kab se khamoosh sa gum sum sa youn he baitha hoon
saamney khat hay tera
or dil k aangan main
mousam e dard dabay paon chala aaya hay
or zakhmoun ki fasal ab k bohot achi hay
batoun batoun main lagay dil pe jo
us baat ka zakham
dil ki mundairoun pe jam jaye jo
us raat ka zakham
is siyahi main jo gum gaya
us saath ka zakham
jo yaqeen toot k tabdeel howa raizoun main
rooh main chubtay khataktay howe zarraat ka zakham
tum ne likha hay
tum baat k zakhmoun ko sehna seekho
tum bhi ouroun ki tarha duniya main rehna seekho
mashwara hay to bohot khoob
magar.......
aisi duniya se kaha meri shanasaai hay
ye tera khat hay, ya zakham e maseehai hay....!!!
