Bohat farsuda lagty hain
mujhy ab yar k qissy
gul-o- gulzar ki baatein
lab-o-rukhsar k qissay
yahan sab k muqaddar mein
faqat zakhm-e-judai hai
sabhi jhoty fasanay hain
wisal-e-yar k qissay
bhala ishq-o-muhabbat sy
kisi ka pait bharta hai
suno tum ko sun ata hun
main karobar k qissay
mery ehbab kehty hain
yahi ik aib hai mujh mein
sar-e-deewar likhta hun
pas-e-deewar k qissay
main aksar isliye logon se ja kr
khud nahin milta
wohi bekar ki baatein
wohi bekaar k qissay...
