Wohi Takraar Lafzon ki
Wohi Andaishay furqat kay
Wohi Anjaan si Dastak
Wohi harr Baat pay Ranjish
Wohi harr Baat pay Larna
Wohi likhna hamaray Naam ko Be-Reham Maujon par
Hamaray saamnay Kacchay Gharoanday torr kar hansna
Wohi apni Kitaabon main Ghulaabi Tittliyaan rakhna
Wohi Be-Maani Baaton main hamaraa Zikr lay aana
Hamain Parday say chupp karr daikhnaa aur Muskura daina
Wohi Muskaan dheemi si
Wohi kuch Bolti Aankhain
Wohi Chup Chaap saa Lehjaa
Wohi Be-Chain si Halchal
Wohi Sakkhiyon say katrana
Wohi kehnay say kucch darna
Wohi Saa'ay say ghabrana
Wohi Be-Wajha ithlana
Sabhi Aasaar kehtay hain
Usay Mujh say Muhabbat hai
