main chalakta jaam ho tum

Meri zindagi ka dosra nam ho tum

Meri bujhti zindagi ki sans ho tum

Phir

kesay na kahon 

MERI JAAN HO TUM :)

Azaad nazam....

Tujhse 

mulaqat ki arzoo bhi nahi

Teray bicharnay ka malal bhi nahi

Laikin ae jaan e tamana.....

Ae meri rooh k musafir....

Tujhse milnay k liye

hum her sarhad ko aboor ker saktay hain

baar baar khud ko mita ker tujhay

apnana chahte hain 

magar

ghumon aur dukhon ki 

in bhatki howi rahon main 

HUM

tanha reh gaye hain....

Wo akser mujhse kehta tha....

Wo akser mujhse kehta tha

Tujhay apna bana'onga

Mujhay tumse mohabat hay

logon ko bata'onga

wo akser mujhse kehta tha

wafa zaat hay aurat ki

magar

jo mard hotay hain

bohat be durd hotay hain

kisi jugnu ki sorat

gulon se khushbo loat laitay hain....!

Suno.....!

Tumko qasam meri

riwayat tor dena tum

na tanha chor ker jana

na ye dil tor ker jana

magar...

Phir youn howa

Mujhay anjan raste per 

akaila chor ker us ne

Mera dil tor ker us ne

Mohabat chor di usne

Wafa hay zaat aurat ki

Riwayat tor di usne...

Loat Ao...

Banjer ankhon main

Sapnon ki nadya sookh chali

rokhay hontt, sookhay gaal

Hijr ki musafaton k bojh taalay dabay

Chup k kinaray pay khare hain

Be umeed raston ko takti ankhain

Baraf hota badan, intezar main teray

Pather hon ay ko hay sajan

Loat ao k hamari 

sanson ki muddat kam hay....

Main aur TUM....

Main aur Tum.....!

 nudya k do kinary hain

jo hamaisha saath chalte hain

magar

kabhi mil nhi saktay

main aur tum..... 

Waday kab wafa hotay hain???

Usay na paya to kia karo gay

Bayan to karo gay haal dil ro k tum

aur tumhare rone pay wo muskuraya 

TO KIA KARO GAY?

hawa ka jadu

gulon ki khushboo

bikhar rahi hay , her soo

Usne anay ka wada nahi nibhaya...

TOU KIA KARO GAY?

Baat...

Mohabat main usay mana laina

koi mushkil nahi tha

per ab baat mohabat ki nahi

anah ki thi....

Faisla...

Tum mujhay yaad na aya karo

jo yaad jeenay na day

wo baat jo sonay na day

wo khayal jo rooh per giraan guzray

wo ahsaas  jo ankh nam ker day

wo khushboo jo dil baizaar ker day

wo sub he talluk jo tum say juray hain

Main in sub ko bhool jana chahti hon

Main TUMHAIN bhool jana chahti hon

(aur main tumhain btaon keh main roz ye faisla ker k ye baat he bhool jati hon)

Akhir kyoon.....??

Lafzon k aisay teer chalay k jalta raha badan

Kia kya hay? bata dijiye ? kia hay mera jurm

Main nay to her kisi k liye aanso piye hain khoon k

Phir kyoon daldul ki teh main dhanstay ja rahay hain hum

Jaan say bhi jin ko azeez jana maine

WO KYOON ? meri khushyon main hanstay hain itna kam?

Itni azmaishon main kati hay maine zindagi

Dil hogaya hay khali aur ankhain meri hain nam

Umr bhar ki khushyon ko koi meri jholi main dal day

Kon hay aisa yahan aur kis me hay itna dam?

Raas ai hay...

Parinda to nahi hay ye

jo ur ker

phir kisi tehni pe ja bethay

ye mera dil hay aur isko

yehi shaakh e guraizaan raas aye hy...