Main ajj bhi taptay sehra main
tanha nangay paon
Is k intizaar main khari hon...
Jisne jate howay
ujlat main
koi ehad o paiman bhi na kia....
Sirf palat ker
IK lamhay k liye itna pocha tha
TUMHAIN MUJHSE MOHABAT HAY?
Meray honton pe aa ker lafz
jam se gaye thay....
Sirf hont larzay thay...
Ye keh ker wo chala gaya...
TUM LARKI NAHI BARAF HO...
Jab se ab tak
jalte sehra main
honton pe tehray howay munjamid lafzon k
pighalne ka intizaar ker rahi hon...
