koi mosam to aisa ho
kay jub bichray hoowoon ki yaad kay jugnoo
chamak kho dain
kisi kay hijar main ronay say pahlay hi
mairi aankhain kabhi so dain
koi mosam to aisa ho !!!
kay jub sub phool ulfat kay
kisi unmit mohabbat kay
miray dil main khilain,per
un main who khushboo na ho baqi
woh khusboo jo tumharay qarb say mahsoos hoti thi
koi mosam to aisa ho !!!
kay dil kay zakham bhur jain
agar aisa naheen hota to phir
kitna hi acha ho kay sari khowahishain dilki
woh saray khowab aur arman
youn hi ghut ghut kay mur jain
mujhay azad ker jain
koi mosam to aisa ho !!!
