sab log thay manzil ko rawan dawan....

sab log thay manzil ko rawan dawan

aur main tha keh kinaray ko na chu saka

mare chashm nam hoen bi gar

mujhay khumar-e-qalb na puhncha saka

mare khwahishon ke amartain,

veraan bastion main sutoon milay

mare aik aik jo dewaar the,

usay phir say tameer na kar saka

meray chaman main jo khizaan aye,

usay moj-e-bahar na dila saka

meray dast badast main jo dhul the

usay aik he aah nay ura dia

mare ainay mein jo tasveer the

usay rooh-e-imaan na dila saka

mare nao thi keh mojon mein rawan dawan

aur main tha keh kinaray ko na chu saka

Akhri Din....

DECEMBER k maheenay ka 

wo shayed akhri din tha...

Guzray bras kahin mein ne.....

Muhabbat lafz likha tha...

Kisi kaghaz k tukray pr....

Achanak yaad aya hai....

guzray baras kahin mujh ko...

Kisi se baat krni thi....

Usay kehna tha jaan e jaan....

Mujhe tum se muhabbat hai....

Mgar mein keh nhin paya....

Wo kaghaz aaj tk lipta pra hai dhool main lekin.....

kisi ko dey nhin paya...

DECEMBER phir k aaya hai....

DECEMBER phir se ja rha hai....

mgar!dobara chah kr bhi mein...

MUHABBAT kr nhin paya..

Chand jalta raha....

Meri aankhon main aansou pighalta raha

Chand jalta raha

Teri yadoon ka suraj nikalta raha

Chand jalta raha

Koi bister pey shabnam lipetey huwe

Khawab dekha kiya

Koi yadoon main karwat badalta raha

Chand jalta raha

Meri aankhon main kampes ki sab saiteen

Jaagti hain abhi

Nehir par tuh merey sath chalta raha

Chand jalta raha

Main to yeh janta houn k jis shab mujhey

Choor kar tum gaye

Aasman se sholah nikalta raha

Chand jalta raha

Raat ai toh kia kia tamashey huwe

Tuj ko maloom hay ?

Teri yadoon ka suraj ubalta raha

Chand jalta raha

Raat bhar meri palkon ki dhaliz par

Khawab gertey rahey

Dil tarapta raha,haath malta raha

Chand jalta raha

Yeh december k jis main kari dhuop bhi

Mithi lagne lage

Tum naheen to december sulagta raha

Chand jalta raha

Aaj bhi woh taqadas bhari raat mehki

Huyi hay "Wasi"

Main kisi main, koy muj main dhalta raha

Chand jalta raha

Tuh hay kahan....?

Tuh hay kahan ?

Sham hay yahan

Aaa ja mere liye

A jaaa

Tuj se yeh kahna hay

Mil kar hi rahna hay

Rukna kaheen naheen

Rasmon ko toor k

Sapnon ko joor k

A jaaa mere liyee

Mere liye mere liye

Mousam bhi pouchey ga

Rasta bhi roke ga

Rukna kaheen naheen

Tuh mera sapna hay

Main tera apna houn

Aaaa ja merey liye

Mere liye

Mere liye

Pal bhar ki baat hay

Jiwan ka sath hay

Rukna kaheen naheen

jhukna kaheen naheen

Jitney bhi rang hain

Sab tere sang hain

Aaaa ja mere liye

Mere liye

Mere liye

Roag...

Duniya ki lambi raahon par,

Hum youn to chalte jate hain,

Kuch aisay loog bi milte hain,

Jo yaad hamesha ate hain,

Wo raah badalte hain apni,

aur murr kar hath hilate hain,

Lekin dilon ki yaadon ko,

Khushboo ban kar mehkate hain,

Aisay hi safar karte karte,

Ek shakhs mila hum ko bi kahin,

Duniya mai achay loog bohat,

Lekin uski si baat nahi,

Thi laag na uskay bolon mai,

Ki baat na koi Lagawat ki,

Uskay Fiqray tootay tootay,

uski aankhain khoi khoi,

Keh kar hi na jaye jo hum chahain,

Socha hi kare bethe bethe,

Par dekhe aisay narmi se,

Ek baar to ho jaye dhoka,

Goo sath hamara khwaab raha,

Usko na hoi pehchan bohat,

Gar bhooj le dil ki baat kabhi,

Ho jata tha Hairaan bohat,

Aur hum uski Hairani par,

Sharminda ho kar reh jate,

Kuch aur hamara Matlab tha,

Phir dair talak usko samjhate,

Ab Chehra uska ho Ujjla,

Ya Aankhain uski hon Gehri,

Ya uskay pyaray honton ki,

Har baat lagay thehri thehri,

Kuch loog jo achay hote hain,

Aur raahon mai mil jate hain,

Hain unko apne kaam bohat,

Kab apna waqt ganwate hain,

KAB PYASE PYASE REHTE HAIN,

KAB JEE KO ROOG LAGATE HAIN...

Tum Hansti Achi Lagti ho...

Tum waaqeyi achhi larki ho

ya muj ko achhi lagti ho

chehrey ki udaasi door karo

kyooN ji apna ranjoor karo

woh wa'adey wafa nebhaney ky

tum bhool gayeeN mujee yaad rahey

kya shaan tumhari ghatt jati

jo efaa karney aa jateeN

ab kin batooN meiN khooyi ho

ab kin sochooN meiN doobi ho

chehrey ko zara uthaoo to

aankheeN bhi chaar kar dekhoo

ghum chhorhoo, dil ki baat karoo

tum hansti achhi lagti ho

chehrey ki udaasi door karoo

woh khat jo tumhara aaya tha

woh khat tha ya afsana tha

gar peet hamari chahye thi

jhooli ko zara phelana tha

jab ham ny kaha tha, mat jawo

our chhorh ky ham ko mat jawo

tom sunti theeN chup rehti theeN

chehrey pe liye udaasi si

tum bekal bekal rehti theeN

jab ham ny kaha tha, ghum chhorho

ghum chhorho dil ki baat karo

Tum hansti achhi lagti ho

chehrey ki udaasi door karoo

HaaN Eid to aati rehti he

par deed to baqi rehti he

gar Eid pe tum hi aa jateeN

our deed tumhari ho jati

yeh moqaa achha moqaa tha

tum aateeN galey sy lag jateeN

woh baat to aani jani thi

par ban gayi ik kahani si

ab is ka qissa pak karo

Tum hansti achhi lagti ho

Chehrey ki udaasi door karo..........

Jab Yunhi Kabhi...

Jab Yunhi Kabhi Baithay Baithay

Kuch Yaad Achanak Aa ja Ay

Her Baat Say Dil Bayzar Sa Ho

Her Cheez Say Dil Ghabra JaAy

Karna Bhi Mujhay Kuch Aur He Ho

Kuch Aur He Mujh Say Ho JaAy

Kuch Aur He Sochoon Mein Dil Mein

Kuch Aur He Hontoon Per Aa Ay

Aisay He Kisee Aik Lamhay Mein

Chupkay Say Kabhi Khamoshi Mein

Kuch Phool Achanak Khil Ja Ain

Kuch Betay Lamhay Yaad Aa Ain

Us Waqt Terey Yaad Aatee Hai

Jab Chandni Dil Kay Aangan Mein

Kuch Kehnay Mujh Say Aa jaAy

Ik Khwabedaa Se Chote Koi

Ehsaas Pay Meray Chaa jaAy

Jab Zulf Parayshaan Chehray Per

Kuch Aur Parayshaan Ho JaAy

Kuch Dard Bhi Dil Mein Honay Lagay

Aur Saans Bhi Bojhal Ho jaAy

Aisay He Kisee Aik Lamhay Mein

Chupkay Say Kabhi Khamoshi Mein

Kuch Phool Achanak Khil JaAin

Us Waqt Terey Yaad Aatee Hai

Jab Shaam Dhalay Chaltay Chaltay

Manzil Ka Na Koi Naam Milay

Hansta Hua Ik Aaghaz Milay

Rota Hua Ik Anjaam Milay

Palkoon Kay Laraztay Ashkoon Say

Is Dil Ko Koi Paygham Milay

Aur Sari Wafaoon Kay Badlay

Mujh Ko He Koi Ilzaam Milay

Aisay He Kisee Aik Lamhay Mein

Chupkay Say Kabhi Khamoshi Mein

Kuch Phool Achanak Khil JaAin

Kuch Beetay Lamhay Yaad AaAin

Us Waqt Terey Yaad Aatee Hai

Shidat Say Terey Yaad Aatee Hai

Larkiyan Adhoori Baatein Hi Kehti Achi Lagti Hain...!!

Adhoori Baaton Ki Fiza Main

Adhoori Baaton Ka Maza

Chaley Tu Kabhi Aab-e-Hayat Jesa, Kabhi Khak Jesa

Kabhi Khawabon Main Azab Jesa, Kabhi Azab Main Sawab Jesa

Kabhi Barishon Main Khiltey Gulab Jesa

Kabhi Khawahishon Key Behtey Sarab Jesa

Phir Bhi Larkiyan Adhoori Baatein Kehti Hi Achi Lagti Hain

Aankhein Kholein Tu Lafz Na Kholein

Dil Kholein Tu Khayal Na Kholein

Weswason Key Anjan Jazeeron Main

Kabhi Rul Jaein Tu Dair Talak Na Bolein

Adhoori Baatein, Bey Wajah Baatein, Bey Kheyal Baatein

Jo Shorow Ho Ker Kabhi Khatam Na Hoon

Aankh Macholi Khelein, Gum Na Hoon

Ek Mosalsal Keyfiut Chaley, Kam Na Hoon

Diye Taiz Hawa Main Bhi Rahein, Madhem Na Hoon

Adhoori Bey Naam Baatein, Bey Qarar Baatein, Bey Shumar Baatein

Hamesha Bey Naam Nahi Hotin, Gumnaam Nahi Hotin

Sukh Ki Chader Main Lipti Larkiyan Hamesha Sukh Ki Neend Nahi Sotin

Khawahishon Ki Moonh Band Kaliyan Monafqut Ki Sarzameen Per

Chup Chup Rotin, Akser Khul Nahi Paatin

Adhoori Baaton Main Dorhti, Chupti Adhoori Khawahishein

Mager Adhoori Baatein Sun'na Hamesha Achi Lagti Hain

Jo Aankhein Dair Tak Nahi Sotin, Subha Jalti Hain

Imkaan Key Beech Ek Makaan Bana Ker Iss Main Rehtey

Larkiyan Pal Pal Main Sadiyon Key Anokhey Dukh Jhailtey Hain

Phir Bhi......

Larkiyan Adhoori Baatein Hi Kehti Achi Lagti Hain...!!

__________________

Kitne baras lage.....??

Kitne baras lage

ye janne main

k mere ander tera hona kia hai

aisa hona bhi chahiye tha

shaam hote hi

chaand main roshni nahi aajati

raat hote hi

raat ki rani mehak nahin utth'ti

shaam our khushboo k beech

aik aisa lamha hota hai

jis ka humari zameen se koi taa'lluq nahin hota

us aasmaani lamhe ne

ab humain choo liya hai ...!!

Poetess : Perveen Shakir

Aey mere dil.....!

Aey mere dil!

Tou jo kahe tou tujh say ek baat kahun

Kbhi aa mere tou robaro

K tujh say mujhe yeh hai pochna

Tou hain kon mujhe faqt yeh bata

Teri hasraton ka hai shumar kya

Teri khuwahishon ki hai hadood kya

Tere junoon ko hai Qarar kahan

Tujh main Pinipti nafraton ki hai rook kya

Teri mohabton ki intiha ki hai hadh_e_nazar kahan

Kabhi aa jo mere robaro

Mujhe tujh say faqt hai yeh pochna

WAQT

Sath sath waqt kay

Chahatein badalti hain

Jane kitni khuwashain

Hasraton main dhalti hain

Din jane kan kata

Jane kab dhali wo shab

Chahaton ki khuwahish pay

Jane kab pari thi baraf

Jane sare walwalay

Kaise bhaap ho gaye

Mere sare khuwab kion

Abdi neend so gaye

Ghulab jo hansi k thay

Ansoon main dhal gaye

Jab teri nigah k

zaaviey bdal gaye….

Wisaal-O-Hijr Mein....

Wisaal-O-Hijr Mein

Ya Khwab Se Mahroom Aankhon Mein

Kisi Ahd-E-Rifaqat Mein

Ke Tanhai Ke Jangal Mein

Khyal-E-Khal-O-Khad Ki Roshani Ke Gahre Baadal Mein

Chamkti Dhoop Me Ya Phir

Kisi Be Abr Saye Mein

Kahin Baarish Me Bhige Jism-O-Jaan Ke Nasrparon Mein

Kahin Hoton Pe Shairon Ki Mahaktie Aabsharon Mein

Chiraghon Se Saji Shaamon Mein

Ya Benoor Raaton Mein

Sahr Ho Runuma Jaise Kahin Baaton Hi Baaton Mein

Koi Lipta Hua Ho Jis Tarah

Sandal Ki Khushboo Mein

Kahin Pe Titliyon Ke Rang Tasweeren Bana Te Hon

Kahin Pe Jugnuon Ki Muthiyon Me Roshani Khud Ko Chupati Ho

Kahin Kaisa Hi Manzar Ho

Kahin Kaisa Hi Mausam Ho

Tere Saare Hawalon Ho

Teri Saari Misalon Ko

Mohabbat Yaad Rakhti Hai...

Sab tumharay liye.....

Jaan-e-jaan yeh jahaan, yeh zameen aasmaan.

yeh mere raat din khaak main tere bin.

yeh meri zindgi, dosti , dushmani.

rastay , wastay sab tumharay liye.

tum jo dekho to mere shab-o-roz ko

koi matlab millay.

tum jo poocho to mere har ik harf ko.

koi rutba millay koi munsib millay.

tum jo socho mere wastay kuch bhi.

main sitaaroon ko muthi main bhar laoon ga.

tum agar aik mujh ko awaz do.

main jahan per bhi hoon laot kar aaooon ga.

yeh mere jism-o-jaan mere sheir-o-sakhan.

meri tanhayiaan bazam araayiaan

ab tumharay liye

SAB tumharay Liye

(Amjad Islam Amjad)

Naya Saal Puranay Khowab.....

Naya Saal Puranay Khowab

Ye Mah o Saal Tu Guzartay Chalay Jatay Hain

HUm Har Naye Saal Ki Aamad Per

Yeh Socha Karay Gay

Ab Kay Baras Judaii Ka Taweel Mousam Khatam Ho Jaye Ga

Shayed

Lakin Har Guzartay Baras Ki Tarah

Mousam -e- Hijar Humaray Darwaza Per

Dastak Day Ga

Hum Hanstay Aansoon Kay Saath

Ak Baar Phir

Roti Hoii Baharon Ko

Khush Aamdaid Kahain Gay

Chupke chupke jal jaatay hain...

Chupke chupke jal jaatay hain

Log mohabbat kaarnay walay

Purwaa sang nikal jaatay hain

Log mohabbat karnay walay

Ankhon ankhon chal partay hain

Taaron ki Qandeel liye

Chaand k saath hi dhal jaatay hain

Log mohabbat karnay walay

Dil main phool khila detay hain

Aag main raag jaga detay hain

Paani beech batashay soorat

Khud tu ghultay rehtay hain

Ghum ko shehad bana detay hain

Log mohabbat karnay walay

Titli titli lehratay hain

Phoolon ki umeed liye

Aik din khushboo ban jaatay hain

Log mohabbat karnay walay!

Hum Nazuk Nazuk Dil Wale...

Hum Nazuk Nazuk Dil Wale

bus kuch aise hi tho hote hain

Kabhe Hanste Hain Kabhe Rotay Hain

Kabhe Dil Main Khuwab Pirotay Hain

Kabhe Mehfil Mehfil Phirtay Hain

Kabhe Zaat Main Tanha Hotay Hain

Kabhe Chup Ki Muhar Sajatay Hain

kabhi geet labon par late hain

kabhi sub ka dil bahlate hain

kabhi khud main tanha hote hain

Kabhe Shab Bhar Jaagtay Rehtay Hain

Kabhe Lambi Taan K Sotay Hain

Hum Nazuk Nazuk Dil Wale

Bas Apne Aap Main Rehtay Hain

Hum Kab Kisi K Hotay Hain.....

~*Tere Binaa *~

Tere binaa yun ghariyaan biteen

jaise sadiyaan beet gayeen

Khud manzil ko thukraya hay majbori k saye hain

Tarikhi main hum ne apne dil k dag jalye hain

Haar gaye do pyaar bhare dil

Zalim rasmeen jeet gayeen

Luut liya halaat ne hum ko

Tera jahan abaad rahe

Kaash humeen tu bhuul hi jaye

pyaar na tuj ko yaad rahe

patjhar hi anjaam tha jin ka

Ab woh bahareen beet gayeen!!!

Teray Ho Bhi Nahi Saktay....

Naa Tujhay Chhor Saktay Hain,

Teray Ho Bhi Nahi Saktay

Ye kaise Be-Basayi Hay

Aaj Hum Ro Bhi Nahi Saktay

Yea Kaisa Dard Hai

Pal Pal Humay Tarpayee Rakhta Hai

Tumhare Yad Aate Hi

To Phir So Bhi Nahi Saktay

Chhupa Saktay Hain Aur Naa Hum

Deekha Saktay Hain Logoo Ko

Kuch Aisay Daagh Hain Dil Per

Jo Hum Dho Bhi Nahi Saktay

Kaha Tha Chhor Dengay Yea Nagar

Phir Ruk Gaye Laikin

Tumhay Paa To Nahi Saktay

Magar Kho Bhi Nahi Saktay

Humara Aik Hona Bhi

Mumkin Nahi Raha Aab To

Jeeayen Kaise Kay Tum Say Door Aab Ho Bhi Nahi Saktay

Ghum Mila Toh Ro Na Sakhey...

Ghum Mila Toh Ro Na Sakhey,

khushi Mili To Hans Na Sakhey,

Yeh kaisa Raaz Hey Zindegi Ka,

Ham Samaj Na Sakhey,

jis ko chaha,Apna Na bana Sakhey...

Aap chale Gayen,

Phir Bhi Dil se Nikhaal Na Sakhey,

Par jab Aap The,

Pass Bhi Na Aa Sakhey,

Ab Aapki Yaadon ko

Seene Se Lagaake Phirthey Hain,

Saamne Aap ko Paa kar Bhi

Gale Na Lagaa Sakhey,

Yeh kaisa Raaz Hai Zindagi ka,

Ham na Samaj Sakhey,

jis Ko Chaha Aapna Na Bana Sakhey...

Ab Palko ko Band karke ,

Pal Mein Apke pass Hote Hein,

Magar jab Ankhon ke Samne Thay,

jee Bhar ke Dekh Bhi Na Sakhey,

Dil Dard se Bharaa Huaa Tha

Lekin Ro Na Sakhey,

Yeh kaise Raaz Zindegi ka,

Ham Na Samaj Sakhey,

Na Chup Rah Sakhe Na Pyar jataa Sakhey...

Ab Aap K Saath ke Liyeh

Har Pal Tarapte Hein,

Magar jab Aap Tarap Rahey the,

To Saath Na Desakhey,

Dil To Rotaa Rahey Par

Ankhon Se Ansoo Na Bahein!!

Pyaar K is Riwaj ko Na Samaj Sakhey...

Dil itni *** Khakar Bhi

Aap Hee ko Chhahta kyon Hai,

Hum Samaj Na Sakhey,

Aap ke Laakh inkaaron K Baad Bhi....

Aap Hamarey Nahin Hein!

Ye, Dil ko Samjha Na Sakhey,

Laakh Chaaha Humne..

Phir Bhi Aapko Bhula Na Sakhey...

Aap Humein Bhool Gaey,

Magar Hum Na Bhoola Sakhey..

Jaise Khuwaab Zindagi,

Aur Zindagi khuwaab Na Ho Sakhey,

Waise Aap Hamare Na Ho Sakthey,

Aur.....

Hum kisee Aur ke Na Ho Sakhhe...

Meri mohabat .....

Meri mohabat seepion ki manand bekimat perhi hai

Kabhi barish ka pehla katrah ban ker to dekho

Mujhy meri mohabat mily gi zaroor !

Isi yakeen ka bharam rakh ker to dekho

Mery saber ka imtihan aur na lo

Bas aik! aik bar mery samny a ker to dekho

Milain gay tujhy wafaon k naghmy

Mery dil ki dharkan ban ker to dekho

Main tujhy door asmano pe chand ki manand chamakta dekhti hun

Kabhi asman se meri dil ki zamin pe uter ker to dekho

Ye wadhain wafaian ,ye khushian ye ansoon, tarap ye kasak!

Mohabbat ka mafhoom samajh ker to dekho

Main apni mohabbat ki sachaion ka yakeen dilaon to kaise?

Kabhi khuda se meri mohabat k bary main poch ker to dekho

Dear kia karu duniya hi asi hai...

Dear kia karu duniya hi asi hai

"tum jaa to rahe ho par itna to bata do

is dil se kya karun ise kaise samjaun

is ke totne ki awaz to na ayee tumhe

par uske tukdon ko le kar mai kahan jaoon

tum jaa to rahe ho par itna to bata do

un yaadon ka mai kya karun

tumhare likhe khaton ko main kahan jalaun

kessey baar baar sataoon kisey manaoon

tum jaa to rahe ho par itna to bata do

meri siskiyon mein bhi tumhara hi naam hai

in ashkon ko mai kahan chhupaun

tum shumaar ho abhi tak pardanasheeno mein

log sabab puchenge to bolo mai kya bataun

tum jaa to rahe ho par itna to bata do

tujhe bhulaane ke kaunse tareeke apnaoon

meri dhadkan, har saans ki rawangi ho tum

tujhe bhoolane ki koshish mein kahin mar na jaoon

Yeh khayal.....

Yeh khayal

Yeh tumhara intezaar

Yeh ruki ruki baatein

Yeh thori thori chahatein

Yeh majboori

Yeh doori

Yeh dillagi

Yeh dilkashi

Yeh dewanapan

Yeh akelapan

Yeh sochna

Yeh samajhna

Yeh dekhna

Yeh chehrey ka sharma jana

Yeh ankhon ka bher jana

Yeh mousam ka chala jana

Yeh dherkano ka ruk jana

Yeh batoun ka badal jaana

Yeh sansoun ka tehar jaana

Yeh thama huwa samaan

Yeh saara sansaar

Yeh tumhari saans

Yeh mera ehsaas

Kaash tum yahan hote, mere nahin to mere liye kuch to hote..

Aur ab...

Yeh Khamoshi...

Muhabat maosam nahi...

Muhabat maosam nahi

apni mudat pury kare

aor rukhsat ho jae

Muhabat sawan nahi

toot k barse

aor tham jae

Muhabat aag nahi

sulge , bharke

aor bujh jae

Mmuhabat aaftab nahi

ubre , chamke

aor dhal jae

Muhabat to chand ki manind he

jo ubharta he ,

gat ta he ,

chupta he ,

magar

kabi fana nahi hota

Tum Yaad Aatey Ho.....

Jab Kabhi Choudhwen Ka Chand Dekhon

Tum Yaad Aatey Ho.....

Jab Kabhi Subha Ki Pehli Kiran Dekhon

To Tumhari Muskurahat Yaad Aati Hai....

Jab Kabhi Souraj Ko Dhalta Dekhon

To Tumharey Gham Yaad Aatey Hain...

Jab Kabhi Parindon Ki Chechahat sunoo

To Tumhari Madham Madhosh Awaz Sunai Day

Jab Kabhi Gulab Ko Khilta Dekhon

To Tumharey Labb Yaad aaye......

Jab Kabhi Barstey Badal dekhon

To Tumhari Yaad Main Doobi...Woh Shaam Yaad aaye

Jab Kabhi Ghazal Main Tumhara Tazkara Karon

To Tumharey Khushboo Main Bassey Khat Yaad aaye

Jab Kabhi Barish Main Moti Ki Manind Chamkti Boond Ko dekhon

To Tumhari piyasi Ankhin Yaad Aaye

Jab Kabhi Koi Prem Katha Perhon

To Tumhara Bepanah-wa-Bechain Piyar Yaad Aaye

Jab Kabhi Andheri Raat Main Chamktey Sitaron Ko Dekhon

To Tumhari Nazroon Ki Shirarat Yaad Aaye

To Tumhari Woh...Mulaqaat Yaad Aaye

Jab Kabhi Chand ko,

Phool Ko,

Barastey Badlon Ko Dekhon

To Tumhari Yaad Aaye

Buss...Jab Jab Main Saans Loon

To Tum Yaad Aatey Ho...!!!

AGER WO HOTA TO YEH KASH NA HOTA

Kash aaj aissa bhi hota, main teri tu mera hota

Jitni kareeb thi main tere Kash tu bhi utna hi kareeb hota

Tu mujhe iss doobti kashti pai chor kar Kash kissi or ka na hota

Tu to saaf hi keh gaya jate jate Kash main tere naseeb main hota

ye sun kar main bhi Dabaa kar keh gayi Kash ye naseeb mera hota

Ek humdard ne pouch hi lia akhir iss kash ka matlab

Maine muskura kar keh dia, Kash mere pas iss kash ka jawab hota. . . !!!

Kaash. . .

Kash dil ki Sadda pe Woh Ruk jataa

Yeh Soona Angaan khushion se bhaar jata

Hum to mit gaye Hai us ke lie

Kash mere larazte Honton ki Muskan ban jata

Kaash . . .

Kash iss dosti ki shuruwaat hi na hoti

Mere dil me tere aane ki aas hi na hoti

Kioun apna banaya jab chor kar jana hi tha mujhe!!!

Kash meri ye dosti mohobaat mein gumrah hi na hoti

AGER TO HOTA TO YEH KASH NA HOTA

Ager tu hota to yeh kash na hota,

Mere ird gird ghumon ka seraab na hota,

Main chahte huve bhi tujhe rok na payi,

Tujhe bhi maloom tha sehraaon mein gulaab nahi hotas

·.·´¯`·.·• sub muhabbat ka ik pehar hai •·.·´¯`·.·•

Yeh jo palkon peh rim jhim sitaron ka maila sa hai

Yeh jo teray bina koi itna akaila sa hai

Zindagi teri yaadon say mehka howa shehar hai

sub muhabbat ka ik pehar hai

Sahilon peh gharonday banaye they hum nay, tumhain yaad hai?

Rang barish main kaisay urraaye they hum nay, tumhain yaad hai?

Janay kis kailiye ghar sajaaye they hum nay, tumhain yaad hai?

Koii khushboo ka jhonka idher aa nikalta kahiin

Gum hai niindon key sehra main khwabon ka rasta kahiin

Her khushi aatay jaatay howay waqt ki lehar hai

Sub muhabbat ka ik pehar hai

Zindagi dhoop chaoon ka ik khail hai, bheerr chat'tii nahin

Aur issi khail main din guzarta nahin, raat kat'ti nahin

pyar kartay howay aadmi ki kabhi, umer ghat'ti nahin

Dil ki dehleez per aks-e-roshan teray naam say

Rat jagay aaiinon main khilay hian kahin shaam say

Aik darya hai chaaron taraf darmyaan lehar hai

sub muhabbat ka ik pehar hai

Yeh jo palkon peh rim jhim sitaron ka maila sa hai

Yeh jo teray bina koi itna akaila sa hai

Zindagi teri yaadon say mehka howa shehar hai

sub muhabbat ka ik pehar hai..........!!

Chale jo do kadam saath woh....

Chale jo do kadam saath woh,

To unke saath se Pyaar ho jaye,

Thaame jo Pyaar se mera haath woh,

To apne hi haath se Pyaar ho jaye,

Jis raat aaye khawaabon mein woh,

Us suhaani raat se Pyaar ho jaye,

Jis baat mein aaye zikar unka,

To ussi baat se Pyaar ho jaye,

Jab pukaare Pyaar se mera naam,

Too apne hi naam se Pyaar ho jaaye,

Hota hai agar itna khoobsurat yeh Pyaar agar,

To aye Khuda unhe bhi mere Pyaar se Pyaar ho jaye..!!!

Mohabat khubsurat hai…..

Wo kehti thi

Mery dil ko mohabat bojh lagti hai

K

Is ki band nagri say

Mujhay kuch khof aata hai

Har ek lamha darata hai

Mujay kuch aisa lagta hai

K is ki naram khamoshi

Meri saansain chura lay gee

Mujay be-bas bana day gee

Mujhay azaad rehna hai

Faqat itna hi kehna hai

Sun k us ki sab batain

Main bus ye bol pata tha

Mohabat qaid rakhti hai

Magar is qaid main reh kar

Jo khushiyan dil ko milti hain

Kahin say mil nahi saktin

K is ki narm zanjeerain

Kabi ghayal nahi kartin

Mohabat aisi manzil hai

K jis k saray raston pay

Wafa ka dars milta hai

Nibah ka dars milta hai

Dilon pay raaj karnay ki adaa ka dars milta hai

Ye her dil ki zrurat hai

Mohabat khubsurat hai…..

Pal Main Doori Ho Jaati Hai...

Pal Main Doori Ho Jaati Hai

Zaat Aadhoori Ho Jaati Hai

Aankhon Main Neend Aati Nahin

Raat Puri Ho Jaati Hai

Pehlay Tu Hoti Hai Chahat

Phir Majboori Ho Jaati Hai

Tanhai Jab Bool Paray Tu

Baat Zaroori Ho Jaati Hai

Kuch Logon Ki Lahma Bhar Main

Khaahish Puri Ho Jaati Hai

Had Say Pyaar Ghuzar Jaye Tu

Aksar Doori Ho Jaati Hai

Barish.....

Aanchal teri yaadon ka bhigo deiti hay barish

Sochon p gami gard ko dho deiti hay barish

hans hans key sunati hay jahan bhr key fasaney

poochoon teray baarey main to ro deiti hay barish

lagtey hain paraeye meri aankhon ko manazir

heirat meray ehsaas ko wo deiti hay barish

yaadon ki mehak ho k teray hijar key taaney

chup chaap main rkh leita hoon jo deiti hay barish

mujh per jo krti hay so krti hay inaayat

moti teray baalon main piro deiti hay barish

December Ki Baarish May.....

December Ki Baarish May

Bheegtay Pairoo'n Say Pocho

AkelaPan Kya Hai...????

Tanhai Kisey Kehtay Hain?

Seh-Peher Ki Dhoop Ko Tarashna

Aur Barish May Bheegtay Rehna

Jangal Ki Raaho'n May Akelay Chalna

Aur Barish May Bheegtay Rehna..

December Ki Barish May

Leher-dar-Leher Mehekti Hawa Say Pochoo

Khushbo Sa Khayal Rakhne Wale

Tanha Kaise Rehte Hain??

Bheegti hain sard Raatein

December Ki Barish Say Kaho !

Kabhi Jungle K Us Paar Miley

Dhaltay Hui Sham K Saaye main

To Unn Aankhon Say Milay..!!

December Ki Barish Say Kahoo..

Ek Dil waloun ki basti thi....

Ek Dil waloun ki basti thi

Ek Dil waloun ki basti thi

jahan ChaanD aur SuraJ rahty thay

kuch suraj mann ka pagal tha

kuch channd bhi shokh chanchal tha

basti basti phirty thay

har pal hansty rahty thay

pir ek din dono rooth gaye

aur saare sapny toot gaye

ab ChaanD bhi us waqt ata hai

SuraJ jab so jata hai

Baadal Shab say kahty hain

SuraJ uljhaa sa rahta hai

ChaanD k saath Sitaray hain par

SuraJ tanha rahta hai.

Meri zindagi ek katray ki manind hai....

Meri zindagi ek katray ki manind hai

Key jiski keemat janta hai sehra ,, or koi nahi

Tujh Say Judai Key Ek Faislay Key Bad

Mai Khud Bhi Apnay Sath Kabhi Phir Raha Nahi

Aaj Tuk Rooh Mai Kanta Sa Chubhta Hai

Itna Kuch Keh Ker Bhi Kehney Ki Tamana Hi Rahi

Hayee!! woh Zakham Jo Lafzon Mai Paraoye Na Gaye

Ufffff!!! Woh Aansoo Jinhay Behney Ki Tamanna hi Rahi

Ker Gaye Daman Ko Taar, Phir Aaj Ashq

Mainay Behney Say Inhay Roka Bohat...

Mill Na Paya Apna Koi Bhi Nishaa'n

Khud Ko Apni Zaat Mai Dhonda Buhat...

Azmaon Main Bhi Ab Tujh Ko Zara

Zindagi Tu Nay Mujhay Jancha Bohat...

Ek din ek udas lamhey ne....

Ek din ek udas lamhey ne

muskurate huye jo dekh liya

jaane kya dil main soch liya

raasta mera hans ke rook liya

aur seeney se lag gaya aisey

jaisey bichra hua koi apna

ek muddat ke baad milta hai

tab se woh mere paas rehta hai

isliye dil udaas rehta hai.

Suno....

Suno....

Hum toot jain gay...

k dori seh na pain gay

JUDAI MAR DALAY GI

Suno....

Ya ankhain bojhal hain

Inhain kis tarha behlain

Suno....

Hum so na pain gay

Kabhi khush ho na pain gay

JUDAI MAR DALAY GI

Suno....

Ya DIL tumhara hay

Na tum bin ab guzara hay

Suno....

Kuch wakt do hum ko

Bana lain dost is gham ko

Hamain maloom hay akhir

JUDAI MAR DALAY GI

Suntay ho na?

Samujhtay ho na?

JUDAI MAR DALAY GI

Ay Kaash Wo Wapis Aa Jaye...

Kuch Raat Ki Aankhain Bheegi Thi

Or Chaand Bhi Rootha Rootha Tha

Kuch Yaadain Us Ki Baki Thi

Or DIL Bhi Toota Toota Tha

Kis Morr Pay Bichray Yaad Nahi

Honton Pay Koii Faryaad Nahi

Us Waaday Ki Bhi Khabar Nahi

Wo Sacha Tha Ya Jhoota Tha

Har Lamha Aahain Bhartay Hain

Or Ak Hi Dua Hum Kartay Hain

Ay Kaash Wo Wapis Aa Jaye

Ay Kaash Wo Wapis Aa Jaye

Main usay dekh k hairaan howa phirta hon....

Main usay dekh k hairaan howa phirta hon,

Wahi gaati hoi aankhen wahi andaaz_e_kalaam,

Wahi gulnaar tabassum se mahekta chehra,

Wahi khush-rang kharaam,

Narm lehje me tarannum ki wahi gul-kaari,

Jese wo kal ki gayi aaj chali aai ho,

Meri shab jaag k kati hoi kaali raaten,

Sard kamre me thutharti hoi sochen yaaden,

Raat-bhar roi hoi aankh se bheege takiye,

Aur taalu se chimte hoye karrwe lamhe,

Mere behke hoye khwabon k tarasheeda thay,

Main ne soocha tha guzarte hoye karrwe lamhe,

Us k taalu se bhi chimte hon ge,

Us k takyoun pe bhi meri yaadeen,

Ashk ban ban k tapakti hon gi,

Sard raatoon me sim_e_tanhai,

Us ki neendon ko bhi khaata ho ga,

Us ki aankhon me magar dard ka saaya bhi na tha,

Jese wo guzre hoye waqt se guzri he na thi,

Jese us ne mujhe chaha he na tha,

Youn mujhe samne pa ker wo haraasan na hoi,

Mere be-rabt sawalon se pareshan na hoi,

Apne manoos tabassum me tarannum bhar ker,

Mujh se chaltay hoye boli,

Hello!!!....

Shayar_e_waqt! Kaho, kese Ho???...

Main usay dekh k hairaan howa phirta hon...!!!

Mohabbat paak hey aesi.... !

Mohabbat paak hey

aesi !

K jaisy seep me

moti !

Faqt tum se ye

kehna hai !

Agr tum ko koi

gham ho !

Udasi tumko

ghairey !

Kabi jo chand

tarpaey !

Sataey tumko

tanhai !

Sahara b na ho

koi !

Muje awaz de lena !

K tum mujko rag-e-jan se !

Bohat nazdeek pao

gay.....

Zameen-zaade chalo baaten karen shaher_e_tamanna ki,...

Zameen-zaade chalo baaten karen shaher_e_tamanna ki,

Yahan to shaam se pehle he sooraj doob jaata hai,

Yahan her khwab se pehle he neenden chonk uthti hain,

Bahaaren youn guzarti hain k jese waqt se un ki koi azli adawat ho,

Koi baadal nahi rukta hawayen be-murawwat hain,

Hoi sadyaan k aankhon main koi sooraj nahi chamka,

Koi shabnam nahi utri, koi mouti nahi damka,

Chalo ye to humare kum-nigaahi ki saza thehri,

Magar hum khwab na dekhen to neenden be-samar apni,

Samat be-khabar apni, saza na-moattabar apni,

Zameen-zaade chalo baaten karen shaher_e_tamanna ki,

Ye baaten jo sulagti hain magar kirnen nahi banti,

Inhen roushan ager ker paao to kitne sakhi thehro,

Magar kia ker sako ge tum? Magar kia ker saken ge hum?

K hum is shaher main be-khwab raaton k hawale hain,

Zameen-zaade zameen pe basne wale thakne waale hain...!!!

Kabhi kabhi youn bhi hota hai....

Kabhi kabhi youn bhi hota hai

Mohabbat ki rah mein chalte chalte

Qadam ruk bhi jate hain

Ana ki dewar rasta rok leti hai

Dil mein mohabbat ki jagga

Nafrat le bhi leti hai

Khushboaon ke asmaan per

Dukh ke badal chaate hain

Pachtave ke ansoo

Ankho se behte hain

Phir bhi hum rukte nahi

Chalte jate hain

Kabhi kabhi youn bhi hota hai

Mohabbat ki rah mein chalte chalte

Qadam ruk bhi jate hain

Ik roz yunhi mein aa nikla...

ik roz yunhi mein aa nikla

us khwab nagar k paar kahin

ik chaand mila tanhai mein

kuch aankhon se samjhata tha

per mein anjaan tha basti mein

mein uski baat ko paa na saka

mein beth k usko takne laga

phir uski shabnami aankhon se

kuch teer chaley mere hont hile

mein apne labon ki junbish ko

kuch kehne se na rok saka

kuch ulte sidhey fiqre the

wo hansne laga mein hansne laga

wo aur hansa mein seham gya

phir ik chanchal si shokh hansi

jab us k labon per Phail gai

wo apni zulf k jhatke se

utha aur uth k kehne laga

aey saad!abhi tum bache ho

jo chaand se khela karte ho

ROshni MizajOun Ka Kya Ajab mUQaddar hAi....

ROshni MizajOun Ka Kya Ajab mUQaddar hAi

Zindgii Key RaStey Mein BiChney Walley KaantOun kO

Rah Sey Hattaney Mein

Aik Aik Tinkey Sey AaShiyaan Bananey Mein

KhUSbOoien PaKarney Mein gUliStaan Sajaney Mein

Umar Kaat dAitey hAin

Aur Apney HiSsey Key PhOol Baant Daitey hAin

Kaisi Kaisi KhwaahiSh kO Qatl Kartey jAtey hAin

Dar-gUzar Key gUlShan Mein Abar Ban Key Rehtey hAin

Sabr Key SamanDar Mein KaShtiyaa Chalatey hAin

Yeh Nahi K In kO Is ROz o Shab Ki KhaahiSh Ka

KUch Silla Nahi Milta

Marney Walli AaSOun Ka

KhOon Baha Nahi Milta

ZinDgii Key Daman Mein Jis Qadar Bhi KhUShiyaan hAin

Sab Hi Haath Aati hAin

Sab Hii Mil Bhi jAtii hAin

WaQt Par Nahi Miltien , WaQt Par Nahi Aatien

Ya'anii In Ko Mehnat Ka

Ajar Mil tO jAtta hAi

Lekin Is Trah jAisey

Qarz Kii RaQam kOii Qist Qist Ho jAye

Asal jO Ibaarat ho Pas e Nawisht Ho jAye

Fasl e gUll Key Aakhir Mein PhOol In Key Khiltey hAin

In Key Sehan Mein SOoraj dAir Sey Nikaltey hAin

Koi Nazm Aysee Likhoon Kabhi....

Koi Nazm Aysee Likhoon Kabhi

Teri Baat Baat Ki Roshni

Merey Harf Harf Main Bhar Sakey

Tere Lams Ki Yeh Shaguftagi

Merey Jism O Jaan Main Utar Sakey

Koi Chandani Kisi Gehrey Rang Key Raaz Ki

MereY RastooN Main Bikhar Sakey

Teri Guftagu Se Banaoun Main

Koi DastaaN Koi KehkashaaN

HoN MuhabbatoN Ki Tamazatey Bhi Kamaal Tarha Sey MeherbaaN

Terey BazouN Bahaar Main

Kabhi Jhultey Howe GaoN Main

Teri Justaju Ke Chiraag Ko Sar-e-Shaam Dil Main JalaoN Main

Isi Jhilmilati Si Shaam Main

LikhoN Nazm JO Tera Rup Ho

KahiN Sakht JaroN Main Ek Dum Jo Chamak Uthey

Koi Khusgawaar Si Dhoop Ho

Jo Wafa Ki Taal Key Raqs Ka

Koi Jeeta Jaagta Aqs Ho

Koi Nazm Aysee LikhoN Kabhi

Key Har Lafz Key Hath Main

Tere Naam Key

Tere Harf taza Kalaam Key

Kaiy Raaz HoN

Jinhain Munkashif Bhi KaroN Agar

To Jahan-E-Sheir Key Baab Main

merey Dil Pey Rakhi Kitaab Main

TereY Chashm O Lab Bhi Chamak UthaiN

Mujhey Roshni Ki FizaoN Main KahiN Ghair LaiN

Koi Nazm Aysee LikhoN Kabhi

Ta'luq mar bhi jate hain...!!!

Usey yeh kon samjhaye????

Wo dasht-e-khamoshi mein

Ungliyon mein sipiyan pehne

Kisi sookhe samander ki

Adhoori pyas ki batein

Bohat chup chap sunta hai

Bohat khamosh rehta hai

Usey yeh kon samjhaye????

Khushi k aik aansoo se

Samander bhar bhi jate hain

Bohat khamosh rehne se

Ta'luq mar bhi jate hain...!!!

Ae Dost.....

Ay dost suno faryad meri

kabi dunya thi abad meri,

main prem nagar ka basi tha,

or piyar ka itna aadi tha,

k sans b piyar se chalti thi,

dharkan b geet sunati thi,

na khana pina ishq siva,

na chalna phirna ishq bina,

jeevan main har su rang hi rang

har pal main jeenay ki trung,

pher sapna mera toot gea,

wo dais b mujsay jhot gea,

ab mara mara ghomta hun jeenay ka sahara dhondta hun,

ay dost agar tum sath chalo kisi morh pay mujsay aan milo,

is banjar zameen ko shadab karain,

wo dais yahen abad karain

Tum jao ham se door....

Tum jao ham se door

To ek kaam kar jana

Kuch pal apney

Hamarey naam kar jana

Agar aa jaye mout hamein

Teray aanay se pehlay

To aa ker meray janazay ka

Ehtraam kar jaana

Na rona is qadar k takleef ho hamein

Mout ko bhi mazakh samajh kar anjam kar jana

Mein ek din so jaon ga sada k lyie

Phir mujhe "Bewafa" keh k badnam kar jana

Jo guzro meri qabar se to nazrein na pherna

Mehman hi ban kar "Dua Salam" kar jana

Toote khawab....

Toote khwab

Benaam hasrat

Zard chehra

Shikasta muskurahat

Bara dard

Ajab rafaqat hai Maula

Shikwa nahin

Bas mujhe hausla dena....

Agar wo badshah hota....

Agar wo badshah hota

to koi baat bhi hoti

suna hai badshahon ko

dain aisa koi nazrana

jo sab cheezon se barh kar ho

to apni badshahat hi tak luta dete hain wo aksar

mohabbat hai hamare pas

magar wo badshah kab hai....!

Aik wahem tha dil main...

Aik wahem tha dil main

Shayad kabhi milo tum

kuch dair ruk ker poocho

beetay dinoon ka moosam

aawaz main ho larzish

aankhoon main ho tajassus

Mazay ka koi lamha

shayad atak gaya ho

sab bhool ker bhi shayad

kuch yaad agaya ho

phir main tumhain bataoon

apni khushi ki baatain

har dukh ko chupa ker dil main

aasoodgi ki baatain

wo chand chudhween ka

taroon bhari wo aankhain

dilkash haseen shamain

maasoom wardatain

wo piyaar ka tasawwor

wo bandagi ki batain

Wo rooz rooz marna

Aur zindagi ki baatain

Tum dukh say muskurao

Dheeray say muskurao

Dheeray say paas aao

Sar ko jhuka kay apnay

Chup chaap loot jao

Phir main bhi muskuraon

Maan kay diyay jalaon

Duhraon apnay dil main

Taa'luq say haqeeqat

Aik khuwab zindagi ka

Haan umer bhar jo daikha

Kabhi ho saka na pora

Younhi rah gaya adhoora

Aik khuwab-e-zindagi ka

Os ne Kaha....Sun..!

Os ne Kaha....Sun..!

Ehad, Nibhaaney ki Khatir mat Ana

Ehad Nibhaane wale aksar Majboori Ya...

Majboori ki Thakkan se Laota krtey hen..

Tum Jao...Aur...Dariya Dariya Peyas Bujhao

Jin Aankho'n me Doobo

Jis Dil mein be Utro

Meri Talab Awaz na de gi

Lekan... Jab meri Chahat aur Meri Khawish ki Lau

Itni Tez aur Itni Oonchi ho jaye

Jab Dil Ro Dey

Tab Loat Ana...!!!

Mai her us shey sy darti hon....(D)

Mai her us shey sy darti hon

tujhy jo cheen sakti hy,

me un lamhon sy darti hon

judai jin me rehti hy,

Mai un ashkon sy darti hon

jo ban kar yaad behty hen,

Mai un lafzon sy darti hon

jo khamoshi me rehty hen,

Bicharny ki mery hamdam

me har surat sy darti hon,

Tujhy shayad khabar ho gi

mujhy teri mohabbat ny,

bohot buzdil bana dala...

Tumhara khat mila jana...!!

Tumhara khat mila jana!!

Wo jis mein tum ne poocha hai

k aab halaat kaise hain

Mere din raat kaise hain

Mehrbani tumhari hai k

tum ne is tarhan mujhe se

Mere halat pooche hain

Mere din raat pooche hain

Tumhien sab kuch bta don ga

Mujhe itna bta do k

Kabhi sagar kinare per

Kisi machali ko dekha hai

k jis ko lehrain pani ki

kinare tak to lati hain

Magr phir chorr jati hain'

Mere halat asey hain

Mere din raat asey hain

Wo Roya Tou Bohat .....

Wo Roya Tou Bohat Magar Mujh Se Moon Mor K Roya,

Koi Majboori Ho Gi Us Ki Jo Dil Tor K Roya,

Merey Samne Kar Diye Meri Tasveer k Tukrey,

Pata Laga Merey Pichey Wo Un Ko Jor K Roya,

Jo Muskuraya Tha Meri Mot Ki Khabar Sun Kar,

...Laash Daikh Kar Meri Wo Jaan Tor K Roya,

Huwa Jab Usey Ehsas Apni Sangeen Ghalti Ka,

suna Hai Qabar Meri Pe Wo Haath Jor K Roya.

Kya aah bharay koi....?

Kya aah bharay koi

Jab aah nahin jati

Dil say bhi zara gehri

Aur arsh say kuch oonchi

Kya nazm likhay koi

Jab khwab ki qeemat mein

Aadarsh ki soorat mein

Kashkoal gada'ei ka

Shaa'ir ko diya jaey

Aur roak liya jaey

Jab shair utarnay say

Badal say zara oopar

Taaron say zara neechay

Kya khaak likhay koi

Jab khaak kay medaan par

Ungli ko hilanay say

Toofan nahin uth'ta

Jab shakh pay imkan ki

Is dasht-e-tamanna mein

Ik phool nahin khilta

Rahbar nahin ruktay

Mohoam si manzil par

Aankhon kay isharay say

Aur noor ki boondon ki

Bochhar nahin hoti

Ik neelay sitaray say

Heart Attack....

dard itna tha ke uss raat dil-e-wehshi ne

her rug-e-jaan se ulajhna chaha

her bun-e-moo se tapakna chaha

aur kahin door tere sehn mein goya

patta patta mere afsurda laho mein dhul ker

husn-e-mahtaab se aazurda nazar aanay laga

mere veeraana-e-tan mein goya

saaray dukhtay hove raeshoon ki tanabein khul ker

silsala'waar pata dene laggein

rukhsat-e-qaafla-e-shoq ki tayyaari ka

aur jab yaad ki bujhti hoi shammooN mein nazar aaya kahin

eik pal aakhri lamha teri dildaari ka

dard itna tha ke uss se bi guzarna chaha

hum ne chaha bi, magar dil na thehrna chaha

Hai Teray Naam Ka wo Shaidaai...

Jab Joban Tera Dhal Jaye

Jab Pyar Ki Umr Niakl Jaye

Jab ChHor DeY Tujh Ko Husn Tera

Jab Chehra Pur Ho JhuriYon SeY

Jab Zulf KAY Kham Na Baqi Hun

Jab Rangat Na ho GaAlon Mein

Jab Chandni UtareY BAalon MeN

Jab AAnkh Ki Masti Toot Chukay

Jab Hont Bhi Surkhi Kho Jaayen

Jab chhor Dein Tujh Ko Sub Sathi

Jab Koi Na Tujh Ko Apnaye

Tab.!

Meray Pas Chali Aana

"Basti" Ki Sooni Galiyon Men

Ek Betha Ho Ga Deewana

Jo Pyar Ka Paaras Pathar Hai

Jo Tujh Ko Sona Ker Day ga.!

Teray Joban Ko Woh Kaya Jaanay?

Teri Umr Sey Us Ka Kaya Matlab?

Teray Jism Sey Us Ka Kaya Rishta?

Jisay Kehtay Ho Tum Harjaayi

Hai Teray Naam Ka wo Shaidaai..

Murr kay dekha hum nay pathar ho gaey...

kitnay jaadui say manzar ho gaey

murr kay dekha hum nay pathar ho gaey

tum jo b'dlay to najanay kis terha

phool jitnay thay woh khanjar ho gaey

kesi yeh barish hui ab kay baras

khawahishon kay khait banjar ho gaey

sukh to jesay qarz thay us kar magar

dukh hamaray thay muqaddar ho gaey

shabnami lehja yeh kis ka sun liya

jitnay sehra thay samandar ho gaey

tum say mil kay kitnay arsa baad phir

yun laga khud ko mayyasar ho gaey

Pyar...

Abr-e-bahaar ney

phuul kaa chehra

apaney banafshi haath men lay kar..

aisey chuumaa

phuul k saarey dukh..

Khushbuu ban kar beh nikaley hain....

Kabhi tarrap utha meri aah se...

kabhi tarrap utha meri aah se

Kabhi ashk se na pighal saka

Sar e rah mila wo agar kabhi

To nazar jhuka k guzar gya

Wo uter gya meri aankh se

Meray dil se kyun na uter saka

Wo chala gya jahan chorr k

Main waha se phir na palat ska

Wo sanbhal gya tha mgar

Main bikhar k phir na simat saka

Q Tumhara Khat Aya .... ??

Shaam Hasraton ki

Raat Thi Judaii Ki

Subha Subha Harkara

Daak Say Havai Ki

Nama-e-Vafa Laya

Phir Tumhara Khat Aya ..

Phir Kabhi Na AaO Gee

Mauj-e-Saba Ho Tum

Sakht Be-Vafa Ho Tum

Sub Ko Bhool jaaO gi

Dushmanon Nay Farmaya

Doston Nay Samjhaya

Phir Tumhara Khat Aya ..

Hum To Jaan Baithay They

Hum To Maan Baithay They

Tera Deeed Ka Vaada

Teri Zulf Ki Khush-bu

Dasht-e-door K Aahoo

Sub Faraib Sub Maya

Phir Tumhara Khat Aya ..

SatVain Samandar Sey

SahiLon Say Q Tum Ney !!

Phir Mujhay Sadaa di .. ?

Davat-e-Vafa di .. !!

Teray IshQ Men Jani ....

Aur Hum Ney Kaya Paya .. ??

"Dard Ki Dava Payi ..."

Dard-e-La daVa paya ... "

Phir Tumhara Khat Aya ....

Q Tumhara Khat Aya .... ??

Tujh se mil kr bhi kuch kafa hain hum...

Tujh se mil kr bhi kuch kafa hain hum

Be murawat nhi to aur kia hain hum

Hum gam-e-karwan mein behte thy

log samjhe k shikasta paa hain hum

Eis tarah se hamein raqeeb miley

jaise muddat k aashna hain hum

Rakh hain hum agr ye aag bhujhe

Juz dard-o-gam k aur kia hain hum

Khud KO sunte hain is tarah jaise

Waqt ki aakhari saada haain hum

Q Zamaney KO ilzaam dein FARAZ

WO NHI hain to be wafa hian hum

Zindagi Tujhko Bhala Kya Apna Banayein Hum...

Zindagi Tujhko Bhala Kya Apna Banayein Hum,

Maut Se Khud Baithe Hai Dil Lagaye Hum,

Kadmon Ki Aahat Ho To Lagta Hai Wo Aaye,

Rakhte Hai Khud Apna Kafan Sajaye Hum,

Koi Aayega Aur Phir Kahega Bewafa Hamein,

Baithe Hai Dekho Apna Sar Jhukaye Hum,

Likh De Koi Kahani Meri Chahe Adhuri Sahi,

Phirte Hai Haath Mein Kora Kaagaz Uthaye Hum,

Har Shakhs Ke Do Chehre Nazar Aate Hai Hamein,

Ab Kisko Dein Dua Aur Kise Baddua Hum...

Roshni mizajon ka kiya ajab muqadder hai

Roshni mizajon ka kiya ajab muqadder hai

Zindagi k rastey main bichney waley kanton ko

Rah sey hataney main

Aik aik tinkey sey ashiaaaan bananey main

Khushboain pakerney main

Gulistan sajaney main

Umer kat detain hain

Or apney hisey k phool bant detain hain

Kaisi kaisi khwaishon ko qatal kertey jatey hain

Derguzer k gulshan main aber ban k rehtein hain

Saber k samunder main kashtian chalatey hain

Yeh nahin k in ko roz-o-shab ki kawish ka

Kuch sila nahin milta

Merney wali ahon ka khoon baha nahin milta

Zindagi k daman main jis qadar bhi khushian hain

Sab hi hath atin hai

Sab hi mil bhi jati hain

Waqt per nahin miltin

Waqt per nahin atin

Yani un ko mehnat ka ajer mil to jata hai

Lakin is tarah jaisey

Qerz ki koi reqm qist qist ho jaey

Asal jo ibarat ho pass-e-nawisht ho jaey

Fasl-e-gul k akhir main phool un k khiltey hain

Jin k sehn main soorej dair sey nikaltey hain

December......!!!!

December Mein Aksar Raat Main Tanha Akele Main

Tumhi Ko Yaad Karta Hoon

Tumhari Jheel Si Sharmati Aankhoon Ko

Jo Mujh Ko Deekh Kar Ek Pal Haya Ke Lal Pardon Main

Simat Si Jati Theen

Tumhare Haanth Ke Thande Paseene

Jo Tanha Deekh Kar Mujh Ko Bari Chahat Se Aatee Thay

Mein Joon Hi Haanth Main Apne Tumhara Haath Leeta Tha

Mere Haanthoon Ki Garmi Se

Paseene Bhap Ban Ke Iss Fiza Mein Kho Se Jate Thay

Unhi Ko Yaad Karta Hoon

Wo Jab Thak Kar Tumhari Goud Mein Sar Rukh Ke Soota Tha

Tum Apni Zulf Ki Thandi Hawaoon Ke

Hazaroon Qaflee Le Kar Mere Chehre Pe Jhukti Theen

Baree Hi Pyar Se Jab Mujh Ko Takti Theen

Aur Kehti Theen

Apni Aankhoon Ko Band Rukhna

Mujhay Bus Dekhne Dena

Aur Dheeree Se Mere Maathay Ko Apne Hoontoon Se Choo Kar

Tum Apne Pyaree Hanthoon Se

Chupanee Ke Liye Khud Ko Meri Aankhoon Ko Dhakti Theen

Wo Lamhee Yaad Karta Hoon

Mein Ab Tanha Hoon

Bohut Masroof Rehta Hoon

Subha Se Shaam Tak Iss Dhoop Main Khud Ko Ragarta Hoon

Thakan Se Choor Hokee Loot Ke Jab Ghar Ko Aata Hoon

Udasi Ke Ghanee Badal Mere Dil Pe Baraste Hain

Unhi Badal Se Buchne Ko

Laga Ke Shoola Hoontoon Se Mein Chuth Pe Bhaag Jata Hoon

Tehelta Hoon, Bohut Beechen Hota Hoon

Tumhi Ko Yaad Karta Hoon

Ke Tum Hoteen Tu Yee Hota, Ke Tum Hoteen Tu Wo Hota !!!

Ankhain...

MEIN ny dekhi hein jheel si bari gehri aankhein

kai rang khwaab ky chahat ky jin mein roshan hein

meri her soch ka dareecha unhi se khulta hy

her nai baat ka aghaaz wo piyari aankhein

wo hein saif ul malook si

wo hein aab-e-hayaat si

kabhi jo khul na paay wo

haseen saada sa raaz hein

wo ik roshan sa baab hein

kabhi lagti hein chaon 'dhoop mein saaya fagan ankhein

wo neely aasmanon ki tarah shafaaf si aankhein

chiraghon si jo roshan hein

kinary jin ky sahil hein

meri chahat chupi jin mein

wo aisa seep sa dill hein

haya parwar bari masoom si aankhein

mujhay lagti hein raat si wo haseen khwaab si ankhein

mein ny dekhi hein khamoshi mein bario bolti ankhein

Meray Humsafar

Meray Humsafar.....

Woh jo aik rishta-e-dard tha!!

Meray naam ka teray naam say

Mare subhoo'n ka teri sham say.......

Sar-e- raah guzar hai para hua,wohi khawab-e-jaan

Issi rekht-e-gham ko sameetay

Issi khawab-e-jaan ko sambhaltey

Meray rastey kaee rastoon main ulajh gaye

Kissi or manzil-e-bee-neshan k ghubar-e- raah main khoo gaye

Meray humsafar.......

Tujhay kya khabar!!

Jo waqt hai kissi dhoop chaoon k khail sa

Issey dekhtey, issey jheeltey

Meri ankh gard say att gaye.......

Meray bey-khabar teray naam per

Woh jo phool khiltey they hont per

Woh nahi rahay.....

Woh nahi rahay k jo aik rabta tha darmiya'N

Woh baikar gaya....

Meray humsafar....

Hai wohi safar

Mager aik moor k faark say

Teray hath say meray hath tak........

Woh jo hath bhar ka tha fasila

Kaee Mousamoo'n main badel gaya

Issey naaptey, issey kattey

Mera saara waqt nikal gaya.....

Meray Humsafar........

Raat Kii Raani Ka Jaadoo

Raat Kii Raani Ka Jaadoo

Chandni Kaa Lams

Aapas Me GhuLe Jaate Hein

Meri Rooh Me TahLeeL Hote Jaa Rahe Hein!

Ye Sapna JaL Chuka Thaa

Bas Us Kii Raakh Meri Rooh Me Aksar Urda Karti Hai

Magar KaL Shab Mahtab Thii

Aur Aasmaa'n Tak Noor Kii Seerdhii Bani Thii

Sitaaro'n Se Bhara AanchaL Tha Mera

Mere Ik Haath Me HaLke GuLabi PhooL ThaY

Aur Doosra Ik Ajnabi Ke Haath Me Thaa

Jis Kaa Har Andaaz Tujh Se MukhtaLif Thaa

Magar Uss Aankh Me Jo JaG.Magahat Thii

Meri Daikhi Hui Thii

Aur Uss Lab Par Jo DiL'Kash Muskurahat Thii

Meri Choomi Hui Thii.........

Poet : Parveen Shakir