Mohabbat Bakhsh Deti Hai
Kabhi Ra'anayiaan Aisi
Ke Jaisey Dhoop Ke Hotay
Kabhi Badal Baras Jaye
Ke Jaisey Bin Kahay Koi
Kahin Dil Mein Utar Jaye
Kahi Pariyoun Ki Waadi Mein
Barray Se Takht Per Bethay
Koi Phooloun Ke Daman Se
Koi Rungoun Ke Aanchal Se
Sarr-o Per Saibaan Ker De
Mohabbat Bakhsh Deti Hai
Kabhi Tanhaiyaan Aisi
Ke Jaisey Aag Si Barsay
Jo Sara Tunn Jala Dalay
Ke Jaisey Raastey Mein Hi
Koi Raahi Bhattak Jaye
Ke Jaisey Moun Ke Andar Kuch
Chanak Se Toot Sa Jaye
Ke Jaisey Dil PighaL Jaye
Mohabbat Kya Hai Phir Socho !
Ra'anai ? Ya Tanhai ?
