Rishta.....

Hum dono thay

Ik dojay ki

Ulfat ka dum bharne wale

Saath hamara aisa tha

K jese jism aur sayaa dono

Lazim aur mulzoom

Laikin

Ajj na jane tumne

Kyoon mujhse

Wo sare natay rishtay tor liye hain

Youn lagta hay

Jesay Tu tha Soraj

Aur main raat

DONO BAHUM KAISE REHTE?

Mashwaraa....

Tum

Shehad se bani

ik larki ho

Main

namak se bana howa

Aik admi hun..

Meray qareeb mat aoo

Talkhi k narghey main aker

Tum

Apna zaiqa kho bethogi...

Alvida....

Tumne jate samay

Humko dekha nahi

Ik zara si nigaah

Hum pe daali nahi

Sans khamosh ki

ALVIDA

bus kaha

Aur 

So bhi gaye....

Salgiraah ka wo samah....

Yaad to hoga tumhain

Salgiraah ka wo sama

logon ki mubarakain, 

hans rahay thay hum wahan

khilay howe thay log sab

na koi chehra tha dhuwaan

Muskurate log saray 

duaon k hajoom may

Apnay tohfay de rahay thay

In  k sare tohfay jannah

Thay to behad qeemti

Per

Dil ko mere bhai thi

Maila lot lai thi

Wo phool ki nazuk kali

Tumne de thi jo mujhay

Wo balon main meray sajji

Veeran bohat hon....

Veeran bohat hun

visaal se tashkeel de mujhay

Tu pyar ker mujhay

Zara tabdeel ker mujhay

Sehra ki tapti rait se

Tu aa ker mujhay bacha le

Tu thanday meethay pani ki

Aik jheel ker mujhay

Ho jain na kharab meri aadatain

Her hukm per na is terha tameel ker mujhay

Chor ker mera wajood tajalli si bakhsh de

Main aik andhairi raat hon 

qandeel ker mujhay

Chanchal larki....

Chanchal shokh saloni larki

baton baton

rangon ki bochaar main bheegay 

mausam mausam

qaus e khizan k kapray pehne

aatay jate

pholon k rukhsaar ko choomay

uthtay bethtay

jazbon k jhoole main jholay

phaila her so shauq samunder

peeng berha k jhoolay amber

chanchal shokh saloni larki

jo tera man chahe kerlay

Agle ghar main 

tujh per khul ker

ronay ki pabandi hogi....