Wo rut jis mei jal jati hain ankhein
Tum per bhi guzri hai . . .
Wo shab jo mahtaab se tapkey
anso anso shabnam shabnam
Woh shab mujh per bhi utri hai . .
Woh din jab ghariyan so jayein,
lamhey pathar ke ho jayein.
Wo din tum ney bhi kata hai.
Wo din meiney bhi kata hai.
Tum is dard sey guzrey ho na?
Dono key jism-o-ruuh mein
yaksan dard ka sannata hai.
Tum is dard se guzre ho na?
Phir kyon mujh se pochtey ho
Meri palkein kyon purnam hain?
Akhir mujh ko kon say ghum hain?
Tum is dard sey guzrey ho na . . ??
Tum is dard sey guzrey ho na . . ??
