Magar Tum bhool bethi ho...

Mujhay ye yaad rehta hay...

Mujhay tum bhool bethi ho...

Mujhay to yaad hay ab tak

Kahan pehlay milay thay hum...

howi thi guftugu kia kia??

Tumhe nay to bataya tha...

Mujhay ye aasman aur parinday

achay lagte hain...

Mra bhi kerta hay ye jee

parindon ki terha urti...

magar hon main aik qaidi

aur ik majboor c larki...

Mujhay tumne bataya tha...

Mujhay saawan k mausam main

udaasi ghair leti hay...

Agar ho hamsafar koi

tou is saawan k mausam main 

bohat he door tak jana...

Palat ker bheegte ana

Mujhay tou acha lagta hay...

Mujhay tou Yaad hay ab tak

Kaai saawan k mausam

Ik dojay ki qurbat main guzare thay....

Bhari barsat main hum dor tak

Aik saath chalte thay

Murree k sard mausam main

WQ coffee ki garam piyali

Wo chilghozay

Wo alghozay ki piyari dhun

Mujhay sab yaad hay 

LAIKIN

Tumhain bhi yaad kuch hota

to hum bhi guftugu kertay...

Gaye guzre zamanon ki 

Mohabat k taranon ki

MAGAR TUM BHOOL BETHI HO>>>
MAGAR TUM BHOOL BETHI HO>>>

Raat ki baarish....!!!

Kisi matrooq raaste per

bohat din bad

koi chal k aye tou

bikharte khushk ptton k neechay

sisaktay hain

ye pichlay mausmoon ka ishq

kesa ishq hota hay

september k mahine sa

Na is may garam joshi hay

Na is may sard mohri hay

Na kho denay ka dharkaa sa

ye pichlay mausamoo ka ishq

jesay raat ki baarish

jo chupkay se baras jaye

Zamin dil ko nam kerday....

Roak lo...

Abhi kuch saa'atain baqi hain

Abhi kuch lamhay hain baqi

raat ki hatheli per

Agar wo chala gaye tou

Zindagi gehray neelay paaniyon main

doob jayegi

Chand rooth jayega

Chandni mar jayegi

Abhi kuch lamhay hain baqi 

Zindagi ki dastaras main

USAY roak lo...

Nad'di...

Pather se takra k aati nad'di say pocho

kesi kesi mushkil tu nay raah may kaati hay

raasta ziada mushkil tha ye pather bhari thay

phir bhi tu ne jagah jagah haryali banti hay

phool khilain aur panchi gaien sur se behti jaye

Aik he teri taal dewani Aik he laey per gaaey

raasta chaltay rahi dekhain teray alherpaan ko

seedh saadhi tu na chalay pe moar pe tu lehraye

nad'di kinare rehnae walon iski chah nirali

us k dam se phool phulwari aur bari haryali

uska pani thanda youn sangeet madhur matwali

us se dor na jaye 

jisne peeli peet ki pyass... 

Loat Aoo...

Banjer ankhon main

sapno ki nadya sookh chali

rokhay hont,  sokhay gaal

hijr ki musafaton k bojh talay dabay

chup k kinaron pe khare hain

be-umeed raston ko takti ankhain 

baraf hota badan intizar may teray

pather hone ko hay sajan

Loat aoo

k 

hamari sanson ki muddat kam hay....

Teray piyar ka pehla mausam....!

Teray piyar ka pehla mausam

piyar ka mausam

Visal ka mausam

Ik muddat tak yaad raha

Baqi mausam bhool gaye....!!!

Tumhare liye...

Tumhain kia maloom???

Mohabbat

Aur 

Judai

Kia hoti hay dost???

Shayad he samajh sako

Taaras gaya hun

Tumhare liye....