Farzaanon Ki Is Basti Mein
Ik Shakhs Tha Pagal Pagal Sa
Par Baatein Theek Hi Kehta Tha
Barish Ki Tarah Pur'Shor Na Tha
Darya Ki tarah Chup Rehta Tha
Jin Se Pyaar Ussey Bala Ka tha
Taaney Bhi Unhin K Sunta Tha
Ik Shakhs Tha Pagal Pagal Sa
Par Baatein Theek Hi Kehta Tha
Ik Roz Koi To Sochey Ga
Dunya Ne Ussey Kuch Bhi Na Diya
Par Us Ne Jagg Ko Pyaar Diya
Jaan Rotey Rotey Kho Baitha
Dil Hanstey Hanstey Haar Diya
Jo Nazm Likhi Bharpoor Likhi
Jo Shair Diya Shahkaar Diya
Kyun Jeetey Jeetey Dargoar Hua
Kis Chah Pe Tan Man Waar Diya
Tha Dushman Kon Becharey Ka
Kis Ranj Ne Us ko Maar Diya
Ik Roz Koi To Sochey Ga
Aur Pehron Baith K Roye Ga
Aitebaar Sajid
