Main aadhay tirchhay khayal sochon...
Kay be irada kitaab likhon...
Koi shanasa ghazal trashon...
Kay ajnabi intesab likhon...
Ganwa don ek umar kay zamanay...
Kay ek ek pal ka hisaab likhon...
Meri tabiyat par munhasir hai...!!
Kay jis tarhe ka bhi nisaab likhon...
Yeh meray apnay mizaj par hai...
AZAAB sochon, sawaab likhon...
Taveel tar hai safar, tumhay kya...??
Main ji raha hon magar, tumhay kya...??
Tumhay kya kay tum tou kab say...
Meray iraaday ganwa chukay ho...
Jala kay saaray huroof apnay...
Meri duaen bujha chukay ho...
Main raat odhoon kay subeh pehnon...
Tum apni rasmein utha chukay ho...
Suna hai sab kuch bhula chukay ho...
...
Tou ab meray dil pay yeh jabr kaisa...??
Yeh dil tou hadd say guzar chuka hai...
Guzar chuka hai magar tumhay kya...??
Khizaa'n ka mausam thehr chuka hai...
Thehr chuka hai magar tumhay kya...??
Tumhay kya kay is khizaa'n main...
Main Jis tarhe kay bhi khowab likion...!!
