Woh Zara Nhi Badli

Aaj baad mudet k

Mein nay us ko dekha hai

Woh Zara Nhi Badli

Ab bhi apni Ankhon main

So sewal rekhti hai

Choti choti baton per

Ab bhi khul k hensti hai

Ab bhi us k lehjay main

Wohi khenkhenaahet hai

Woh Zera Nhi Badli

Ab bhi us ki pelkon k

Saye geelay rehtay hein

Ab bhi us ki sochon main

Mera naam rehta hai

Ab bhi meri khatir woh

Us terha hi pagal hai

Woh Zera Nhi Badli

Aaj baad mudet k

Mein nay us ko dekha hai

To mujhay bhi legta hai

Mein bhi us ki chahet main

Us terha hi pagal hoon

Baad itni mudet k

Aur kuch nhi badla

Bus humaray Raston k

Aur kuch nhi Badla

Jab tumhein muhabbat ho

Jab Tumhein Kisi Se Muhabbat Ho Jai

Aur Tum Ye Jaanlo

Ke

Wo Bhi Bey Qarar Hai

tumhare liye

tumhari tarah us se bhi

jeena dushwaar ho jae

to apni muhabbat k nazuk phool kay murjhane se pehley

apni ana ka gala ghont dena

k tumhari ana aik zehreeley naag ki soorat

her khushi ko nigal jaegi

aur tumhari muhabbat sanwarne se pehley hi

ujar jaegi

Agar Ham Dost Hotey To

Agar Ham Dost Hotey

To Karam Ki Inteha Kartey

Tumhen Palkon Pey Rakhtey Ham

Tumhen Dil Men Basatey Ham

Agar Tum Rooth Jaatey To

Tumhen Kitna Manatey Ham

Jo Milney Tum Nahi Aatey To

Aa kar Khud Tumhen Miltey

Tumhari Laghzishon Ko Bhi

Hansi Main Ham Ura Detey

Agar Apni Khata Hoti

To Khud Ko Bhi Saza Detey

Magar Ye Sab Jabhi Hota

Agar Ham Dost Hotey To

Magar Itna Hi Jana Hey

K Tum Ney Aaj Tak Ham Ko

Paraya Keh Kar Jana Hey

Kabhi Hamdam Naa Mana Hey

Agar Ham Dost Hotey To

K*h*a*w*a*i*s*h!

band hain lab dil mehv e dua hai

tere mohabat ki khushboo se jana

mehkta rahe yunhi mera aangan

jab bhi salgira ho mere

pehnaye sada mujh ko phoolon ke kangan

qayam rahe pyar bhara yeh bandhan

ban ke rahe tu mera saajan

ek taza hikayat hai

ek taza hikayat hai sun lo to inayat hai

ek shakhs ko dekha tha taron ki trhan hum ne

ek shakhs ko chaha tha apno ki trhan hum ne

ek shakhs ko smjha tha ohololon ki trhan hum ne

wo shakhs qayamat tha kia uski krain batain

din us k leay peda or uski hi thi raatain

kab melta kisi se tha hum se thi mulaqatain

rang uska shahabi tha zulfain thi k mehkarean

ankhain thi ki jado tha palkain thi k talwarian

dushman bhi agr dekhy so jan dil haaray

kuch tum se wo milta tha batoon mein shahbahat mein

haan tum sa hi lgta tha shokhi mein sharart mein

lgta bhi tumhi sa tha dastor-e-mohabat mein

wo shakhs humain ek din

apno ki tarhaan bhoola

taroon ki tarah doba

pholo ki tarhaan toota

phir hath na aya

hum ne bahut dhonda tum kis leay chonky ho

kab zikar tumhara hai

kab tum se takaza

kab tum se shikayat hai

EK TAZA HIKAYAT HAI

SUN LO TO INAYAT HAI

Main hamesha ulajh si jati hun

Main hamesha ulajh si jati hun

raat k paish-e-nazar main

jab koi ghazal mai likhti hun

haath kahin ruk jata hai

yaad kahin kho jati hai

main ulajh si jati hun

apne he khayalon main

inhin purani baaton main

tere sang guzaray lamhon main

main ulajh se jati hun

jb tm kisi or se baatain kartay ho

kisi or k sang jb hanstay ho

main apne haath utha leti hun

or hamesha ulajh si jati hun

apne haathon ki lakeeron main

dil main bani tasweeron main

purani taweel tehreeron main

main hamesha ulajh si jati hun

apne haath pe likhay un lafzon main

jo dikhtay b nahi or mit'tay b nahi

phr yaad ye akser karti hun

tum BE-WAFA to nahi thay phr bhi

main hamesha uljh si jati hun

mai hamesha ulajh si jati hun

Mohabat tu Mohabat hay

mohabbat tu mohabbat hay,

wo kab paane khone ki mohtaaj hay.

kabhi hans k chupa li,kabhi ro kar baha di.

kisi nay kam zarf tu kissi nay aala zarf jana hay.

jisska jitna zarf tha osne otna he pahchana mujhe.

Mujhe us nigah ki talash hai...!!!

Ye zara zara si baat pe

teher teher k azaab kiyon?

jo kisi se bhi khafa na ho,

mujhe us Khuda ki talash hai.

mujhay laghzishoon pe har ghaRi,

koi tokta hai bar bar,

jisay kar ke dil ko dukh na ho,

mujhe us gunah ki talash hai.

bina hamsefer ke koi kab talak,

musaftoon main ghiraa rahay,

jahan koi kisi se juda na ho,

mujhe us raah ki talash hai,

mujhe daikh kar jo ik nazar,

mere saray dard samajh sakay,

jo is kadar ho chara gar,

mujhe us nigah ki talash hai...!!!

Wafa Ka Aakhri Nata ....

Zeyada Se Zeyada Ye Hoga

Dil ki Dhadkan Tham Jayegi

Log Hasenge Aur Kahenge

Hum To Pehle Hi Kehte Thay

Barf Pighal Sakti Hai Lekin

Bhadak Uthe Ye Na-mumkin Hai

ChhoRRo Jo Bhi Kehte Hon Kehne Do Inko

Aao Janaan!!!

Aaj Wafa Ka Aakhri Nata ToRR Ke Dekhain

Palat Ke Dekha...

Mohabbat Ka Wajood Mujhko

Saraab Lagne Laga Tha Yaaro

Par Us Sitamgar Ne Jaate Jaate

Palat Ke Dekha...

Muhabbat rooth jaaye tau

Wafa jab maslehat ki shaal ourhay

Sard rutt ka roop dhaaray

Dil ke aangan mein utarti hai

Tu palkoon per sitaaroon ki

dhanak muskaane lagti hai

Kabhi khwaaboon ke

an-chouwon heyoloon se bhi

Un-dekhi si, anjaani si

khushboo aane lagti hai

Kisi ke sang beetay,

un-ginat lamhoon ki zanjeerain

Achaanak zehan mein

jab gun'gunaati hain

Nafs ke taar mein san'naatta

yak-dam cheekh uth'ta hai

Tu yun mehsoos hota hai

Hawaayain aa ke sargooshi si karti hain

Muhabbat ka tumhein

idraak ab tu hogaya hoga

Yeh jo bhi zakhm deti hai

kabhi seenay nahee deti

Muhabbat rooth jaaye tau

kabhi jeenay nahee deti...

Tumhain kis ne kaha pagli...??

Tumhen kis ne kaha pagli
mujhe tm yad ati ho
bohat khush feham ho tm bi
tmhari khush-gumani he
meeri ankhonki surkhi main
tumhari yaad ka matlab???

mere shab bhr k jgne me
tmhare khwab ka mtlab???

ye ankhe to hmesha se hi
meri surkh rehti hain
tumhen malum hi hoga
is shayhar ki fiza kitni aloda he

to ye sozish,usi fiza ke bais he
tmhen kis ne kha pgli
ke me shab bhr nahi sota
mjhe is nokri ke sb jhamelon se
kbhi fursat mile to tab he na!!!

meri baton me larzish hai???
me aksr kho sa jata hon???
tmhen ks ne kaha pagli
mohabbat ke ilawa or bi to dard hote he
fikar-e-muaash, sukh ki talaash

aise or bi gham he
or tm
un sb ghamon k baad ati ho
tmhen ks ne kaha pgli
mjhe tm yad ati ho
yah dunya walay pagal he
zra si bat ko ye to afsana smjte he

mujhay ab bhi yah pagal tera dewana samjhaty hain
tumhen kis nay kaha pagli???
magar shayad!!!
magar shayad main jhoota hon

Suno ! Tum Laut Aao na...!

Suno ! Tum Laut Aao Na !

Jaha Tum Ho Wo Duniya Kab Tumhari Hai

Keh Suraj Dhal Gaya Hai,,

Hasseen Shaam Utri Hai

Wo Dekho Chand Nikla Hai ,, Sitaray Jagmagaty Hain,

Hamari Muntazir Ankhien,,

Duaen Mangti Aankhein ,

Tumhay Socthi Aankhein,,

Tumhe Dhondti Aankhein ,,,

Tumhe Wapis Bulati Hein,

Ye Dil Jab Bhi Dharakta Hai Tumhara Naam Laita Hai ,

Ye Ansoo Jab Bhi Behtay Hain ,

Tumharay Dukh Mein Behtay Hain

Kay Barish Jab Bhi Hoti Hai

Tumhe Hi Yaad Yaad Karti Hai ,

Khushi Koe Bhi Jo Aye

Tumhary Bin Adhuri Hai,

Suno ... !!!

Tum Laut Aao Na !!!!!!...

Suno tum ne kaha tha na...!!

Suno tum ne kaha tha na!!

mjhy jazb-e-muhbt say kabhi jo tum pukaro gi

main uss din lot aaon ga!!

to daikho na!!

kai lamhon

kai salon

kai sadiyon

se tera rasta takti

yeh meri muntzar ankhain

mere dil ki ye dharkan aur sansain

bus tumhara naam laiti hain

wohi ik wird karti hain

meri ankhon k sahil par

teri khwahish ki mojoan ne

bari halchal mchai hai

teri tasveer,sookhay phool aur tohfay!

teri chahat ki khushbu main

abhi takk sans laitay hain

woh sabb rastay k jin par tum hmaray sath chaltay thay

woh sabb rastay jahan teri hansi k phool khiltay thay

jahan pairhon ki shakhon par

hum apna naam likhtay thay

udasi say bharay manzar

tumharay lot kar anay ki umeedain dilatay hain

suno kuch bhi nahi badla

tumharay paaun ki awaz sun'nay ki

mere kamray ki bai tarteeb chezain muntazir hain

suno!!!

takmeel paati chahton ko yun adhoora to nahi choro

mujhay matt azmao tum

chalo abb lot aao tum!!!!

Use kaho qasam le lo....

Use kaho qasam le lo

tumharey baad,

kisi ka khwab

dekha ho

kisi ko ham ney chaha ho

kisi ko ham ney soocha ho,

kisi ki arzoo ki ho

kisi ki justuju ki ho

kisi ki raah dehki ho

kisi ka qrub manga ho

kisi ko sath rahka ho

kisi sey aas rahki ho

kohi umeed bandi ho,

kohi dil mian utra ho

kohi tum se piyara ho

kohi dil mian basaya ho

kohi apna banaeya ho

kohi rootha ho hum sey

usy ro ro kar manaeya ho

DECEMBER ki haseen rut mian

kisi ka hijr jhela ho

kisi ki yad ka mussam

merey aangan mian khela ho

kisi sey baat karney ko,

kabi yea hont tarsey hon

kisi ki bewafai par

kabi yea nena barsy hon

kabi raton ko uth uth kar

tery duhk mian na roye hon

usey kaho qasam ley lo

tumharey baad

hum ik pal b soye hon

ussey kaho qasam ley lo

kabi jugnu,

kabi tara,

kabi mehtab

dehka ho,

ussey kaho qasam ley lo

tumharey baad kisi ka

jo khawab dehka ho

DECEMBER lout aya hai...

Usay kehna DECEMBER lout aya hai

hwayen sard hain

aur vaadiyan bhi dhund main gum hain

paharon ne braf ki shaal

phir se ourh rakhi hai

Sbhi rastay tumhari yaad main

pur nam se lagtay hain

Jinhain sharf e musaafat tha

wo saray cards,wo perfume,wo chhoti c diary

wo terris

wo chaye jo ham ne saath main pee thi

tumhari yaad lati hain

tumhain wapis bulati hain

usay kehna k dekho yun stao na

DECEMBER lout aya hai

suno tum lout ao na

Kahan dil chor aye ho...

Kahan dil chor aye ho,

bohut chup chap se rehtay ho,

Na bante ho na sanwarte ho

na koi bat karta ho

Bhari mehfil main bhi aksar

hamesha khoay rehtay ho

Udasi aankho main le kay

her ek chehre ko takte ho

Koi jab yaad aata hai to

Thundi aah bharte ho

To khul kar kion nahin kehtay

Kisi se pyar kertay ho

Kabhi Socha Hai ?

Kabhi Socha Hai ?

Hamaray Rishtay Ka Naam Kya Hai

Mohabat,Zarorat,Khwahish,Junoon,Ishq Ya,

Woh Rishta Jo

Aasmaan Ka Zameen Se Hai

Baarish Ka Sehra Se Hai

Haqeeqat Ka Khwabon Se Hai

Din Ka Raat Se Hai

Yeh Kabhi Aik Dosray Se Mil Nahi Paatay

Laikin Aik Dosray K Baghair Adhoray Bhi Hain

Shayad Aaisa He Kuch Rishta

Mera Aur Tumhara Bhi Hai

Koi apna nahi banta!!!

Koi apna nahi banta!!!

Labon pay naam rakhnay say

Dilon main yaad karnay say

Har ik dharkan, har ik tarpan

Kisi ke naam karnay say

Koi apna nahi banta...!!!

Tamam umar ki khushiyan

Mohabbat ki sabhi ghariyan

Kisi ko daan karnay say

ke ...us pay maan karnay say

Koi apna nahi banta ...!!!

Woh pehlay piyar ki batain

Fafaqat ki sabhi ratain

Woh chahat ki sabhi rasmain

Mohabbat ki sabhi qasmain

Humaisha yaad rakhnay say

Koi apna nahi banta ...!!!

Kisi tanha akaili raah guzar par

Puranay say kisi boorhay shajar par

Patthar say koi dil bananay say

Aur...

Uss main apna or kisi ka naam sajanay say

Koi apna nahi banta ...!!!

Kay jab......aankhain hi marr ja'ain

To phir sapna nahin banta

Yeh jeewan daaan kar ja'ain

To bhi apna nahi banta

Koi apna nahin banta...!!!

Koi apna nahin banta...!!!

Muhabbat tou khush-gumaa'n hai "

Tumhaari angushteri kay nag mein

Meri muhabbat chamak rahi hai

Agar kabhi yeh gumaan bhi guzrey

Ke mein tumhain bhoolney lagaa hoon

Tou iss nageenay ko bhi ghour sey daikhoo

Meri nigaahoun ki jagmagaahat

Tumhaarii aankhoun sey yeh kahey gee

"Suno,

"Muhabbat tou khush-gumaa'n hai"

Agar koi bughz-e-dil ka maara

Falak sey tootaa huaa sitaara

Tumhaarey seeney mein waswasoun kay

Kaisey khanjer utaartaa hoo

Ke woo jo dil-phaink-o-bey-wafaa hai

Ke woo sab per freefta hai

Ke woo jo perdais jaa basaa hai

Tumhain bhanwer beech chhour dey gaa

Wafaa kay sab qoul tour dey gaa

Chalo buss ab uss ko bhool jaaou

Tou iss sey pehlay ke jal bujho tum

Tou iss sey pehlay ke yeh kahoo tum

Woo aihd-o-paimaan sab ghalat thay

Wafaa kay unwaan sab ghalat thay

Sahar kay imkaan sab ghalat thay

Tum apni angusht-e-maahwash per

Gulaab chehraa jhukaa kay kehnaa

Suno, woo sach much bey-wafaa hai?

Tumhaara routa sawaal sun ker

Woo shukh nag muskuraa parey gaa

Tumhaarey gaaloun ko thapthapaa ker

Haseen angushteri kahey gee

"Suno,

Muhabbat tou khush-gumaa'n hai "

Ik ajnabi duwa

Us raat aasmaan pe taarey they is kadaR

dushwar ho raha tha safar mahtaab ka

Ik bekinaar hijaR ka dasht-e-chaman numa

aa'ttki hui thi nakhl-e-tamanna ki shaakh paR

fasal-e-paReeda rang ki masli hui qaba

Ik ajnabi duwa

khilney lagey they dast-e-hawa par khizaN key phool

jaati hui bahaar k tootey huwey asool

chehRa azal ki aag tha aaNkheN abad ki dhool!

us raat tootey huwy taaroN ki goonj meiN

ham kitni deR chaltey rahy kuch pata nahi

kab tak ham apney an-kahey lafzoN ki kirchiyaN

farsh-e-hawa se chuntey rahey kuch pata nahi

shabnam k saath saath chamkey tamaam shab

taarey they k wo aks meray aaNsu’oN key they!

kyuN kurbatoN k shor meiN ghutney laga tha dam

kismat k they k halqey terey baazu’oN k they

Kuch pata nahi

gard is qadaR hai aaina-o-maah-o-saal paR

khaaboN k aks apney khad-o-khaal kho gaye

aaNkhoN k rang ley gai taaroN ki roshni

chehroN k naksh ray'et ki tehreeR ho gaye

taktey they dil ki simt jo qarnoN ki ott sey

benaam khaahishoN k wo mosam badal gaye

soorat garoob ho gaye, mehtaab dhal gaye

taair shaheed ho gaey, ashjaar jal gaye

saahil ka jhaag ho k mitey ya k rizq-e-abr

aata nahi palat k kabhi jo gaya — gaya

lekin ye kya k aaj bhi jis raat mehtaab

taaroN k bekinaaR meiN rasta na paa sakey

aa'NkhoN meiN jilmilaatey huwy aaNsu’oN k paaR

milti heiN is tarhaN sey zamaanoN ki sarhadeN

chalta nahi pata

ham peechey reh gaye heiN

k aagey nikal gaye !!!

Barson baad....

Aadhi raat k sannate main

kis ne phone kia hai mujh ko?

jane kis ka phone aaya hai

phone utha ker yun lagta hai

us janib koi gum sum,

gum sum ukhra ukhra

dheeray dheeray kaanp raha hai

mehki hoi ik khamooshi hai

ghup khamoshi

laikin is khamoshi main bhi

goonj rahay hain

thandi saansain,barish,aansu

khamoshi se thak ker

us ne saans lia to

chooorhi khanki....

uf ye khun khun.....

ik lamhay main saaray badan main phail gae hai

teray ilawa koi nahi hai

lakin itne barson baad.

Hamain tum saath pao gay

Mujhay bas itna kehna hai

Kabhi main yaad aaoon to

Kabhi tanhai ki raatain

Tumhain ziada sataein to

Kabhi titli na bolay to

Aur jugnoo lout jaye to

Kabhi jab dil bhi bhar jaye

Koi jab sunn na paye to

Agar sab dost sathi bhi

Jo tum se rooth jaaein to

Kabhi jab khud se lar lar kar

Thakan se choor ho jao

Kabhi chahtay huay bhi khud akelay

Ro na paao to

Apni aankhon ko band karna

Mujhay aawaz de dena

Aur phir meray tasawwur se

Jo chaho batain keh dena

Meray kaandhay pe sir rakh kar

Tum jitna chaho ro lena

Phir khud main jab loat jao to

Us he duniya chalay jana

Magar bas itna kehna hai

Ke jab bhi dukh ya khushiyon main

Hamain dil se pukaro gay

Hamain tum saath pao gay

Kaha tha na....

Kaha tha na....

mujhay tum iss tarha

sotay huay mat chor k jana

mujhay baishak jaga dena

bata dena

zindagi k safar mei

meray sath chal nahi sakhti

khuwaishon k safar mei

meray sath chal nahi sakhti

tumhain rasta badalna hai

meri hadh se nikala hai

tumhain kis baat ka darr tha

tumhain janay nahi deta ?

kahin pe qaid ker leta ?

aray Pagli

Mohabbat ki haqeeqat mei

zabardasti nahi hoti

jissay rasta badlna ho ..

ussay rasta badlnay se

jissay hadh se nikalna ho

usay hadh se nikalnay se

na koi rok paiya hai na koi rok paye ga

meray sathi haqeeqat hai

tumharay baad khonay k lia

kuch bhi nahi baki

magar khonay se darta hon

main abb sonay se darta hon !!!!!!!!!

Kaha tha na....

Kaha tha na....
mujhay tum iss tarha
sotay huay mat chor k jana
mujhay baishak jaga dena
bata dena
zindagi k safar mei
meray sath chal nahi sakhti
khuwaishon k safar mei
meray sath chal nahi sakhti
tumhain rasta badalna hai
meri hadh se nikala hai
tumhain kis baat ka darr tha
tumhain janay nahi deta ?
kahin pe qaid ker leta ?
aray Pagli
Mohabbat ki haqeeqat mei
zabardasti nahi hoti
jissay rasta badlna ho ..
ussay rasta badlnay se
jissay hadh se nikalna ho
usay hadh se nikalnay se
na koi rok paiya hai na koi rok paye ga
meray sathi haqeeqat hai
tumharay baad khonay k lia kuch bhi nahi baki
magar khonay se darta hon
main abb sonay se darta hon !!!!!!!!!

"Dobara phir nahin milta"

Tumhain bhi to khabar ho gi

ke dariya paas baithe ho

to paani kitna acha lagta hai

kinaron se juri matti se poocho

rog Chahat ke

ke is paani ki chahat main

kinaron se ukkar kar

ajnabi deson main jaana kitna mushkil hai

Kinara phir nahin milta

tumhain bas itna likhna hai

yahan jo bhi bichar jaaye

"Dobara phir nahin milta"

CHALO CHORO

CHALO CHORO

Muhabbat jhoot haiEhd-e-wafa

ik shughl hai baikaar logon ka

“Talab” sookay huway patton ka

baironuq jazeera hai

“Khulish” deemuk-zuda awraaq pur

boseeda sutron ka zakheera hai

“Khumaar-e-wusl” tuptee dhoop ke seenay pe

Urrtay baadlon ki raaigan bukhshish

“Ghubar-e-Hijr” sehra main

sarabon say atey mosum ka khamyaza

..

CHALO CHORO

Ke ab tuk main andhairon ki

dhumuk main saans ki zarbon pe

Chahut ki bina ruk kar safar karta raha tha

Mujay ihsas hi kub tha

Ke tum bhee mosumon ke saat

apnay peruhun kay rung badlogi

CHALO CHORO

Wo saray khwab kuchee bhurbhuree muttee ky

baiqeemut gharonday they

Wo saray zaaiqey mairee zuban pur zukhm bun kar

jum gaye hongay

Tumharee unglion ki nurm porain

puthuron pe naam liktee thee mera laikin

Thumharee unglian tho aadtun

ye jurm karthee thee

CHALO CHORO

Safar main ajnubee logon say aisay haadsay

surzud huwa karthay hai

Sadion say

CHALO CHORO

Mera hona nu hona ik barabar hai

Tum apnay khaal-o-khud ko

aayeenay main phir nikurnay do

Tum apnee aank ki bustee main

phir say ik naya mosum uturney do

“meray khwabon ko murnay do”

nuyee tasweer daikophir naya maktoob liko

phir nuye mosum nuye lafzon say

apna silsila jorho

meray maazee ki chaahut raayegaan sumjo

meree yaadon say kuchey raabitay torho

CHALO CHORO

muhabbat jhoot haiEhd-e-wafa

ik shughl hai baikar logon ka

Aarzoo nahi rehti..

Ajnabi rahoon k

Ajnabi musafir aik

Mujh say pooch baitha hai

Rasta bata do gay?

Ajnabi rahoon k

Ajnabi musafir sun

Rasta koi bhi ho

Manzalin nahi milti

Manzilain tou dhoka hain

Manzilain jo mil jain

Justuju nahi rehti

Zindagi ko jeenay ki

Aarzoo nahi rehti........!!

Shehar-e-Dil Ki Galiyoon main....

Shehr-e-Dil ki Galiyoon main

Shaam se bhataktay hain

Chand k Taman-na-ee

Baiqarar Saudaii

Dil Gudaz Tarikii

Jan Gudaz Tanhai

Rooh-o-Jaan ko Dasti haii

Rooh-o-Jaan main Basti hai

Shehr-e-Dil ki Galiyoon maain

Taak-e-Shab ki bailoon per

Shabnami Sarshakoon ki

Beqarar Logon nay

Beshumaar Logon nay

yadgaar chorhi hay

Itni Baat Thori Hai ?

Sud-Hazar batain thin

Hela-e-Shakebaee

Soraton ki Zebai

Qamaton ki ranaii

In siah raton main

Aik bhi na yaad aae

Ja bja bhataktay hain

Kis ki rah taktay hain

Chand kay taman'naee

Ye Nagar Kabhi Pehlay

Is Qadar Na Veeran Tha

Kehnay walay kahte hain

Qarya-e-Nigaraan Tha

Khai apnay Jeenay Ka

Yeh bhi aik samaan tha

Aaj Dil main Veerani

Abr ban kay Ghiraaii

Aaj Dil ko kya Kahiyea

Ba-Wafa Na Haarjae

Phir Bhi Log Diwanay

Aa gayay hain samjhanay

Apni wehshat-e-dil k

Bun liyay hain afsanay

Khush khayal dunya nay

Garmiaan to Jaati hain

Woh rutaain bhi aati hain

Jab Maluul raton may

Doston ki baton may

Ji na chain payay ga

Aur oob jayay ga

Aahaton say Gonjain gi

Shehar-e-Dil ki Pinhaee

Aur chand raton main

Chandni kay Shedaii

Har bahanay niklain gay

Aarzoo ki Gairaii

Dhondnay ko Ruswaii

Sard Sard Raton ko

Zard Chand Bakhshay ga

Bay-Hisaab Tanhaii

Bay-Hijaab Tanhaii

Shehar-e-Dil Ki Galiyoon main.........!!

Aankhain Khoob Rooti Hain,

Tumhain Dil Say Bhulatay Hain

Tou Aankhain Khoob Rooti Hain,

Dard Dil Main Jagatay Hain

Tou Aankhain Khoob Rooti Hain..

Tumharay baad Chahat K Sabhi Punchi Uray Janaan,

Kahin Bhi Dil Lagatay Hain

Tou Aankhain Khoob Rooti Hain..

Teri Tasweer, Adhooray Khat Tu Jala Diyey Hum Nay,

Ab Paani Pay Naqsh Banatay Hain

Tou Aankhain Khoob Rooti Hain..

Ghata Aawargi Main Jab Siyah Chola Pehanti Hai,

Parinday Jab Satatay Hain

Tou Aankhain Khoob Rooti Hain..

K Jab Bhi Shaam Dhalti Hai Meri Qismat K Sab Taray,

Falaq Par Jagmagatay Hain

Tou Aankhain Khoob Rooti Hain..

Sard Tareek Raaton Main Siyah Sawan Ki Barish Main,

Dard Jab Muskuratay Hain

Tu Aankhain Khoob Rooti Hain..

Sahil Ki Woh Mitti K Jis Pay Khoon Hathoon Say,

Wafa Likh Kar Mitatay Hain

Tou Aankhain Khoob Rooti hian..

Bohat Mumkin hay...

Bohut mumkin hay sehra maiN abhi

kuchh phool khhilnay hooN

buhut mumkin hay aaNkhhoN ko abhi

kuchh khuwab bannay hooN

buhut mumkin hay darwazay pay

dastak day abhi soraj

buhut mumkin hay keh

shab ka andhera khatam hojaey

buhut mumkin hay achhay din

hamari raah taktay hooN

buhut mumkin hay rahooN maiN

kai dalkash nazaray hooN

abhi shayad khizaaN rut par

baharaiN chhanay wali hooN

ghhataooN nay dilooN ki khhetiyooN par

phir barasna hoo

buhut mumkin hay darya ko

dubara rukh badalna hoo

abhi behkay hoey qadmooN ko

dubara saNbhalna hoo

abhi ham nay chhupi khushyooN ka

aik aik raaz pana hoo

abhi kuchh der ruk jao

abhi us din ko aana hay

yeh jo bikhra bikhra sa shakhs hai…!!

Woh gumaan gumaan sa qayas sa

kabhi door sa kabhi paas sa

kabhi chandni main chupa hua

kabi khushbuoon main basa hua

kabhi sirf us ki shabahatain

kabhi sirf us ki hikayatain

kabhi sirf milnay k silsilay

kabhi sirf us say hi faaslay

kabhi door chalti hawaoon main

kabhi meenh barasti ghataoon main

kabhi bad-gumaan kabhi meherbaan

kabhi dhoop hai kabhi saayebaan

kabhi band dil ki kitaab main

kabhi lab kushaan woh khwab main

kabhi youn k jaisay sawal ho

kabhi youn k jaisay khayal ho

kabhi dekhnay k hain silsilay

kabhi sochnay k hain marhalay

kabhi sirf rang-e-bahar sa

kabhi sirf ik ghubaar sa

kabhi dastaras k qareeb qareeb

kabhi door paas kahin nahi

yeh jo ukhrra ukhrra sa shakhs hai

yeh jo bikhra bikhra sa shakhs hai…!!

Safar tanha nahin karte

Hazaron pal tumhare bin,

Na poocho kaise kat’tay hain

Kabhi yaadain rulaati hain

Kabhi mosam satatay hain

Usay kehdo hum atay hain

Hamain mayous na kerna

Humara maan rakh laina

Humain wapis nahin jana

Humain dil mein basa lena

Humain apna bana lena

Bohat tarpay hue dil say

Bohat rootha nahin kertay

Muhabbat to ebadat hai

Usay ruswa nahin kerte

zamanay say chhupate hain

Kabhi charcha nahin kerte

Suno aisa nahin kerte..

safar tanha nahin karte

kisi nay sach kaha hai yeh

kisi nay sach kaha hai yeh

muhabbat aur kahani main

koi rishta nahi hota

magar meri muhabbat to

kahani hi kahani hai

koi raja na rani hai

muhabbat ki kahan i to

musafat hi musafat hai

zaroorat ki musafat aur

musafir wapsi kay saray

imkan pass rakhta hai

muhabbat ki musafat main

musafir kay palatnay ka

koi rasta nahi hota

woh sari kashtiyan apni

jala detay hain sahil par

kay naummeed honay par

palatna bhi agar chahain

to wapis ja nahi payen

wahin gharq e aab ho jayen

koi mosam to aisa ho !!!

koi mosam to aisa ho

kay jub bichray hoowoon ki yaad kay jugnoo

chamak kho dain

kisi kay hijar main ronay say pahlay hi

mairi aankhain kabhi so dain

koi mosam to aisa ho !!!

kay jub sub phool ulfat kay

kisi unmit mohabbat kay

miray dil main khilain,per

un main who khushboo na ho baqi

woh khusboo jo tumharay qarb say mahsoos hoti thi

koi mosam to aisa ho !!!

kay dil kay zakham bhur jain

agar aisa naheen hota to phir

kitna hi acha ho kay sari khowahishain dilki

woh saray khowab aur arman

youn hi ghut ghut kay mur jain

mujhay azad ker jain

koi mosam to aisa ho !!!

Tab yaad bahut tum aate ho

Jab koi zikar ho judai ka

ya kissi kee bewafai ka

ya mosaam aik dam badley

koi awara badal achanak barsey

koi mily ya phir bhichrey

jab koi ajnabi haans key boley

piyaar jataey jhoot boley

tab yaad bohat tum atey ho

jab saans kee door kaheen tootey

jab koi kissi ko tanha chorey

dil kissi ka tootey

koi beech manjhdaar tanha jab kissi ko chorey

jab nao kissi kee doobey

jab be aas kissi kee tootey

han such

tab yaad bohat tum atey ho.

tab yaad bohat tum atey ho

Usay Matt Chhor Ke Jao

Suno!

Tum Azm Walay Ho

Bala Ka Zabt Rakhtay Ho

Tumhain Kuch Bhi Nahi Hoga

Magar Dekho

Jisay Tum Chhoray Jatay Ho

Usay Tou Theek Se Shayad

Bichharna Bhi Nahi Aata

Suno!

Tum Azam Walay Ho

Usay Matt Chhor Ke Jao

Mujhe Tum Se Muhabbat Hai.

Kisi Kamzor Lamhe Main Agar Main

Agar Main Tum Se Yeh Keh Doon

Mujhe Tum Se Muhabbat Hai

Tu Ye Mat Samajh Lena

Keh............

Main ne Sacch Kaha Ho Ga

Aisi Dil-Nasheen Batoon Ko Aise

Dilruba Andaaz Se Kaehna

Mujhe Bachpan se Aata Hai

Meri Aanken Mera Chehra

Mera Be-Sakhta Lehja

Ye Sab Kuch Jhoot Kehte Hain

Magar....

Is Jhoot Main Ik Sach Bhi Hai

Keh.........

Mujhe Tum Se Muhabbat Hai.

Mohabat

Asar dil per karay shikwa,

shikayat ho to aisi ho.!

Galay lag kar koi roye,

Nadamat ho to aisi ho.!

yehi mehsus ho jaisay

kai sadiyan guzari hain

faqat ek pal ki furqat mein,

Aziat ho to aisi ho..!!

mujhe kanta chubhay aur

us ki ankhon se lahu tapke,

talluq ho to aisa ho,

MUHABAT ho to aisi ho

ik or nazam us k nam

Gum sum chop chop rahne wali

Tanha tanha si bathi ek larki se

Main ne ek din yeh kaha tha

kyun na ek achi se nazm

Main tumarey naam kar doon

Tumari kisi masoom ada ko

Lafzoon k jado main samo kar

Andekhey lamhoon k liye

Ek haseen si yaad bana doon

Woh lamhey jab sab kuch hotey huwe bhi

Koi bhi paas naheen hota

Koi dhirey dhirey bahanoon se

Do bateen kar jane wala

Na koi nazm kahne wala

Na koi nazm sunaney wala

Lekin is lamhey

Dayroon main apni soch k semti

Andekhi ahat se chop kar

Janey kis bandhan se dar kar

Inkar karti hui woh

Masoom si larki muj ko

Kuch aur bhi masoom lagi

K woh kaise jaan sakti thi

Us k takhkha tab ki sherni

Sada si us ki be antanai

Ek aur nazm ka unwan ban chuki thi

~* Perceptions*~

Tum ne kabhi yeh goor kiya k

Chand k gird jo halah hay

Yeh khushi k aansou hain ya

Chand ka gham bhi nirala hay

Tum ne kabhi yeh goor kiya k

Badal jab barasta hay

Yeh hansi k chintey hain ya

Koi ghao rasta hay

Tum ne kabhi yeh goor kiya k

Suraj jo yeh chamakta hay

Wasl ki dhuop parti hay

Ya hijr alao dhkta hay

Tum ne kabhi yeh goor kiya k

Hawa ki citi kasi hay

Milan ki reel aa pounchi ya

Jati koyel jasi hay

Tum ne kabhi goor kiya k

Pani ka jharna kahta hay

Khushi ki chinkh hoti hay

Gham ander ander bahta hay

Tum ne kabhi yeh goor kiya k

Parbat bhi kuch kahta hay

Farsh se kitna uncha lekin

Arsh ki douri sahta hay

Tum ne kabhi yeh goor kiya k

Bashr ne kiya kuch jhela hay

Itni bheer main rah kar bhi

Khud ander se kitna akela hay

Hamari aankheen

Bhul sakta hay bhala koun

Yeh pyari aankhen

Rang main duobi hui

Neend se bhari aankheen

Meri sans ne har soch ne chaha hay

Tumeen jabse dekha hay

Tab se saraha hay tumeen

Bas gai hain meri ankhon main

Tumari aankheen

Tum jo nazroon ko utao to

Sitare jhuk jayeen

Tum jo palkoon ko jhukao to

Zamane ruk jayeen

Kyun na ban jaye in aankhon ki

Poujari aankheen

Jagti raton ko sapnon ka

Khazana mil jaye

Tum jo mil jao jenr ka bahana mil jae

apni kismat pe kareen naaz

Hamari aankheen

Pagli...

Tujhey nain mila kar chain mila

Kaha lakh tujhye kheen dil na laga

Ab thandi aaheen bhar pagli

Ja aur mohabbat kar pagli

Tue ne pyaar k nagmeen chaire the

Par kho gai gham k raag main tue

Woh aag na koi dekh saka

Chup chaap jali jis aag main tue

Ab aag se daman bar pagli

Ja aur mohabbat kar pagli

Pagli in pyaar ki rahoon main

Kyun koi kisi ko apnaye

Is duniya ki hay reet yehi

Jise pyaar karo wohi thukraye

Khaa thokar par thokar pagli

Ja aur mohabbat kar pagli

Kal dil main basaya tha jis ko

Wohi chain tera ab loutey ga

Kuch aur hansey gi yeh duniya

Kuch aur tera dil toutey ga

Be mout gai tue mar pagli

Ja aur mohabbat kar pagli

TumhE kIs nE kaha tha..?

TumhE kIs nE kaha tha..?

DupEhar k garm sUraj kI taraf dEkho

aUr ItnI daIr tak daIkho!

K bInayI pIgal jyE

TumhE kIs nE kaha tha..?

Aasman sE to0t'tI andI ulajtI bIjly0n sE d0stI kar lo

aUr ItnI d0stI kar lo k ghar ka ghar hE jal jayE

TumhE kIs nE kaha tha..?

Aik anjanE safar maI

AjnabI rahro k hamrah do0r tak jao!

aUr ItnI d0or tak jao

K wo rasta badaL jayE

...tUmhE kIs nE kaha tha...

Bus usi ko marna tha..!

Roz-o-shab k maily mein.......

Ghaflaton k maary hum.....

Shayad yeh samajhtay hain......

Hum ne jis ko dafnaya......

Bus usi ko marna tha........!

usne jab kahaa mujhse geet ek sunaa do naa

usne jab kahaa mujhse geet ek sunaa do naa

sard hai fizaa dil kii, aag tum lagaa do naa

kyaa hasiiN tevar the, kyaa latiif lahja thaa

aarzuu thii hasrat thii hukm thaa taqaazaa thaa

gungunaa ke mastii meN saaz le liyaa maiN ne

chheD hii diyaa aaKhir naGma-e-vafaa maiNne

yaas kaa dhuvaaN uThaa har navaa-e-Khastaa se

aah kii sadaa niklii barbat-e-shikasta se

Kalaa Jadoo !

Mera Tamaam Fun, Meri Kaavish, Mera Riyaaz

Ik Na-Tamaam Geet K Misray Hain Jin Key Beech

Maani Ka Rabt Hai Na Kisi Qaafi’ey Kaa Meil

Anjaam Jiss Ka Tay Na Hova Ho Ik Aisa Khel

Meri Mata'aa Bus Yehi Jadoo Hai Ishq Ka

Seekhaa Hai Jiss Ko Main Ne Barri Mushkilon K Saath

Lekin Ye Sehar-e-Ishq Ka Tuhfaa Ajeeb Hai

Khulta Nahi Hai Kuch K Haqeeqat Main Kya Hai Ye

Taqdeer Ki Attaa Hai Ya Koi Sazaa Hai Ye

Kis Say Kahein Ay Jaan K Ye Qissa Ajeeb Hai

Kehnay Ko Yon Tu Ishq Ka Jadoo Hai Meray Paas

Par Meray Dil K Vastay, Itna Hai Iss Ka Bojhh

Seenay Se Ik Paharr Sa, Hut'ta Nahi Hai Yeh

Lekin Asar Ke Baab Main Hulka Hai Iss Qadar

Tujh Pe Agar Chalaon Tu, Chaltaa Nahi Hai Ye

Tum Se Kya Kahein Jaanaa !

Zindagi Ke Meley Mein

Khvaahishon K Reley Mein

Tum Se Kya Kahein Jaanaa

Is Qadar Jhameley Mein

Waqt Ki Ravani Hai

Bakht Ki Giraani Hai

Sakht Be'zamini Hai

Sakht Laa'makaani Hai

Hijr Ke Samandar Mein

Takht Aur Takhtey Ki

Ek Hee Kahani Hai

Tum Ko Jo Suna'ni Hai

Baat Go Zara Si Hai

Baat Umar Bhar Ki Hai

Umar Bhar Ki Baatein Kab

Do Gharri Mein Hoti Hain

Dard Ke Samandar Mein

Un'ginat Jazeerey Hain

Be'shumaar Moti Hain

Aankh Ke Darichey Mein

Tum Ne Jo Sajaaya Tha

Baat Us Di'ey Ki Hai

Baat Us Giley Ki Hai

Jo Lahoo Ki Khilvat Mein

Chor Ban Ke Aataa Hai

Lafz Ki Fasilon Par

Toot Toot Jaata Hai

Zindagi Se Lambi Hai

Baat Rutt'Jagey Ki Hai

Raastey Mein Kaisey Ho

Baat Takhali'ey Ki Hai

Takhali'ey Ki Baaton Mein

Guftagu Izaafi Hai

Pyaar Karney Vaalon Ko

Ik Nigaah Kaafi Hai

Ho Sakey To Sun Jaao

Ek Din Akeley Mein

Tum Se Kyaa Kahein Jaanaa !

Is Qadar Jhameley Mein !!!!

Ik Baar Kaho Tum Meri Ho

Hum Ghoom Chukey Basti Bun Main

Ik Aas Ki Phaans Li'ey Mun Main

Koi Sajan Ho, Koi Piyara Ho

Koi Deepak Ho, Koi Taara Ho

Jab Jeevan Raat Andheeri Ho

IK BAAR KAHO TUM MERI HO

Jab Saavan Badal Chha'ey Hoon

Jab Phaagan Phool Khila'ey Hoon

Jab Chanda Roop Lutata Ho

Jab Sooraj Dhoop Nahata Ho

Ya Shaam Nay Basti Ghairi Ho

IK BAAR KAHO TUM MERI HO

Haan Dill Ka Daman Phaila Hay

Kiyon Gori Ka Dill Maila Hay

Hum Kab Tak Peet Kay Dhokey Main

Tum Kab Tak Door Jharokey Main

Kab Deed Sey Dill Ko Sairi Ho

IK BAAR KAHO TUM MERI HO

Kiya Jhagrra Sood Khasarey Ka

Ye Kaaj Nahi Banjaarey Ka

Sab Sona Roopa Lay Jaa'ey

Sab Duniya, Duniya Lay Jaa'ey

Tum Aik Mujhey Bohteri Ho

IK BAAR KAHO TUM MERI HO

Aaj Ki Shab !

Aaj Ki Shub Tu Kisi Taur Guzar Ja'ey Gi

Raat Ghehri Hai,Magar Chaand Chamukta Hai Abhi

Meray Mathay Pay, Tera Pyar Damukta Hai Abhi

Meri Sansoon Mein, Tera Lums Mayhakta Hai Abhi

Meray Seeay Mein , Tera Naam Dharakta Hai Abhi

Zeest Karnay Ko Meray Paas Bohut Kuch Hai Abhi

Teri Aawaz Ka Jadoo Hai, Abhi Meray Li'ey

Teray Malboos Ki Khushboo Hai, Abhi Meray Li'ey

Teri Bahain Tera Pehloo Hai, Abhi Meray Li'ey

Sab Say Barrh Kar Meri Jaan' Tu Hai Abhi Meray Li'ey

Zeest Karnay Ko Meray Paas Bohut Kuch Hai Abhi

Aaj Ki Shab Tu Kisi Taur Guzar Ja'ey Gi

Aaj Kay Baad Magar, Rang-e-Wafa Kya Ho Ga?

Ishq Hairaan Hai Sar-e-Seher-e-Saba Kya Ho Ga

Meray Qaatil Tera Andaz-e-Jafa Kya Ho Ga

Aaj Ki Shub Tu Bohut Kuch Hai Magar, Kal Kay Li'ey

Ik Andesha-e-Be'Naam Hai Aur Kuch Bhi Nahi

Daikhna Ye Hai Kay Kal Tujh Say Mulaqaat Kay Baad

Rang-e-Umeed Khillay Ga, Kay Bikhar Ja'ey Ga

Waqt Parwaaz Karay Ga, Kay Theher Ja'ey Ga

Jeet Ho Ja'ey Gi, Ya Kheil Bigarr Ja'ey Ga

Khawaab Ka Sheher Rahay Ga, Kay Ujarr Jae'y Ga

Parveen Shakir

Judai mar dalay gi..

Suno....

Hum toot jain gay...

k dori seh na pain gay

JUDAI MAR DALAY GI

Suno....

Ya ankhain bojhal hain

Inhain kis tarha behlain

Suno....

Hum so na pain gay

Kabhi khush ho na pain gay

JUDAI MAR DALAY GI

Suno....

Ya DIL tumhara hay

Na tum bin ab guzara hay

Suno....

Kuch wakt do hum ko

Bana lain dost is gham ko

Hamain maloom hay akhir

JUDAI MAR DALAY GI

Suntay ho na?

Samujhtay ho na?

JUDAI MAR DALAY GI

Passionate...

Ma jo din ko bhi kahooN raat, wo iqraar kare

Mujh ko hasrat hai koi yuuN bhi mujhe pyaar kare

Meri khaatir wo sahe dunya ke ta'ane dhakke

Nange paaoN se wo sehraaoN ke kaaNte chakkhe

Mujh ko paane ke liye June ke roze rakhe

Ma hooN deewana, wo deewanoN sa izhaar kare

Ma jo din ko bhi kahooN raat, wo iqraar kare

Mujh ko hasrat hai koi yuuN bhi mujhe pyaar kare

Wasi shah

AKhri Shaam

Wo AKhri Shaam

Yaad raKhna

Teri Nighaon Se

Jab Main Apni Nigah

Churha Ke PaLat raha Tha

Tu Tum Ne Kuch Bhi

Nahi Kaha Tha

Magar Hawa Main

Nami AchanaK He

Burh Gaye Thi

Ay Kaash Wo Wapis Aa Jaye

Kuch Raat Ki Aankhain Bheegi Thi

Or Chaand Bhi Rootha Rootha Tha

Kuch Yaadain Us Ki Baki Thi

Or DIL Bhi Toota Toota Tha

Kis Morr Pay Bichray Yaad Nahi

Honton Pay Koii Faryaad Nahi

Us Waaday Ki Bhi Khabar Nahi

Wo Sacha Tha Ya Jhoota Tha

Har Lamha Aahain Bhartay Hain

Or Ak Hi Dua Hum Kartay Hain

Ay Kaash Wo Wapis Aa Jaye

Ay Kaash Wo Wapis Aa Jaye

Meri Udasi

Ek din ek udas lamhey ne

muskurate huye jo dekh liya

jaane kya dil main soch liya

raasta mera hans ke rook liya

aur seeney se lag gaya aisey

jaisey bichra hua koi apna

ek muddat ke baad milta hai

tab se woh mere paas rehta hai

isliye dil udaas rehta hai.

Aaj Ki Shaam

Aaj Ki Shaam

Gehray Saaye Kay Saath

Phir Teri Yaadon Ka Basera Kiye Howay Hay

Zindagi Aisay Lagnay Lagi Hay Mujhay

Sokhay Darkhat Zakhmon Main

Apni Bahaar Kho Detay Hain

Koii Geet Jesay

Bagair Sur Kay Ho

Ya Shayed Koii Aisi Tasveer

Jis Kay Rang Maand Par Gaye Ho

Main Ghar Kay Aangan Main Dhoondta Hoon

Apnay Betay Ka Khailna, Rona, Hansna Or Roothna

Phir Ye Waqt Intazar Main Gum Hay

Har Shaam Teri Yaad Main Gum Hay

Ye Raat Bhi Teray Khayal Main Gum Hay

Kuch Aisay Ghao Bhi Hotay Hain

Kuch Aisay Ghao Bhi Hotay Hain

Jinhain Zakham Aap Nahi Kehtay

Bin Roye Howay Aanso'on Ki Tarah

Seenay Main Chupa Kay Rakhtay Hain

Or Sari Umar Nahi Rotay

Neendain Bhi Mohaiyan Hoti Hain

Sapnay Bhi Dorr Nahi Hotay

Kyun Phir Bhi Jagtay Rehtay Hain

Kyun Sari Raat Nahi Sotay

Ab Kis Say Kahay Ay Jan -e- Wafa

Ye Ahal -e- Wafa Kis Aag Main Jaltay Rehtay Hain

Kyun Bujh Kay Raakh Nahi Hotay

Meri zindagi ek katray ki manind hai

Meri zindagi ek katray ki manind hai

Key jiski keemat janta hai sehra ,, or koi nahi

Tujh Say Judai Key Ek Faislay Key Bad

Mai Khud Bhi Apnay Sath Kabhi Phir Raha Nahi

Aaj Tuk Rooh Mai Kanta Sa Chubhta Hai

Itna Kuch Keh Ker Bhi Kehney Ki Tamana Hi Rahi

Hayee!! woh Zakham Jo Lafzon Mai Paraoye Na Gaye

Ufffff!!! Woh Aansoo Jinhay Behney Ki Tamanna hi Rahi

Ker Gaye Daman Ko Taar, Phir Aaj Ashq

Mainay Behney Say Inhay Roka Bohat...

Mill Na Paya Apna Koi Bhi Nishaa'n

Khud Ko Apni Zaat Mai Dhonda Buhat...

Azmaon Main Bhi Ab Tujh Ko Zara

Zindagi Tu Nay Mujhay Jancha Bohat...

HUm dasht-e-junoon k sodaai ...... !!

Hum Dasht-e-junoon k sodaai

hum Gard-e-safar hum Naqash-e-qadam

Hum soz-e-Talab hum Taraz-e-Fughan

hum Ranj-e-chaman hum Fasal-e-Khizaa'n

Hum Heyrat-o-hasrat hum Yas-o-Alam

Hum dasht-e-junoon k sodaai

yeh dasht-e-junoon yeh pagal pan

yeh peecha karti ruswaai

yeh Ranj-o-Alam yeh Hunz-0-malal

yeh naala-e-shab yeh souz-e-kamal

Dil main kahein beynaam chuban

or Had-e-nazar tak Tanhai

Hum Dasht-e-junoon k sodaai

yeh Rooh-0-badan ka rishta tha

kai saal huey woh toot giya

Ab dil ki Dharkan Ruk jaye

Ab saaans ki dori Totey bhi

HUm dasht-e-junoon k sodaai ...... !!

Kami Mehsoos Hoti Hay ...

Keh Jab Naraz Hoti Ho

Meri Jaan Tum Kabhi Mujh Say

Main Hansna Bhool Jata Hoon

Mujhay Aansoo Nahi Aatay

Mager !!!

Aankhon Kay Gooshon Main

Nami Mehsoos Hoti Hay ,

Mujhay Har Cheez Main Jana

Kami Mehsoos Hoti Hay !!!

Ajab Pagal See Larki Hay

Ajab Pagal See Larki Hay

Mujhay Har Khat Main Likhti Hay

Mujhay Tum Yaad Kartay Ho

Tumhay Main Yaad Karti Hoon

Meri Baatain Satati Hain

Meri Neendain Jagati Hain

Meri Aankhain Rulati Hain

December Ki Sunairi Dhoop Main

Ab Bhi Tehalti Ho?

Kese Khamosh Rastay Say

Koii Aawaz Aati Hay

Thatharti Sard Raaton Main

Tum Ab Bhi Chat Pay Jatay Ho

Falak Kay Sab Sitaron Ko

Meray Qissay Sunatay Ho

Kitabon Say Tumharay Ishq Main Koii Kami Aayi?

Ya Meri Yaad Ki Shiddat Say

Aankhon Main Nami Aayi?

Ajab Pagal See Larki Hay

Mujhay Har Khat Main Likhti Hay

Jawab Us Ka Likhta Hoon

Meri Masrofiyat Dekho

Subah Say Shaam Office Main

Chirag -e- Umar Jalta Hay

Phir Us Kay Baad Dunya Ki Kaii Majboriyaan

Paon Main Beri Daal Rakhti Hain

Mujhay Be Fikar Chahat Say

Bharay Sapnay Nahi Dikhtay

Tehalnay, Jaagnay, Ronay Ki

Mohlat Hi Nahi Milti

Sitaron Say Milay Arsa Howa

Naraz Ho Shayed,

Kitabon Say Shagaf Mera

Abhi Wesa Hi Baki Hay

Faraq Itna Para Hay Ab

Unhain Arsay Main Parhta Hoon

Tumhay Kis Nay Kaha Pagli

Tumhay Main Yaad Karta Hoon

Keh Main Khud Ko Bhulanay Ki

Musalsal Justaju Main Hoon

Tumhay Na Yaad Aanay Ki

Musalsal Justaju Main Hoon

Mager Ye Justaju Meri

Bohat Nakaam Rehti Hay

Meray Din Raat Main Ab Bhi

Tumhari Shaam Rehti Hay

Meray Lafzon Ki Har Maala

Tumharay Naam Rehti Hay

Tumhay Kis Nay Kaha Pagli

Tumhay Main Yaad Karta Hoon

Purani Baat Hay Jo Log

Aksar Gungonatay Hain

Unhain Ham Yaad Kartay Hain

Jinhain Ham Bhool Jatya Hain

Ajab Pagal See Larki Ho

Meri Masrofiyat Dekho

Tumhay Dil Say Bhula'on Tu

Tumhari Yaad Aaye Na

Tumhay DIL Say Bhulanay Ki

Mujhay Fursat Nahi Milti

Or Is Masroof Jeewan Main

Tumharay Khat Ka Ak Jumla

" Tumhay Main YAAD Aati Hon?"

Meri Chahat Ki Shiddat Main

Kami Honay Nahi Deti

Kaii Raatain Jagati Hain

Mujhay Sonay Nahi Deti

So Agli Baar Apnay Khat Main

Ye Jumla Nahi Likhna

Ajab Pagal See Larki Hay

Mujhay Phir Bhi Ye Likhti Hay

" Mujhay Tum Yaad Kartay Ho?"

Tumhay Main Yaad Aati Hon?