Aaj ki shab to kisi tau guzar jayegi

Aaj ki shab to kisi tau guzar jayegi
Raat gehri hai
magar

chaand chamakta hai abhi
Mere maathe pe tera pyar
damakta hai abhi
Meri saanson mein, tera
lums mahekta hai abhi
Mere seene mein tera
naam dharakta hai abhi
Zeest karne ko, mere paas
bahot kuchh hai abhi
Teri aawaz ka jaadu hai
abhi mere liye
Tere malboos ki, khushbu
hai abhi mere liye
Teri baahein tera
pehlu hai abhi mere liye
Sab se barhkar, meri jaan
tu hai abhi mere liye
Zeest karne ko mere paas
bahot kuchh hai abhi
Aaj ki shab to kisi taur
guzar jaayegi
Aaj ke baad magar rang e wafaa kya hoga
Ishq hairaan hai sare
shaher e saba kya hoga
Mere qaatil tera andaaz e
jafaa kya hoga
Aaj ki shab to bahot kuchh hai magar kal ke
liye Ek andesha e benaam hai aur kuchh bhi nahin
Dekhna ye hai ke kal tujh se mulaqaat ke baad
Rang e ummeed khilega
ke bikhar jaayega
Waqt parwaaz karega ke thaher jaayega
Jeet ho jaayegi ya khel bigar jaayega
Khwaab ka shaher rahega
ke ujar jaayega...

Bohat Takleef Deta Hai ....

Bohat Takleef Deta Hai 

Kisi Ko "Alvida Kehna"

Dikhaye Kuch Nahi Deta

Sunaye Kuch Nahi Deta

Faqat Kuch Kap`Kapatey Lafz

Jo Hontho Par Thy`Har Jayein

Ubhar`ti Doub`ti Saansay

Usay Awaaz Deti Hain

Koi Apna Ke Jis Ka Naam

Apney Dil Pe Likha ho

Ke jis Ke Waastey Dil say

Duaaein Hi Nikalti ho

Bohat Takleef Deta Hai

Usi Ko "Alvida Kehna"

Jisay Dil Me Basaya ho

Barey Hi Maan say

Jisay Apna Banaya Ho

Bohat Takleef Deta Hai Usi Ko

"Alvida Kehna"

Kia Tum Bhi Meri Tarha ....

Kia Tum Bhi Meri Tarha 

Chalti Hawaon Ko Choney Ki

Koshish Karti Ho 

In Fizaon Main Jesey Main

Tumhari Mehak Mehsos Karta Hoon

Wesay hi Mujh ko Kia Tum Bhi

Apney Gird Youn Pati Ho 

Kia Tum Bhi Shabb Ki Tanhai Main

Meri Tarha Jaagti Rehti Ho

Aur Jesey Main Tumhari Yaad Ke

Diye Se Roshni Bakhairta Rehta Hoon

ussi Tarha Kia Tum Bhi...

Apney Andheron Ko Roshan Karti Ho 

Batao Kiya tum bhi............

Ae Musawir Mere Mehboob Ki Tasvir Bana...

Ae Musawir Mere Mehboob Ki Tasvir Bana,

Tuj se ban jaye to bigri hui taqdir bana,

Zulf A C ho k barsat bhi pani mange,

Surkh honton se her ek phool jawani mange,

Jheel c ankhon main kajal k wohi teer bana,

Ae Musawir Mere Mehboob Ki Tasvir Bana,

Main tuje Hussan k andaz sikhaon k se,

Apni aankhen tere chehre tere chehray pe lagaon k se,

Tera dar chor kar jaon to jaon k se,

Jis main ulja rahoon din raat, wo zanjeer bana,

Ae Musawir Mere Mehboob Ki Tasvir Bana

Sachi Baat Kahi Thi Maine....

Sachi Baat Kahi Thi Maine

Logon Ne Sooli Pe Chadhaya

Mujh Ko Zahr Ka Jam Pilaya

Phir Bhi Un Ko Chain Na Aaya

Sachchi Baat Kahi Thi Maine

Le Ke Jahan Bhi, Waqt Gaya Hai

Zulm Mila Hai, Zulm Ssaha Hai

Sach Ka Ye Inaam Mila Hai

Sachchi Baat Kahi Thi Maine

Sab Se Behtar Kabhi Na Ban Na

Jag Ke Rahbar Kabhi Na Ban Na

Peer Payambar Kabhi Na Ban Na

Chup Rah Kar Hi Waqt Guzaro

Sach Kahnepe Jaan Mat Waro

Kuch To Seekho Mujh Se Yaro

Sachchi Baat Kahi Thi Maine

Yeh Ik Piyara Sa Jo Rishta Hai...

Yeh Ik Piyara Sa Jo Rishta Hai

Kuch Mera Hai, Kuch Tera Hai

Kahen Likha Nahi, Kahen Parha Nahi

Kahen Dekha Nahi, Kahen Suna Nahi

Phir Bhi Jana Pehchana Hai

Kuch Mera Hai, Kuch Tera Hai

Kuch Masum Sa, Kuch Ulbela

Kuch Appna Sa, Kuch Begana

Kuch Chunchul Sa, Kuch Shurmila

Kuch Sukh Sa, Kuch Sunjida

Kuch Uljha Howa, Kuch Suljha Suljha

Kuch Masti Bhura, Kuch Khafa Khafa

Kuch Mera Hai Kuch Tera Hai

Yeh Piyara Sa Jo Rishta Hai

Kabhi Kari Dhoop Main Saya Hai

Kabhi Undheri Raat Main Jugnu Hai

Kabhi Bin Badul Barsat Hai

Kabhi Bhutkay Howo’n Ka Rah-Bur Hai

Kabhi Rusta Hai, Kabhi Munzil Hai

Kuch Mera Hai, Kuch Tera Hai

Yeh Ik Piyara Sa Jo Rishta Hai

Kabhi Dhagay Say Isay Bandha Nahi

Kabhi Ehad-O-Paiyma’n Main Jukra Nahi

Kabhi Haq Bhi To Appna Jutaya Nahi

Phir Bhi Yeh Kitna Piyara Hai

Jisay Hum Nay Sachey Moti Ki Turha

Dil Ki Sipi Main Qaid Kiya

Sub Ki Nazro’n Say Dhanp Liya

Kabhi Maan Diya, Kabi Aitbar Kiya

Sub Kuch Hi Is Par Var Diya

Yeh Jo Piyara Sa Rishta Hai

Kuch Mera Hai, Kuch Tera Hai

Ye Zindagi....

Ye Zindagi

Aaj Jo Tumhare

Badan Kii Chhotii-Badii Nason Men

Machal Rahi Hai

Tumhare Pairon Se Chal Rahi Hai

Tumhari Aavaz Men Gale Se Nikal Rahi Hai

Tumhare Lafzon Men Dhal Rahi Hai

Ye Zindagi

Jaane Kitni Sadiyon Se

Yuun Hi Shaklen

Badal Rahi Hai

Badalti Shaklon

Badalte Jismon Men

Chalta-Phirta Ye Ik Sharara

Jo Is Ghadii

Naam Hai Tumhara

Isi Se Saari Chahal-Pahal Hai

Isi Se Roshan Hai Har Nazara

Sitaare Todo Ya Ghar Basao

Qalam Uthaao Yaa Sar Jhukao

Tumhari Aankhon Ki Roshni Tak

Hai Khel Sara

Ye Khel Hoga Nahin Dubara

Ye Khel Hoga Nahin Dubara

Ye Un Dinon Ki Baat....

Ek Duje Pe Martye The Hum Pyaar Ki Baatein Karte The

Khwaabon Mein Khoye Rehte The Baahon Mein Soye Rehte The

Hum Aashiq The Deewane The Is Duniya Se Begaane Se

Ye Un Dinon Ki Baat Hain Jab Hum Paagal Paagal Firte The

Ye Un Dinon Ki Baat Hain Jab Hum Paagal Paagal Firte The

Kehte The Kuch Sunte The Hum Phool Wafa Ke Chunte The

Kabhi Haste The Kabhi Rote The Hum Yaar Juda Jab Hote The

Hume Sab Kuch Achcha Lagta Tha Afsana Sachcha Lagta Tha

Ye Un Dinon Ki Baat Hain Jab Hum Paagal Paagal Firte The

Ye Un Dinon Ki Baat Hain Jab Hum Paagal Paagal Firte The

Tanhaayi Mein Jab Milte The Dil Mein Hulchul Si Hoti Thi

Hum Dono Jaagte Rehte The Jab Saari Duniya Soti Thi

Jab Yaad Tumhari Aati Thi Chaahat Ke Nagme Gaatey The

Bechain Deewani Dhadkan Ko Behlate The Sum Jaate The

Ye Un Dinon Ki Baat Hain Jab Hum Paagal Paagal Firte The

Ek Duje Pe Martye The Hum Pyaar Ki Baatein Karte The

Khwaabon Mein Khoye Rehte The Baahon Mein Soye Rehte The

Hum Aashiq The Deewane The Is Duniya Se Begaane Se

Ye Un Dinon Ki Baat Hain Jab Hum Paagal Paagal Firte The

Ye Un Dinon Ki Baat Hain Jab Hum Paagal Paagal Firte The

Ye Un Dinon Ki Baat Hain Jab Hum Paagal Paagal Firte The

Ye Sham Phr Nai Aye Gi...

Ye Sham Phr Nai Aye Gi

Is Sham Ko Aoo Hum Amar Kardain

Aik Dujay Kay Hojain Hum Dono

Aik Dojay Main Samajain Hum Dono

Aik Dujay Ki Sanson Main Bass Jain Hum Dono

Aik Dujay Kay Khiylon Main Samajin Hum Dono

Aik Dujay Kay Dil Main Samajin Hum Dono

Aik Dujay Ka Saath Nibhin Hum Dono

Kyn Kay Ye Sham Phir Nai Ayegi

Is Pal Ko Aao Ji Bhar Kay Ji Lain Hum Dono

Mein Ne Kaha Wo Ajnabi Hai.

Dil Ne Kaha Ye Dil Ke Lagi Hai.

Mein Ne Kaha Wo Sapna Hai.

Dil Ne Kaha Phir Bhe To Apna Hai

Mein Ne Kaha Wo Meh Khana Hai.

Dil Ne Kaha Ye Pre Khana Hai.

Mein Ne Kaha Wo Ghari Bher Ki Mulaqat Hai

Dil Ne Kaha Ye Sadyuon Ka Saath Hai.

Mein Ne Kaha Wo Meri Haar Hai.

Dil Ne Kaha Yehi To Pyaar Hai.

Tumhain Jana Ijazat Hay....

Kay In Tareeq Rahoon Main Thakan Si Khud Main Pao To

Andheeron Say Kabhi Dil Dol Jay

Thak Si Jao To Mairay Jaltay Huway Lamhoon

Mairay Kangal Hathoon Say Chura Kay Apnay Hathoon KO

Fiza Ki Naghmagi Say Tum Nay Geeton KO Chun Laina

Haseen Palkoon Ki Nokoon Par Nay Kuch Khuwab Bun Laina

Koi Gar Pooch Lay Maira To Us Say Zikr Mat Karna

Mairay Jeewan Ki Jalti Dopahar Say Bagharz Ho Kar

Tum Apni Chandni Ratoon Main Jugnoo Pati Rahna

Mairi Tanhayoon Ki Wahshatoon Ki Fikr Mat Karna

Tumhain Is Ki Ijazat Hay Mairay Sab Khat Jala Daina

Mairay Tohfoon KO Dariya Main Baha Daina, Daba Daina

Mairi Har Yad KO Dil Say Khurachna Or Mita Daina

Tumhain Bilkul Ijazat Hay Kay Jab Chaho, Bhula Daina

Magar…….!

Itni Guzarish Hay Kay Aisa Na Ho Jana!

To Acha Hay

Tumhain Jana Ijazat Hay.

Jab Tairi Dhun Main Jia Kartay Thay...

Jab Tairi Dhun Main Jia Kartay Thay

Ham Bhi Chup Chap Phira Kartay Thay

Aankhon Main Piyas Huwa Karti Thi

Dil Main Tofan Utha Kartay Thay

Log Aatay Thay Ghazal Sunnay KO

Ham Tairi Bat KIA Kartay Thay

Sach Samajhtay Thay Tairay Wadoon KO

Rat Din Ghar Main Raha Kartay Thay

Kissi Wiranay Main Tujh Say Mil Kar

Dil Main KIA Phool Khila Kartay Thay

Ghar Ki Deewar Sajanay Ki Khatir

Ham Tiara Nam Likha Kartay Thay

Woh Bhi KIA Din Thay Tujhay Bhula Kar

Ham Tujhay Yad KIA Kartay Thay

Kal Tujhay Dekh Kar Yad Aaya

Ham Bhi Kabhi MOHABBAT KIA Kartay Thay

Rukhsat Hua To ....

Rukhsat Hua To Meeri Baat Maan Ker Gaaya

Jo Is K Paas Thaa Wooh Mujhay Daaan Ker Gaya

Bichra Kuch Ius Aada Say K Rut Hi Badal Gyee

Aaik Shaks Saaray Shaher Ko Viraan Ker Gaaya

Dilchasp Waaqia Hai K Kal Aik Aaziz Dost

Apnay Mafaad Per Mujhay Qurbaan Ker Gaya

Kitnii Sudher Gyee Hai Judaai Main Zindagi

Haan Wooh Jifa Say Mujh Pay To Aahsaan Ker Gaya

Azher Main Baat Baat Per Kehtaa Thaa Jis Ko Jaan

Wooh Shaks Aakhir Mujhay Bayjaan Ker Gaya

Mere Dill Main....

Mere Dill Main

Hia Ik Tamana

Meri Aankhon Main

Bhi Hai Sapna

Mere Man Main

Kya Kya Hai

Koi Nahi Hai

Jo Yeh Jaane

Jaan Ker Phir

Mujh Ko Batae

Mujh Ko Bhi

Ik Aas Lagi Hai

Koi Aa Ker

Mujh Ko Jaane

Mujh Ko Samjhe

Meri Aankhain

Taras Rahi Hain

Aisa Chehra

Dhoond Rahi Hain

Jis Per Mile

Sachi Rangat

Pyaar Khaloos Ka

Pakeeza Jazba

Mujhe Tasleem Hai Hamdam...

Mujhe Tasleem Hai Hamdam

Yanhan Jeewan K Rastay Pe

Jawani Jab Bhi Khilti Hai

To Ik Selaab Ki Surat

Kai Jazbay Machalte Hain

Tasawwur Mein Har Ik Janib Hazaroon Phool Khilte Hain

Kisi Ko Chahne Ki Hasrat Dil Mein Jaag Uthti Hai

Hazaroon Saal Se Soi Hui Murawwat Jaag Uthti Hai

Phir Ase Mein Tabiat Par Ajab Mahool Hota Hai

Magar Zahir Iraadon Par Ana Ka Khool Hota Hai

Kabhi Mehfil Mein Bethay Hi Kisi Sapnay Mein Khoo Jana

Kabhi Apne Khayaloon Mein Kisi Ka Khud Se Ho Jana

Kisi Ki God Mein Yun Rakh K Sar Khamosh Ho Jana

Magar Hamdam Hamesha Yaad Rakhna

Faqat Ik Chahne Se Kuch Nahi Milta

Muhabbat Naam Ka Yeh Phool Yak Tarfa Nahi Khilta

Dunya E Ulfat Ki Yeh Derina Riwayat Hai

K Chahat Rakhne Waloon Par Hazaroon Gham Baraste Hain

Aur Ase Mein Woh Jeewan Ki Musarrat Ko Taraste Hain

Mere Hamdam Jo Kabhi Apne Jeewan Mein

Muhabbat Ka Irada Ho To Mera Mashwara Yeh Hai

K Is Pur Pech Rastay Par Sada Halaat Se Darna

Aur Is Ka Sab Se Behtar Hal Yeh Hi Hai K

Muhabbat Jab Bhi Karni Ho

To Apne Aap Se Karna

Musaffir...

Musaffir K Rasstey Badltey Rahey

Muqader Main Chalna Tha Chaltey Rahey

Koi Phool Sa Haath Kandhey Pay Tha

Meray Paaon Sholon Pay Chaltey Rahey

Main Rasttey Main Uljha Raha

Diyey Uski Rahoon Main Jaltey Rahey

Woh Kiya Tha Jissey Hum Ney Thukra Diya

Mager Umer Bher Haath Maltey Rahey

Mohabbat,Adavar,Wafa,Bayrukhi

Kiraye K Gher Thay Badltey Rahey

Suna Hai Unhin Bhi Hawa Lug Gai Hai

Hawaon K Jo Rukh Badlatey Rahey

Lipat K Chiraghoon Sey Hum So Gaey “Khurram”

Hum To Pholon Main Carvan Badltey Rahey

Mein Kuch Lamhey Aur Tera Saath Chahta Tha...

Mein Kuch Lamhey Aur Tera Saath Chahta Tha,

Aankhoun Mein Jo Tham Gai Woh Barsaat Chahta Tha,

Jo Guzar Rahi Thi Mujhey Tarsatey Huey,

Aisi Haseen Aik Aur Raat Chahta Tha,

Is Key Siwa To Aur Kuch Na Maanga Tujhsey,

Sirf Aankhoun Mein Teri Apna Pyaar Chahta Tha,

Suna Hey Mujhey Bohat Chahti Hey Woh Magar,

Mein Uski Zubaan Sey Aik Baar Izhaar Chahta Tha,

Woh Mujh Per Nazre Karam Kare Mein Is Qabil Kahaan,

Is Key Chahney Waaloun Mein Apna Shumaar Chahta Tha,

Jo Zindagi Tak Haar Dey Meri Mohabbat Mein ,

Mein To Fakat Aisa Aik Bimaar Chahta Tha.

Koi Awaz Aati Hai ...

Koi Aawaz Aati Hai 

Mere Dewwane Dil Se

Jab Main Sochti Hoon

Teri Batoon Ko Ae Jaana

Khushi Se Dhurd Uthati Hai

Hansi Se Phot Pardti Hai

Mere Huntoon Ke Konoo Main

Koi Aahat Se Hoti Hai

Dar-E-Dil Khol Deti Hoon

Tere Sapnoo Main Khoti Hoon

Na Jagti Hoon Na Soti Hoon

Khayaloon Main Meri Jaana

Main Tere Pass Hoti Hoon

Jahaan Dil Main Mere

Teri Muhabbat Ki Fasal

Charoon Taraf Lhelahati Haai

Piyar Ki Ek Laher Dhurd Jati Hai

Muje Teri Janab Bulati Hai

Satati Hai Rulati Hai

Ek Ye Awaz Aati Hai

Muje Tum Se Muhabbat Hai

Koi Awaz Aati Hai 

Mere Dewane Dil Se

Koi Apna Nahi Banta

Koi apna nahin banta!!!

labon pay naam rakhnay say

dilon main yaad karnay say

har ik dharkan, har ik tarpan

kisi ke naam karnay say

koi apna nahin banta

tamam umar ki khushiyan

mohabbat ki sabhi ghariyan

kisi ko daan karnay say

ke ...us pay maan karnay say

koi apna nahin banta

woh pehlay piyar ki batain

rafaqat ki sabhi ratain

woh chahat ki sabhi rasmain

mohabbat ki sabhi qasmain

humaisha yaad rakhnay say

koi apna nahin banta

kisi tanha akaili raah guzar par

puranay say kisi boorhay shajar par

patthar say koi dil bananay say

aur

usmain apna or kisi ka naam sajanay say

koi apna nahin banta

ke jab......aankhain hi marr ja`ain

to phir sapna nahin banta

yeh jeewan daaan kar ja`ain

to bhi apna nahin banta

koi apna nahin banta...

koi apna nahin banta.........

Mujhay tum say muhabbat hay!

Tumhein kitna yeh bola tha

K meri zindage mein is terha shamil nahin hona

Jub aankhein subha ko kholoon pukaroon naam mein tera

Kabhi jub aaeina dekhoon

Tumhara aqks meri aankh ki putlee mein jum jae

Khushi mujh ko milay koi

Tumhara saath mein dhoondoon

Dukhoon mein bhi yehi chahoon k meray pass bus tum ho

Tumhein kitna yeh bola tha

Mujhay baadal say, barish say muhabbat hay humesha say

Maggar tum nay muhabbat ko junoon mein kiun badul dala

Mein ab barish k mousam mein tum hi ko dhoondta kiun hoon?

Inhee soochoon mein bheega hoon mein tunha bheegta kiun hoon?

Tumhein kitna yeh bola tha

Meri aadat nahin badlo

Meri khatir nahin badlo

Maggar tum nay badul dala

Mera sub kuch badul dala

Mein ab jo khud ko tukta hoon mujhay tum yaad aati ho

Tumhein kitna yeh bola tha mujhay tum yaad mat ana

K tum ko bhoolna waisay hi meray bus say baahir hay

Mujhay jub yaad aati ho to yeh mehsoos hota hay

Mujhay tum yaad kerti ho

Tumhein kitna yeh bola tha mujhay tum yaad mat kerna

Mujhay tum yaad mat ana

Meri is zindage mein is terha shamil nahin hona

Tumhein kitna yeh bola tha

Wo rungoon mein dhalli lerki

Kabhi jub baat kerti hay

To us k lafz khushbu ki terha mehsoos hotay hein

Wo hansti hay to jaisay sara aalum us haansi mein doob jata hay

Wo lub us k wo aankhein aur wo chehray ki shadaabi

K jaisay apsaraa koi

Wo mera naam laiti hay to meri rooh mein jaisay nasha uterta hay

Mera mun jhoom uthta hay

Wo rungoon mein dhalli lerki

Jhukaae apni palkoon ko kabhi woh mujh say jo kehti hay

Mujhay tum say muhabbat hay

To is ka shermageen lehja yaqeen mujh ko dilata hay k dunya khubsorat hay

Wo rungoon mein dhalli lerki

Udaasi k saayoon ko jub bhi oorh laiti hay

Mera dil khoon roota hay

Mein us ki sharbatti aankhoon ki num say bheeg jata hoon

Wo rungoon mein dhalli lerki

Jissay mujh say muhabbat hay

Mera izhaar sunnti hay to sub bhool jati hay

Jhukaae apni palkoon ko wo aisay mukurati hay

k jaisay apsara koi

Wo rungoon mein dhallli lerki

Meray lafzoon mein rehti hay

mujhay aksar yeh kehti hay

Mujhay tum say muhabbat hay!

Us ko kho kr To Mere Pas Raha Kuch Bhi Nahi...

Ab To Hathon Se Lakerein Bhi Miti Jati Hain,

Us ko kho kr To Mere Pas Raha Kuch Bhi Nahi,

Kal Bicharna Hai To Phir Ehad-e-Wafa Soch K Bandh,

Abi Aagaz-e-Muhabbat Hai Gea Kuch Bhi Nahi,

Me To Is Waste Chup Ho K Tamasha Na Bane,

Tu Samajta Hai Muje Tujh Se Gila Kuch Bhi Nahi.

Sochta Ho K Wo Kitne Masoom Thay,

Kya Se Kya Ho Gaye Dekhte Dekhte,

Me Ne Pathar Se Jin Ko Banaya Sanam,

Woh Khuda Ho Gaye Dekhte Dekhte.

Jin Pathron Ko Hum Ne Atta Ki Dharkanein,

Woh Bolne Lage To Hum Hi Par Baras Pare.

Mere Hathon Se Tarashe Howe Pathar K Sanam,

Mere Hi Samne Bagwan Bane Bethe Hain.

Hashar Hai Wo Hashart e Dil Ki Aawargi,

Hum Se Pocho Muhabbat Ki Dewangi,

Jo Pata Pochte Thay Kisi Ka Kabi,

La-Pata Ho Gaye Dekhte Dekhte.

Hum Se Ye Soch Kar Koi Wada Karo,

Aek Wade Par Umrain Guzar Jayein Gi,

Ye Hai Duniya Yaha Kitne Ehad-e-Wafa,

Bewafa Ho Gaye Dekhte Dekhte.

Din Chup Geya Soraj Ka Kahi Naam Nahi Hai,

O Wada Shikan Ab Bhi Teri Sham Nahi Hai.

Kal Se Be-Kal Hon, Bhala Khak Muje Kal Aaye,

Kal Ka Wada Tha, Na Wo Kal Aaye Na Aaj Aaye.

Roz Ka Intazar Kon Kare?

Aap Ka Etabar Kon Kare?

Ho Chuka Wada k Kab Aayiye Ga,

Dekhiye Ab Na Bhol Jayiye Ga.

Bhala Koi Wada Khilafi Ki Had Hai,

Hisab Apne Dil Par laga kar To Socho,

Qayamat Ka Din Aa Geya Rafta Rafta,

Mulaqat Ka Din Badalte Badalte.

Gair Ki Baat Tasleem Kya Kijiye,

Ab To Khud Par Bhi Hum Ko Bharosa Nahi,

Apna Saya Samajte Thay Jin Ko Kabhi,

Woh Juda Ho Gaye Dekhte Dekhte..!!

Mohabat jeet hoti hai...

Mohabat jeet hoti ha

Magar ye har jati ha

kabi dil soaz lamhe se

kabi bekar rasmon se

kabi takdeer walo se

kabi majbor ksmon se

kbi ye khawb hoti ha

kabi betaab hoti ha

kabi ye maar jati ha

kabi masroor karti ha

kabi ya soag deti ha

kisi ka chain hoti ha

kisi ko rog deti ha

kisi ki ankh main hum dam

kahan ik bar jati ha

jahan tazleel ho is ki

wahan har bar jati ha

kisi k paon ma reh kar

falak k paar jati ha

MOHABAT jeet hoti ha

magar yeh haar jati ha.

Tujhy naaz hai k main husn hun...

Tujhy naaz hai k main husn hun

mery gulsitan ko zawal kya?

mujhy fikr hai k main ishq hun

jo jala na doon tu kamal kya?

mujhy zindagi ki dua na dy

mujhy zindagi ki talab nahin

meri mout ko jo taal dy

iss zindagi ki majal kya?

mujhy manzilon ki khbar nahin

mujhy rahguzar ki talash hai

iss rahguzar py jo chal pary

tu urooj kiya or zawal kya?

thi jo ik ada-e-dilbari

sari umr uss py he waar di

teri yad mein sab guzar gya

shb-o-roz kya , mah-o-saal kya

Bohat farsuda lagty hain....

Bohat farsuda lagty hain

mujhy ab yar k qissy

gul-o- gulzar ki baatein

lab-o-rukhsar k qissay

yahan sab k muqaddar mein

faqat zakhm-e-judai hai

sabhi jhoty fasanay hain

wisal-e-yar k qissay

bhala ishq-o-muhabbat sy

kisi ka pait bharta hai

suno tum ko sun ata hun

main karobar k qissay

mery ehbab kehty hain

yahi ik aib hai mujh mein

sar-e-deewar likhta hun

pas-e-deewar k qissay

main aksar isliye logon se ja kr

khud nahin milta

wohi bekar ki baatein

wohi bekaar k qissay...

suno logo!!!!

suno logo!!!!

meri ankhen khareedo gy?

buhat majboor halat mein

mujhy neelam krni hain,

koi mujh sy naqad ly ly,

mein thory daam ly lon ga,

jo dy day pehli boli tu,

usi k naam kr don ga,

mujhy bazar waly keh rhy hain kam aqal tajir,

suno logo!!!!

main nahin hon hirs ka khwahan

nafa nuqsan ki shatranj nahin main khelny aya,

koi mujh ko kahy na man-chala sa by-hunr tajir,

bta paon tunhain kesy k

kis tashveesh mein hon main,

suno logo!!!

bri mahboob hain mujh ko,

ye meri neem tar ankhen,

magar ab b aichta hon k,,

mujhy ik khwab ka tawan bharna hai..

INHEN NEELAAM KARNA HAI.......

Khamoshi Say Bikharna Aa Gia Hay....

Khamoshi Say Bikharna Aa Gia Hay,

hamin Ab Khud Ujarna Aa Gia Hay,

kisi Ko Baywafa Kehtay Nahi Hum,

hamin Bhi Ab Badalna Aa Gia Hay,

kisi Ki Yad Main Rotay Nahi Hain,

hamin Chupchaap Jalna Aa Gia Hay,

gulaboon Ko Tum Apnay Pass Rakho,

hamin Kaanton Pay chalna Aa gia Hay.

Hum Jo Toote To Is Tarah Toote...

Hum Jo Toote To Is Tarah Toote

Jaise Hathon Se Girr K Pathar Pe

Koi Shafaaf Aaiina Toote

Jaise Palkon Se Toot Tha Aansoo

Jaise Seene Main Ik Kamaan Toote

Jaise Umeed Ki Nazuk Daali

Barg Mosam Main Na Gahaan Toote

Jaise Aankhon Main Khwab Ki Doori

Waqt E Takmeel Se Ulajh Jaye

Jaise Pairon Tale Zameeen Nikle

Jaise Sar Par Yeh Aasmaan Toote

Jaise Ik Shaakh Pe Bharosa Kia

Is Pe Jitne Thay Aashiyaan Toote

Jaise Wehshat Se Hosh Aa Jaye

Jaise Ta Dair Main Dheyaan Toote

Ab Jo Raiza Howay To Sochte Hain

Kis Nay Dekha Tha Tootna Apna

Hum Jo Toote To Raayegaan Toote

Tumhin kis nay kaha pagli...

Tumhin kis nay kaha pagli

mujhay tum yaad aati ho

bohat khush faham ho tum bhi

tumharai khush gumani hai

meeri ankhon ki surkhi main

tumhari yaad ka matlab???????

meeray shab bhar kay jagnay main

tumharay khwaab ka matlab???

yah ankhien to hameesha say hi

meri surkh rehti hain

tumhin malom hi hoga

is shahar ki faza kitni aloda hai

tu yah sozish,,ussi fizza kay bayes hai

tumhin kis nay kaha pagli

ka main shab bhar nhin sota

mujhay is nokri kay sab jhameelon say

kabhi fursat milay to tab hai na

meeri baaton main larzash hai???

main aksar kho sa jata hon??

tumhin kis nay kaha pagli

mohabbat kay ilawa aur bhi to dard hotay hain

fikar-e-muaash,sukh ki tlaash,

aisay aur bhi gham hain

aur tum

un sab ghamon kay baad aati ho

tumhin kis nay kaha pagali

mujhay tum yaad aati ho

yah dunya walay pagal hain

zara si baat ko yah to afsaana samjhtay hain

mujhay ab bhi yah pagal tera dewana samjhaty hain

tumhin kis nay kaha pagli!!!

magar shyed!!!!!!!

magar shyed main jhhota hon

main raiza raiza toota hon

Sab log ye mujh say kehte hain....

Sab log ye mujh say kehte hain

nazmo say ishq khuda jesa

ghazlo main kaif udhaasi ka

kis dost nay tum ko sonpa hai

mera ik jawab hamesha say

ik shakhs shehar mai aea tha

kuch roz woh mere sath raha

mughe lehje kay amrat ras main

is nay kuch esa rang dia

har nazuk dil moh lene ka

mere lafzo ko ahang dia

phir soch kay tane bane main

uljha kar mugh ko chor ghia

kuch din say us ki yaad yunhi

is dil par dastak deti hai

aur pao main zanjeer pari

kab hum ko jane deti hai

kabh dil main us ki aas nehi

ye baat alag woh pas nehi

Barishon ke mosum mai....

Barishon ke mosum mai

Dil buhat machalta hai

Tere sang chalny ko

Tuj se baat karny ko

Teri baat sunany ko

Dil buhat machalta hai

Dil ko kaisy samjain

hum ko zindagi bhar ab

Barishoon ke mausam main

bheegna bhi hai tanha

Aur tanha chalna hia

Dil ko kaisy samjain

Barishoon ke mausam mian

Tuj ko yaad karna hai

Mujhay acha sa lagta hai...

Mujhay acha sa lagta hai

Tumharay sung sung chalna

Wafa ki aag main jalna

Tumhain naraz kar daina

Kabhi khud bhi roth jana

Tumhari berukhi pe bhi

Tumhari aarzoo karna

Khud apnay dil ki dharkan say

Tumhari guftugo karna

Mujhay acha sa lagta hai

Bohat acha sa lagta hai

Tum hi ko daikhtay rehna

Tum he ki sochtay rehna

Bohat gehray khayalon main

Jawabon main sawalon main

Mohabbat kay hawalon main

Tumhara naam aa jana

Mujhay acha sa lagta hai…

kuch yaden hen un lamhon ki....

kuch yaden hen un lamhon ki

jin lamhon men hum sath rahey

khushion sey bharey jazbaat rahey

ek umar guzari hai hum ney

jahan roothey hue b hanstey thy

kuch kehtey thy kuch suntey thy

hum roz subha jab miltey thy

tau sab k chehrey khiltey thy

pur lutaf wo manzar hota tha

sab mil k baten kartey thy

hum soch k kitna hanstey thy

wo goonj hamarey hansney ki

ab ek purani yaad bani

ye baten hen un lamhon ki

jin lamhon men hum sath rahey ...

Kabhi waqat miley tau aa jao...

Kabhi waqat miley tau aa jao

hum jheel kinarey ja bethen

tum apney sukh ki baat karo

hum apney dukh ki baat karen

aur un lamhon ki baat karen

jo sung tumharey beet gae

aur ehdey khizaan ki nazar huey

in sabaz ruton k daman men

hum piyaar ki khushboo mehkaain

in bikhrey sabz nazaron ko

hm ankhon men tasveer karen

phir apney piyar k jadoo sey

hum lamhon ko jageer karen

kabhi waqat miley tau aajao

hum jheel kinarey ja bethen

Aankhon Main Baaqi Reh Gaye....

Aankhon Main Baaqi Reh Gaye, Ab Teray Khad-o-Khaal Se

Lub Pe Hain Kuch Sawal Se, Dil Main Hain Kuch Malaal Se

Tu Jo Gaya To Yuun Laga, Tanha Hoon Kainaat Main

Raatain Thaki Thaki Meri, Din Bhi Meray Nidhaal Se

Itne Qareeb Hoon Teray, Rasta Na Wehem Ko Milay

So‘un Teray Hisaar Main, Jagoon Teray Jamal Se

Mujh Ko Hain Kaam Aur Bhi, Kuch To Karo Mera Khayal

Aatay Ho Jab Khayal Main, Jatay Nahi Khayal Se

Tujh Si Hasee‘n Ghazal Koi, Mujh Sa Ghazal Sara Koi

Dunia Main Ho Ager Kaheen, Waazeh Karo Misaal Se

Uss Se Gila Ay Dosto, Itna Sa Hai Ke Wo Mujhe

Samjha Nahi Hai Aaj Tak, Ghaafil Hai Meray Haal Se .

Ek to teri awaaz yaad aayegi....

Ek to teri awaaz yaad aayegi,

Teri kahi hui har baat yaad aayegi,

Din dhal jaayega raat yaad aayegi,

Har lamha pehli mulaqaat yaad aayegi,

Kabhi hansti, kabhi roti, kabhi muskurati,

Yeh zindgi tere bin bhi kat jaayegi,

Par kuchh kami is mein bhi to reh jayegi,

Dil ko tadpaayegi kabhi tarssayegi,

Har lamha teri yaad aa jayegi.

Mujhay maujazoN pay yaqeeN nahiN...

Mujhay maujazoN pay yaqeeN nahiN

magar aarzoo hay kay jab qaza

mujhay bazm-e-dehr say lay chalay

to phir aik baar ye izn day

kay lehad say laut kay aa sakooN

teray dar pay aa kay sada karooN

tujhay ghumgusar ki ho talab

to teray huzoor maiN aa rahooN

ye na ho to soo-e-adum maiN

phir aik baar rawana hooN

Judai ke Mosam mein....

Judai ke Mosam mein

Utarti Sham se Pehlay

Meri Yak-Basta Aankho'n mein

Khamoshi Raqs krti hai

To Os ki Yad ki PayiL

Youn mere Kaam mein aa ker

Musal-sal Chan-chana-tti hai

To phir Yak-Dam Khamoshi ka

Tasal-sul Toot jata hai

Phir.... Aisey mein koi Koyal

Barey hee Qarb se KooKay

To Youn Mehsoos hota hai

Keh...

Jaisey Be-sabab koi

Kisi ko Yad krta hai......!!!

Is waqt to yoon lagta hai.....

Is waqt to yoon lagta hai ke kuch bhi nahin hai

mehtaab na sooraj na andhera na sawera

ankhon me dareechon main kisi husn ki jhalkan

aur dil ki panahon main ksii dard ka dera

mumkin hai koi weham ho mumkin hai suna ho

galion main kisi chaap ka ik akhri phhera

shakhon main khayalon ke ghane per ke shyaad

ab aake karega na koi khawab basera

ik mehar na ik bair na ik rabt na rishta

tera koi apna na paraya koi mera

manaa ke ye sunsan ghari sakht bari hai

lekin mere dil ye to faqat aik ghari hai

himmat karo jeene ko abhi umr pari hai..!!

Agar tum paas hotey...

Agar tum paas hotey

karam ki inteha kartey

tumhen palkom pe rakhtey

tumhen dil mein basatey

agar tum rooth jatey

tumhen kitna manatey

tumhari laghzishon ko bhi

hansi mein hum urra daitey

agar apni khata hoti

tau khud ko hi saza detey

magar ye sab tabhi hota

agar tum paas hotey ! ! !

Saaz-e-khamoosh...

Tu ne phir cher diya aaj mera saaz-e-khamoosh

Tu hi ab thaam ke dilkhla mera betaab kharosh

Tu ne phir yaad dilaya mera derd mujhe

Tu ne phir ker diya majboor sa majboor mujhe

Tu ne phir yaad dilayin meri batein mujhko

Meri sohbatein ,meri shamein,meri ratein mujhko

Mein ke thi khwaab,mujhe khwaab se be-khwaab kiya

Mein ke thi aab-e-sukun,aab se seemaab kiya

Mein ne khai thi qasam toot na sakne ke liye

Jaam aankhon ke bhare they na chalakne ke liye

Mein kab aati thi khayalon mein ijazat ke baghair

Mein ne socha ke mein ji loongi mohabbat ke baghair

Mein na daalungi teri raahguzar per daire

Khwah giriya karein ,kosein mujhe arman mere

Mein ne khai thi qasam tujh se gureza houngi

Teri taskeen ka ,aaram ka saman houngi

Uzn-e-hungama na doongi dil-e-mastoor ko mein

Rehne doongi dil-e-majboor hi majboor ko mein

Mein ne khai thi qasam tu ne mager yaad aaker

Saaz-e-pur derd bana daala mujhe tardpa ker

Haaye kyun yaad na kerne pe bhi tu yaad aaya

Meri aankhon se tapakne dil-e-barbaad aaya

Tu ne phir cherd diya aaj mera saaz-e-khamoosh

Tu hi ab thaam ke dikhla mera betaab kharoosh.....!!

Mohabat jheel jaisi hai....

Mohabat jheel jaisi hai

Najanay kitni gehri hai

Satah-e-aab par is ki

Talatum hai wafaon ka

Shorida lehro mai pinha

Kasak meethi judai ki

Bahut sadio say thehri hai

Mohabat jheel jaisi hai

Najanay kitni gehri hai

Mohabat dard meetha hai

Shajar rug rug mai phaila hai

Jawan rut mai umangon ka

Narm ehsaas phaila hai

Mohabat barg ki manind

Barasti hai makanon par

Maakan b wo jinhay

Zindan banaya hai zamanay nay

Mohabat kaif ban kar phir

Utarti hai rag-o-pay mai

Tu dil takrar karta hai

Yehi ik rut sunehri hai

Mohabat jheel jaisi hai

Najanay kitni gehri hai

Zindagi k safar main....

Zindagi k safar main koi

rasta nhi deta....

zameen vakif nhi banti.,

falak saaya nhi deta.......

udaasi jin ki kismat ho

usse ki neend urtihai....

kisi ko apni ankhon sy koi sapna nhi deta...........

uthana khud hi parta hai

thaka hara badan apna

k jab tak saans chalti hai

koi kandha nhi deta............

Aankh ka sara dhoka hai...

Phir shab e tanhai mein

dil ka koocha

yaad se abad hua hai

rastoon ki dhool aaj

qadmoon se mere lipti hai

aankh mein kuch

benaam sa paani tahra hai

aag k shooloon mein

narsaai ki tamaash pahli

zehan k aaine mein

dhudla sa naksh ubrah hai

haath ki lakeeroon mein

kuch tabdeeli lagti hai

ya phir…………..

aankh ka sara dhoka hai

Alvida...

Na tujh pay jafa ka koi ilzaam

Ma maiN apni ulfat pay sharamsaar

Tagaful na peshaymaani na koi shiqayat

Bus zindagi ko dekha apnay apnay andaz say humnay

MaiN ishq ko samjhta hooN zindgi ka muqaddar

Tunay muqaddar ko bus zindagi samjha

MaiN jin zulmatoN pay uthata raha barbat-i-baghaawat

Tunay unhiN aqaayud ko raushani samjha

MaiN banaataa hi rahaa haseeN khwaaboN kay gronday

Mujhko na tha pata ki tera guzar inmaiN kahaaN

Tu to dhooNdti phirti thi ik qafas sandli

Meray tas_svur maiN tha teray liyay ik azaad jahaaN

Main to chaahaa tha ki tum humkadam ho kay chalo

Tumnay virsay maiN magar paya hai aqeedat ka bharam

Meri ulfat to thi baraabar ki dosti

Teri ulfat rahi meri mohtaaj-i-karam

Meri tamanna thi ki tu mujhay "tu" ho kar kay milay

Tunay khudi ko apni magar biknay kay liayay paalaa tha

Meri hasrat ki tu isay apnay ahsaas maiN rakh kar kay jiyay

Toonay parstish kay liyay jisay ab talak saMbhaalaa tha

Na tujh say thi mujhay parstish ki aarzoo

Na kud mujhay tha shauq-i-aqeedat

MaiN tujh maiN dhooNdta phirta tha ik khud_dar mehboob

Aur tumko piyaari thiN apnay purkhoN ki viraasat

♥ sach to ye hai ke kasoor to apna hai ♥

jane kis ki talash unki ankhon mein thi

arzoo ke musafir bhatakte rahe

jitne bhi wo chale

utne hi bich gaye rah mein fasle

khuwab mazil the or manzilen khuwab thi

raston se nikalte rahe raste

jane kis waste arzo ke musafir bhatakte rahe

koi purani yad mera rasta roke mujse ye kehti hai

itni jalti dhoop mein yun kab tak ghomo ge

ao chal ke beete dino ki chaon mein baithen

us lamhe ki baat karen

k jis mein koi phool khila tha

us lamhe ki baat karen k jis mein kisi awaz ki chandi khanak uthi thi

us lamhe ki baat karen k jis mein kisi ki nazroon ke moti barse the

koi purani yaad mera rasta roke mujse ye kehti hai itni jaldhoop mein yun kab tak ghumo ge

sach to ye hai ke kusoor apna hai

chand ko chune ki tamanna ki

asman ko zameen par manga

phool chaha ke patharoon par khile

khuwab jo dekha chaha sach hojaye

iski hum ko saza to milni thi

sach to ye hai ke kasoor to apna hai

Shayad....

Wo ek masoom si chahat

Wo ek benam si ulfat

Wo meri zaat ka hissa

Wo meri zeest ka qissa

Mujhe mehsus hota hy

Wo mery pas hy ab b

Wo jub jub yad ata hy

Nigahon may samata hy

Zuban khamosh hoti hy

Magr ye ankh roti hy

Mein khud se poch leta hon

Jise mein yad krta hon

Usay kya pyar tha mujh se

Jwab “HAAN” soch leta hon

Usay b pyar tha Shayad

Isi “Shayad” se wabasta hy ab to hr khushi meri

Yahi ek lafz “Shayad” ban gya hy zindagi meri...

Akhri Khatt...

Ik muddat k bad

Us k ghar say

Aye howay

Khatt k konay per

Haldi ki kuch cheen'tain hain

Main hon

Bheegi palkain hain

Mohsin Bhoopali

Meri ajab hay zindagi...

Meri ajab hay zindagi...

Kisi say kia gillah karain...

Taqdeer rooth jaye tou...

Meray Khuda main kia karon...

Haalat nay, Naseeb nay...

Ghum bhar diye hain is qadr...

Na mazilon ki kuch khabar...

Main karwan ko kia karon..........???

Mil jaye dobnay pe he...

Akhir ko aik sahil kahin....

Tofan ki hay aarzoo....

Tofan ki DUA karo......

Manzil ki thi talash tou...

Gard e safar mili mujhay...

Ankhain baras pari meri...

Kali ghatta ko kia karon...???

dedicated to Momi

Meri Banjar Si Aankhon Say....

Meri Banjar Si Aankhon Say

Koi Dhoka Nahi Khaao

Kay Tum Kab Dekh Sakte Ho...?

Mere Dil Mein Chupay Ghaao

Aey Mere Kam-Sukhan Saathi...!

Tumhain Shayad Khabar Ho Gi...?

Mohabbat Mein Jo Behtay Hain

Woh Aansoo Khushk Hotay Hain...!!!

Faqat Mere Hi Ho jao......!!

Suno! Aik Baat Kehni Hai

Guzarish Hi Samajh Lena

Hansi Mein Mat Ganwa Dena

Mujhe Aik Khof Lahaq Hai

Jo Mujhe Jeenay Nahi Deta

Sabhi Ka Hum-Nasheen Hona

Tumhain Taqseem Kar Dey Ga

Faqat Mere Hi Ho jao......!!

Faqat Mere Hi Ho jao......!!

Muntazir....

NahiiN ab to koi malaal bhii

kisi wapsi ka khayal bhii

gham-e-be'kasii ne mita diiya

mere dil tha agar koii

tujhe kya khabar k raat bhar

tujhe dekh paane ko ek nazar

raha saath chaand k muntazir

teri khirkiyoN k idher koii .. !!!

Ajeeb Shart.....

Suno Jana..!

Wafa ka Haath barhaney se pehleY..

Bus Itna Jaan Lena k..

Jisey men bhooLna Chahun..

Usey men bhooL jata hun..!

Wo mera poochna tujh se...

Wo mera poochna tujh se..

Tumhen Kia Piyaar hai Mujh se..??

Wo tera Muskura dena..

Nigahon ko Jhuka Lena..

Merey Kaandhay per Sar rakh k..

Nafi mein sar HiLa dena..!

"Teri Yaadain"

Teri Yaadain Kisi Muflis Ki Ponji Si...

Jinhain Hum Pass Rakhty Hain...

Jinhay Mahfooz Rakhty Hain...

...

Jinhay Sub Say Chupatay Hain...

Jinhay Hum Roz Gintay Hain...!!

Mohabbat ki taaeed....

MOHABBAT ki tabiyat main
yeh kesa bachpana qudrat nay rakhaa hai.....
K jitni puraani jitni mazboot hojaaye,,,
Usay taaeed taaza ki zaroort phir bhi rahti hai...
Yaqeen ki aakhri had tak dilo main lehlaati ho,,,
Nigaahon say tapkti ho,,,
Lahu main jagmagaati ho,,,
Hazaaron tarah k dilkash haseen haalay banaati ho,,,
Usay izhaar k lafzon ki haajt phir bhi rahti hai.....
MOHABBAT maangti hai,,,
Yoon gawaahi apne honay ki,,,
k....
Jesy tifil saada shaam ko ek beej boye
or shab main baarha uthay k beejh sy konpal nikli ya nahi...
Yon MOHABBT GAWAHI MANGTI HAI.....

Tere siwa !!

Mere hamsafar mere hamnasheen…

Maine rab se manga tou kuch nahin...

Maine jab b mangi koi duaa...!!

Nahi manga kuch b tere siwa…!!

...

Ye talb kiya…

Ke mere khuda...!!

Sabhi rahatien...

Sabhi chahatain...

Woh ata karay tujay manzalien…

...

Yeh talb kiya ke mere khuda...!!

Tujat takht de...

Tujay taaj de...

Tujay bakht de...

...

Mere hamsafar mere charagar...

Yehi dosti ka hai khatan safar…

Mere saath chalna zara soch kar...

Zara dekh tou mera hosla…

Mere pass jo b woh hai tera…

Nahi aur kuch b tere siwa…

...

Meri dosti...

Meri zindagi...

Meri khamoshi...

Meri bebasi...

Mera ilm bhi...

Mera naam bhi...

Ke meri subha bhi...

Meri shaam bhi...

Ke jo mil sakien mere dam bhi...

Woh sabhi kuch tujay atta karay…

Mere chahraar tou yakeem tou kar...

Mujhy mangna tou na a saka…

Maine phr bhi mangi yehi duaa...!!

...

Ke gawahi de ga mera khuda...!!

Maine jab b us se talb kiya...

...

Nahi kuch b manga tere siwa…!!

Jhoot....

 Suno!!

Mujhay Fursat Hi Fursat Hai,,,

Sawairay Jald Uthna Hai,,,

Na Shab Ko Dair Say Sona,,,

Kahee'n Baahir Nahee'n Jaana,,,

Kisi Say Bhi Nahee'n Milna,,,

Naa Koi Fikar Laa'Haq Hai,,,

Na Koi Yaad Aata Hai,,,

Magar!!

Yeh Aakhiri Misra'a,,,

Zara Sa Jhoot Lagta Hai...

Meri rooh aazaadi chahti hey...!!!

jism ka zindaan tang hota ja raha hey

her suu rasmoo’n ki dewaarein uuth rahi hein!

lehza ba lehza!!!

yaa’n maayusi ka ghata toup andhera…

khud gharzi ki badboo daar fiza hey,

kaheen nafs ki aadam khour bailein uug rahi hein…

aur kaheen hawas ki daldal …

baa’nhein kholey bethhi hey,

khawhishein!!!

aur khawhishoo’n ki khawhish mey saazishein!!

khud rou poudoo’n ki maanind panap rahein hein,

zindagi bhi maut key pareshani mey dikhti hey

aur din ka uujalaa raat key libaadey mey aata hey,

nafratoo’n key aatish daa’n bhadak rahey hein…

chahat ka her phool jis mey jal raha hey,

aur ab!!!

bas Kaatib-e-taqdeer sey ik aur berbaadi chahti hey..

meray jism k zindaan sey…

meri rooh aazaadi chahti hey!!!

''Uss se milne hamein nahi jana''

Apni tanhaiyon se poocha hai

Shab-e-hijran se baat ker li hai

Mere andar ki sehmi khamoshi

Mere bahir ka hansta chehra bhi

Raat ke sansanate lamhe bhi

Din ka dasta huwa ujala bhi

Zabt ka toot’ta yeh bandhan bhi

Sabar ka choot’ta yeh daman bhi

Uss ki yaadein bhi kuch isharon mein

Mujh ko majboor ker rehe hein sab…

Aao uss ke paas chalte hein

Uss se kehte hein kuch dawa ker dey

Apni fitrat ko chor ker ek pal

Koi wada tau woh wafa ker dey

In ki baaton se kuch nahi ho ga

Aakhri faisla tau dil ka hai

Dil yeh kehta hai…uss se milne se

Apni tanhaiyan he acchi hein

Ab akele mein lag gya hai dil

Uss se milne hamein nahi jana

Uss ki baatein udas ker dein gi

Mausamon ki adat hai !!

Barishon k mausam main...

Waqt kay andheron main...

Main ne us se pucha tha...

CHOR TO NA JAO Gy...?

...

Hath tham kr usne...

Kaan main ye bola tha...

Kese chor sakta hoon...

...

TUM TO JAAN HO MERI...!!

...

...

Aur aaj aisa hai...

...

Waqt ki tamazat main...

Wehshaton k mousam mein...

...

Main ne us se pucha hai...

...

CHOR KAR HI JANA THA...?

Tou...

...

...

Aas kyun dilai thi...?

Pyaas kyun jagai thi...?

...

Mere in sawalon per...

Chalte chalte wo bola...

Mousamon ki aadat hai...

...

...

WAQT PER BADAL JANA....!!

Kon hain hum....

Log poochtay kon hain hum.??

Hum woh log hain jo,,

Naa kisi k dast e shumaar main hain,,

Na kisi ki nigaah kay hisaar main hain...

Youn jesay koi sadiyon kaa bay ant safar,,

Sehraa sehra phirtaa koi khaak basar.....

Kya poochtay ho k...!!!

Kon hain hum.???

Hum to jugnu bhi nahin hain,,

k kisi k aankh main chamktay...

Kisi ko sanwaartay........

Hum to ansu ki tarah hain,,

Aankh se tapkay aur doob gaye..

Mohabbat ki aass main,,

Gar say niklay aur bay simt musaaft main,,

Darbadar phirte hoye,,

Kisi bay nam shaam ki nazar hoye.......!!!!

Zindegi ...Taiz Bohat Taiz Hawa Ka Jhonka

Zindegi ...Taiz Bohat Taiz Hawa Ka Jhonka

Jalti Bhujti Hoi Shamai'n Mai Mah-o-Saal Meray

Dhalta Soraj Meray Mazi Ki Lehad Ka Katba

Rag-e-Sehra Ki Lakeerain Hain Khod-o-Khaal Meray

Chaand Meray Tan-e-Majrooh Pay Sang-e-Aizaz

Dhoop Chaoo'n Meray Sad-e-Chaak Libadahy Ka Kihraj

SUb Sitaray Meri Pooshaak Kay Paiwand-e-Naheef

Meray Ansoo'n Mera Virsa Meri Ankhoo'n Ka Mizaaj

Mera Cherah Meray Maqtool Huner Ki Tarigh

Meri Ankhai'n Meri Dukhti Hoi Ankhoo'n Kay Chiraagh

Meray Hontoo'n Pay Meri Piyaas Kay Nohoo'n Ka Hajoom

Meray Seenay Pay Darakhshan Meri Toheen Kay Dagh

Ajj Ki Sham Kay, Kay Her Saal Isi Shaam Kay Sath

Meri Ukhri Hoi Sansoo'n Mai Grirah Lagti Hai

Aasmaa'n Waqat Kay Anchal Ki Dhanak Bunta Hai

Sari Dharti Tan-e-Uryaa'n Ki Zirra Lagti Hai

Ajj Ki Shaam Kay Her Saal Meray Gham Nawaz

Muskuraatay Howay Kuch Phool Atta Kartay Hain

Kuch Maseeha Meri Khatir Mera Dil Rakhnay Ko

Khat Mai Jeenay Ki Duaa Behj Dia kartay Hain

Saal-ha-Saal Guzernay Pay Bhi Aai Dil-e-Zidgaa'n

Ajj Ki Shaam Manatay Howay Dar Lagta Hai

Muskuraatay Howay Chehroon Kay Bhanwar Hain Lakin

Akhri Shamma Jalatay Howay Dar Lagta Hai

Dil Dharakta Hai Kay Jalti Hoi Shammo'n Ka Dhowaa'n

Shula-e-Karab Mai Tehleel Na Ho Jai Kaheen

Ji Larrazta Hau Manzer Kay Adhiray Pan Ki

Ajj Ki Shaam Takmeel Na Ho Jai Kaheen...!!!

Aao Kuch Dair Ko Hum Zakhum Shumari Kar Lain

Orr Kuch Dair Mai Her Shamma Pighal Jai Gi

Ajj Ki Bazam Mai Kho Jain, Kaheen So Jain

Ajj Ki Shaam Bhi Kuch Dair Mai Dhal Jai Gi

Jalti Bhujti Shamoo'n Ka Bharosa Kaisa?

Zindegi Taiz Bohat Taiz Hawa Ka Jhonka....!!!

Qaidee....

Wafa ki jel say bhaga hoa majboor Qaidee hon

Agar dil ki adalat main, tumhen mera khayal aye

To, yad k dhundlay katahray main talab karna

Mere lafzon meri baton ko Dli hi Dil mian duhrana

Kay shayad tumhen koi purana naqsh mil jaye

Jo meri begunahi ki adalat main gawahi de

Tum mere deriina sathi ho tumhen to ye khabar hogi

Kay main apni safai main kabhi bhi kuch nahi kehta

Agar phir bhi main kisi pehlo say, Mujrim nazar aon

To, wafa ki raah main Nadan samajh kar darguzar karna

Ikhte-tam e safer ye raha.....

Kuch kehna tha, usy bhi aur mujhe bhi

Us ne ye chaha mien kuch kahon,

meri yeh zid ke baat wo kare.

Yehi sochty sochty zamane beet gaye,

Na us ki ana tooti, Aur na meri zid

Us ki ana faseel thi, toh meri bhi chattan,

Ana aur zid ke issi tazad mein,

Safer-E-Zindgi youn hi rawa raha.

Waqt kat-ta raha, dard barhta raha,

Aur safer ikhte-tam ko ponhcha

Ikhte-tam e safer ye raha.

“Meri ankhon mein halki si nami ,

Aur shayed us ki zindgi mein thori si kami.

Us ki ana shikast khurda,

Aur meri zid reza reza....!!!!

Main aisi mohabbat karti hon !!

tum jab bhi ghar par aatay ho...

aur sab say batain kartay ho...

main aut say parday ki janan...

bus tum ko dekhti rehti hoon...

ik tum ko dekhnay ki khatir...

main kitni pagal hoti hoon...

...

main aisi mohabat karti hoon...

tum kaisi mohabbat kartay ho...

...

Jab darwazay par dastak ho...

ya ghanti phone ki bajti ho...

main chor k sab kuch bhagti hoon...

aur tum ko jo na paoon tou...

ji bhar k ronay lagti hoon...

...

main aisi mohabbat karti hoon...

tum kaisi mohabbat kartay ho...

...

mehfil main kaheen bhi jana ho...

kapron ka selection karna ho...

rang bahut say samnay bikhray hoon...

us rang pe dil aa jata hai...

jo rang k tum ko bhata hai...

...

main aisi mohabbat karti hoon...

tum kaisi mohabbat kartay ho...

...

rozana apnay college main...

kisi aur ka lecture suntay hoay...

ya break k khali ghantay main...

sakhyoon say batain kartay hoay...

meray dhiyan main tum aa jatay ho...

main, main nahin rehti phir...

janan main tum main gum ho jati hoon...

bus khuwabon main kho jati hoon...

un aankhon main kho jati hoon...

...

main aisi mohabbat karti hoon...

tum kaisi mohabbat kartay ho...

...

jis chehray par bhi nigha paray...

her chehra tum sa lagta hai...

wo sham ho ya ke dhop samay...

sab kitna bhala sa lagta hai...

janay ye kaisa nasha hai...

garmi ka tapta mosam bhi...

Jaray ka maheena lagta hai...

...

main aisi mohabbat karti hoon...

tum kaisi mohabbat kartay ho...

...

tum jab bhi samnay aatay ho...

main tum say sunn na chahti hoon...

kash kabhi tum ye keh do...

tum mujh say mohabbat kartay ho...

lekin janay tum kyun chup ho...

yeh soch k dil ghabrata hai...

aisa to nahin hai na jana...

sirf meri nazar ka dhoka ho...

tum nay mujh ko chaha hi na ho...

koi aur hi dil main rehta ho...

main tum say poochna chahti hoon...

main tum say kehna chahti hoon...

lekin kuch pooch nahin sakti...

mana ke mohabbat hai phir bhi...

lab apnay khol nahin sakti...

main larki hoon kaisay keh doon...

...

...

main kaisi mohabat karti hoon...

main tum say ye kaisay pochoon...

...

tum kaisi mohabbat kartay ho...??

chup chap see main...ho jati hoon

phir dil main apnay kehti hoon

main aisi mohabbat karti hoon

tum kaisi mohabbat kartay ho

Raaston ki marzi hai !!

Bay qaraar logon ko...

Bay qaraar aankhon ko...

Badnaseeb qadmon ko...

Jis taraf bhi lay jain...

RAASTON KI MERZI HAI...

...

Bay nishan jazeeron par... bad gumaan shehron main...

Jis taraf bhi bhatka dain...

RAASTON KI MERZI HAI...

...

Ajnabi koi laa ker...

hamsafer bana dalen...

sath chalnay walon ki... Raakh bhi ura dalen...

Ya musafaten sari...

khaak main mila dalen...

RAASTON KI ERZI HAI...

...

Rauk lain ya berhnay den...

thaam len ya girnay den... wisal ki lakeeron ko...

Taur dain ya milnay den...

...

RAASTON KI MERZI HAI…!!

Mohabbat hamsafar meri !!

Kathan hay zindagi kitni...

Safar dushwaar kitna hay...

Kabhi paaoo’n naheen chaltay...

Kabhi rasta naheen milta...

Hamaara saath day paaye

Koi aisa naheen milta... Ager main yon guzaaron tou...

Yeh shab-o-roz naheen kat’tay...

Mager aye mairay maalik...

...

Mujhay shikwah naheen tujh say...

...

Main jaan pay khail sakta hoon...

...

Main har dukh jhail sakta hon...

Ager...

...

Tu aaj hi ker day...

...

...

Mohabbat hum safar mairi...!!

Kabhi rootha nahi kartay !!

Main sun k uski sub batain...

Faqat itna hi kehta tha...

Khafa hona mana laina...

Yeh sadiyon say riwayat hay...

Gilay shikway karo mujh say...

Tumhain janan ijazat hay...

Magar ik baat meri bhi...

Tum yaad rakh laina...

...

Kabhi aisa bhi hota hay...

Hawa’ain rukh badalti hain...

Khata’ain ho hi jati hain...

Khafa hona bhi mumkin hay...

Khata hona bhi mumkin hay...

Hamaisha yaad rakhna tum...

...

Ta’aluq toot janay say...

...

Kabhi toota nahin kertay…!!

Mohabbat kam nahi hogi !!

Tumhari Talkhiyon Se...

Aur...

Tumhare Na-Tarashida Rawayyon Se...

Tumhari Choti Choti Ranjishon Se...

Aur...

Bari Narazgi Se Bhi...

Mohabbat Kam Nahi Hogi...

...

Tumhare Shehr Bhar Se Dil Laga Lene Ki Aadat Se...

Tumhari Be-Wafai Se...

Tumhari Be-Hisi Se Bhi...

Mohabbat Kam Nahi Hogi...

...

Anaa Ka Darmiyan Aa Kar...

Kai Be-Saakhta Jazbey...

Achanak Maar Jane Se...

Dilon Ko Zaat Par Se Waar Jane Se...

Kisi Basti Mai Jaa Basne...

Kisi Sehra Mai Rasta Bhool Jane...

Ya...

Samandar Paar Jane Se...

Mohabbat Kam Nahi Hogi...

...

Kisi Ke Jeet Jane Se...

Kisi Ke Haar Jane Se...

...

...

Mohabbat Kam Nahi Hogi...!!

(Farhat Abbas Shah)

Mujhay aawaz day lena !!

Mujhe aawaz de lena...

...

Kabhi jab ankh chalkay tou...

Kabhi jab dil na sambhlay to...

Mujhe aawaz de lena...

...

Kabhi jab door ho koi...

Bahut majboor ho koi...

Koi aawaz na de to...

Mujhe aawaz de lena...

...

Koi ansoo na ponchay tou...

Koi hansnay se rokay tou...

Koi tum ko sataye tou...

Mujhe aawaz de lena...

...

Kabhi jab din na guzray tou...

Kabhi jab raat tarpaye tou...

Kabhi din main andhera ho...

Mujhe aawaz de lena...

...

Main tere pass hota hoon...

Main tere sath rehta hoon...

Magar phir bhi guzarish hai...

...

...

Mujhe aawaz de lena...!!