Teray Bina Tu Zindagi Kuch Nahi...

Tum Hi Nay Tu Kaha Tha

Chaand , Bina Chaandni Kay Kuch Nahi

Raat Bina Sitaron Kay Kuch Nahi

Saagar Bina Pani Kay Kuch Nahi

Titli Bina Rangon Kay Kuch Nahi

Bina Teray Chahaton Kay Main Kuch Nahi

Tu Phir In Raahon Per

Jin Pay Chal Rahi Thi Main

Haath Kyun Chora

Keh

Teray Bina Tu Zindagi Kuch Nahi

~terii yaad mei sabb guzar gaey. . . .. . shab-0-roz kaya, maah-o-saal kaya~

tujhe naaz haii keh main husn hoon

mere gulistaaN ko zawaal kaya

mujhe fakhR haii keh maen ishQ hoon

j0 jala na duun to kamaal kaya

mujhay zindagii kii dua na day

mujhay zindagii kii talab nhi

merii maut ko jo taal day

is zindagii kii majaal kaya

hamen manziloN kii khabR nhi

hamen rah-guzR kii talaash hei

us rah-guzr pe nikal parrayy

to urooj kaya, zawaal kaya

teray pyaaR mei shikweyy, gileyy

terii in adaa0N pe marr chalayy

jo hayaaT thii tujhe waaR dii

tu jawab kaya, aur sawal kaya

thii jo ik ada-e-dil-bari

saarii umeR ussii pe waar dii

~terii yaad mei sabb guzar gaey. . . .. . shab-0-roz kaya, maah-o-saal kaya. .. . . .~

Saans lainay ki to aazadi muyassar hay……..magar

Zindagi kay jitney darwazy hain, mujh par band hain

Dekhna

Hadd-e-nazar say aagy barh kar dekhna bhi jurm hay

Sochna

Apnay aqeedo’N aur yaqeeno’N say nikal kar sochna bhi jurm hay

“Kyun” bhi kehna jurm hay

“kesay” bhi kehna jurm hay

Saans lainay ki to aazadi muyassar hay……..magar

Zianda rehny kay liay insaan ko…….kuch “aur” bhi darkaar hay

Aur…….is kuch “aur” bhi ka tazkara bhi jurm hay

Ay hunar mandaan-e-aaeen-o-sayasat

Ay khuda vandaan-e-eewan-e-aqaaid

Zindagi kay naam par, bas ik inayat chahiay

Mujh ko in saary jarayam ki ijazat chahiay

Mere Shehr-e-Samaa’at meiN kHamoshi kab se MehmaaN hai...

Mere Shehr-e-Samaa’at meiN

kHamoshi kab se MehmaaN hai

Hawa ke Qeh’qahoN ki aik Muddat se

Koi Konpal nahiN phooTi

bata kis ki Udaasi ne

Tere Chehre pe youN SarsoN mali hai?

bata de kaya huwa tujhko?

Hinaai Haath kiouN chupp haiN?

Udaasi apne HaathoN meiN lagaai kis liye tune?

Teraa Gajraa Hawaa-e-Shab se Sargoshi nahiN kartaa

Sabaa ne Peraahan NohoN ka tan pe Orh rakha hai

barraa Arsaa huwa hai

Man ke Gulshan meiN

Teri AaahaT ki koi bhool kar Titli nahiN aai

Kalli koi nahiN ChaTki Bohat Din se

mere Shehr-e-Samaa’at meiN

teri paayal nahiN boli

teri Choorhi nahiN cHanki

Ay Gham-e-Yaar Thehar Aaj Ki Shab...

Ay gham-e-yaar thehar aaj ki shab

lag chuki teri sayahi dil per

aa chuki jo thi tabahi dil per

zard hay rang-e-nazar aaj ki shab

khaak ka dhair huway khuwaab nagar

aaj ki shab

ay gham-e-yaar theher aaj ki shab

kam-nazar daikh hawa ki aahatt

kis ki khusbhu mai basi aati hay

kon saa aks hay jis ki khaatir

aankh aaiyna bani jaati hay

kis tarah chaand achanak jhukk ker

sard shaakhon say lipat jaata hay

kis tarah rang-e-chaman

ik chehray mai simatt jaata hay

saill-e-amwaaj-e-tamanna kaisay

saahil-e-dil say palat jaata hay

aur kis taur say tay hota hay

lerrkharratay huway taaron ka safar

aaj ki shab

bay-hunar aaj ki shab

mujhay jee bhar kay ussay yaad to ker lainay day

daulat-e-dard hi sahi, jee to bhar lainay day

Bichartey waqt us nay aik hi fiqra kaha tha...

Dua karna

Meray haq mein Dua karna

Bichartey waqt us nay aik hi fiqra kaha tha

Par uss ko kaya maloom

Meray harf say taseer kab ki uth chuki hai

Dua ka Phool mere lab pay khiltey hi

Achanak Toot jata hai..

Mein kis khushboo ko uss kay haath par bandhoon

Mujhey Khushboo say dar lagnay laga hai.

Yeh jo waqt he meray shehar par kayi mosmooN sy ruka hoya

Yeh jo waqt he meray shehar par kayi mosmooN sy ruka hoya

issay izn day keh safar karay

issay khukm day keh chal parray, meray aasmaaN say door ho

koyi chand chehra kushaa karay, koyi aaftaab zahoor ho

keh nawa-e-chashm-e-kheyaal mein woh jo khwaab thay, woh dhuaaN hoye

woh jo aag thi woh naheen rahi, jo yaqeen thay woh gumaaN hoye

koyi dhund hai jissay dekhtay meri aankh baraf si ho gayi

woh ibarat-e-sir-e-loh-e-dil, kissi rabt say naheen aashna

keh jo roshni thi kitaab mein wohi harf harf si ho gayi

koyi gardbaad uthay kaheen, kissi zalzaly ki namood ho

yeh jo "hast" he meray chaar soo, koyi mojaza keh yeh "bood" ho

meri aankh mein yeh jo raat hai, meri umr si, issay taal day

meray dasht-e-raig-e-malaal ko kissi khushkhabri ka ghazzaal day

yeh falk pe jitnay nujoom hain teray hukm kay hain yeh muntazir

woh jo subh-e-nau ka naqeeb ho meri simt us ko uchhaal day

TUM

Tum Say

Kaya Ehad Ustawaar Karen

Tum Hawa Ka Mizaj Rakhtay Ho

Aur Hawa

Kis Kay Haath Aaee Hai...

Shehr e Dil Me ab koi sa Ho Mosam….

Hawa Us se Kehna
Keh Shehr e Dil Me ab koi sa Ho Mosam….
Theherta nahi hai
Mohabbat ka ya beqarari ka Mosam
Bharosey ya Be Aitebaari Ka Mosam
Ho Be-Chain Rehne Ya Kerne Ka Mosam
Youn hi besabab Jeenay Marne ka Mosam
Judaai k Khadshon se Darne Ka Mosam
Wafaaon ka Ya Bewafai ka Mosam
Murawwat Ka Ya Kuj Adai ka Mosam
Ya Phir..Dil Nasheen Shair Kehney Ka Mosam
Shanasai k Dard Sehne Ka Mosam
Ya Aya Ho Ashkoon k Behne Ka Mosam
Ya Tere Khyaloon Me Rehne Ka Mosam
Hawa Us se Kehna…..!
Koi Sa Ho Mosam
Wo Ab….Shehr-e-Dil Me Theherta Nahi Hai...

Kiya ISHQ Kisi Say Kertey Ho?

Bay Baat Bigartey Rehtey Ho,

Bay Chain Hamesha Rehtey Ho,

Yeh sab Nishani ISHQ Ki Hai,

Kiya ISHQ Kisi Say Kertey Ho?

Kiyoon Ratoon Ko Jagtey Rehtey Ho?

Aur Taarey Bhi Tum Gintey Ho,

Yeh sab Nishani ISHQ Ke Hai,

Kiya ISHQ Kisi say Kertey Ho?

Zikar Jo Mera Chalta Hai,

Chehrey ka Rang Badalta Hai,

Bay chain say Tum Ho Jatey Ho,

Kiya ISHQ "MUJH" Hi Say Kertey Ho ?

SINDH KA SURAJ...

Moosa Say Lay Kar Marks Talak.

Mansoor Koi Suqrat Koi,

Aamir Firaunon K Aagay,

Jo Bhi Aaya Masloob Gaya,

Jo Bhi Aaya Maatoob Gaya,

Ik Suraj Sindh Say Nikla Tha,

JO Lakhpat Kot Men Doob Gaya....

AISA HO SAKTA HAI NA?

AISA HO SAKTA HAI NA?

\

keh main ne jaan liya ho,

tujhe teri zaat ki gehrai tak,

teri mehfil se le kar teri tanhai tak,

AISA HO SAKTA HAI NA?

keh main ne bohut kurb saha ho,

tere sitam se le kar teri masihai tak,

OR AISA BHI HO SAKTA HAI NA?

keh tujhe koi dukh na ho,

mere milne se le kar meri judai tak,

OR YE BHI HO SAKTA HAI NA?

keh umar bhar k liye kafi ho,

ye dukh keh main ne safar kiya..

apni zaat se le kar teri zaat ki rasai tak......

KIYUN DIL KO DHARAKNA YAAD AAYA...

Jab dard puranay ho baithay..

Jab `yaad ka jugnu`raakh hua

Jab aankh main aaansoo barf huay

Jab zakhm se dil manoos hua

Jab tees ko chubhna bhool gia

Tab mujh peh khula main zinda hun!!!

Phir dil ko dharhakna yaad aya!!!

Jab karb ki lambi raahon main

Ahsas k baal safaid huay

Ya soch ki sarma dhoopon main

Alaam ka mevah khushk hua

Jab aankhain 'be sailaab'huin

Jab neendain Andhi ho baithin

Jab khawabain b 'be khawab' huin

Jab chaand charha be dardi ka

jab tanhaii ka seena b

Ser rakhnay ki aagosh laga

Jab rait peh likhi yaadon ko

Be mehr hawa ne cheen lia

Jab hosh ki kachi dewarain

Tasweeron se azad huin

Jab 'yaad ruttain' be dad huin

Tab mujh peh khula main zinda hun!!!

Phir dil ko dharakna yaad aya!!!

Tab aankhain kuch abaad huin

Jab mujh peh khula main zinda huun...

Ahsas ka bachpan jaag para

Phir jazbay be taqweem huay!!

Phir waqt ne kuch angraaii li..

Phir soch ki qabar se dhool urhi

Phir piyas ka barzakh bhool gya!

Ik hijr se kia azad huay?

So hijr naye ejaad huay!!

Phir ik nazar siyyad bani

Ik nazar ka taair said hua

Phir ashk main darya qaid hua!!

Phir dharkan main bhonchal paray

Phir ishq ka jogi gallion main...

Taqdeer kay saamp utha laya!!

Phir hosh ka jungle sabz hua

Phir `shoq_e_darinda` jag utha..

Phir zulf ka tewar shaam banay

Us shaam main phir mehtaab charha

Phir hont ki larzish, geet bani..

Phir sans ka naam saba thehra!!

Phir sher,shaur ka wird hua..

Phir zanjeerain,zawer thehrin..

Phir taqreerain inaam huin

Phir khoon se likhay jazbon ki

Kuch tehreerain neelam huin!!

Phir dard "Zulaikhaan"ban baitha..

Phir qurb ka karb jawan hua

Phir mujh pe khula main zinda huun!!!!

Kuch wasl shabain `shab khaiz`huin

Kuch hijr ki nabzain tez huin

Jab qaid ko taza umr mili..

Us qaidi umr k bakhton ne..

Ik shaam_e-sahuur se pooch lia

Mehjuur hi rehna tha...to hamain

wo pichla hijr hi kafi tha!!

Gar qaid hi ja` apnani thi..

Kiun pichlay jaal ko chora tha??

Kis ahed peh pinjra tora tha??

Jab jaal teri kamzori thay...

Siyyad ko kiun badnaam kia??

Ik soch raha huun muddat se..

Kiun mujh pe khula main zinda huun??

KIun dil ko dharakna yaad aya??

SUNO AY CHAND SI LARKI...

Suno aye chaand c larki

Abhi tum keh rahi thi na

Tumhain mujh se mohabbat ho nahi sakti

Chalo maana k yeh such hai

Magar aye chaand c larki

Mujah itna batao tum

K jab mosam badalte hain

Gulon main rang bharte hain

Tou phir kiyu muztarib ho kar

Akele pan se ghabra kar

Hawa ko raaz deti ho

Mujah awaaz deti ho

Suno aye chaand c lerki

Tumhare saamne koi mera jab naam leta hai

Tou phir kiyu chonk jaati ho

Chalo maana tumhain mujhse muhubbat ho nahi sakti

Magar itna samajh lo tum

Jahan chahat nahi hoti

Wahan nafrat k hone ka koi imkaan nahi hota

Mera dawa hai chahat main

Jahan nafrat nahi hoti

Wahan aksar yeh dekha hai

Agar kuch waqt kat jaye

Samay ki dhool chhat jaye

Tou wehshat bhaag jati hai

Mohabbat jaag jati hay....

Dua-e-neem shab...

Sada-e-aarzo

Wisaal-e-yaar kay

Khayal-o-Khwab main

Jo ho gayi magan

To lafz kho gaye

Dua-e-neem shab

Adhoori reh gayi

Jo baat thi buhat

Zaroori, reh gayi

Yeh aaghaz-e-judai hai keh andaz-e-mohabbat hai?

Tumhe jo besabab mujh say khafa honay ki aadat hai,

Yeh aaghaz-e-judai hai keh andaz-e-mohabbat hai,

Wafa kay rung mai dekho jafa achhi nahi hoti,

Kisi say pyar mai itni ana achi nahi hoti,

Faqt kehnay ki baatein hain,

nibhata kon hai kisko?

Chalo ab daikh letay hain,

Manata kon hai kis ko?

Alaao (Gulzar)

Raat bhar sard hawa chalti rahi

Raat bhar hum nay alaav taapa

Main nay maazi say kai khushk see shaakhien kaati

Tum nay bhi guzray huway lamhon kay pattay torray

Mein nay jaibon say nikali sabhi sukhi nazmain

Tum nay bhi haathon say murjhaaye huey khat kholay

Apni in aankhon say mein nay kai manzar torray

Aur haathon say kai baasi lakeeren phenki

Tum nay, palkon pay nami sookh gayee thee, so gira di

Raat bhar jo bhi mila ugtay badan par humko

Kaat kay daal diya jaltay alaawon main usay

Raat bhar phoonkon say har lau ko jagaye rakha

Aur do jismon kay eendhan ko jalaye rakha

Raat bhar bujhte huey rishtay ko taapa hum nay

Ju Tujh Ko Yaad Rakhtey.They Wo Khud Ko BhOol jAtey They..

Meray Sahir Teri Aankhain

Yeh Kaisa dArd Rakhtii hAin

Inhien Likhney Kii Khwaahish Mein

Meri Qalam Thakii Kitna

Inhien Parhney Kii Chahat Mein

Meri Aankhien jalli Kitna

Main Likh Likh Kar Teri Aankhien

Suanta Tha jO dUnya Ko

Zamana Ruktii SaansOn Mein

Teri AankhOn Ko Sunta Tha

Zamaney dOob jAtey They

jO tUjh Ko Yaad Rakhtey They

Wo Khud Ko BhOol jAtey They

Kisi Shab Ki Sa'at Mein

Teri AankhOn Sey SOya Tha

tO Jitney Khwaab Bhi Dekhey

Main PehrOn In Pey ROya Tha

Teri AankhOn Sey Takra Kar

tO Sapney tOot jAtey hAin

Meray Sahir Teri Aankhien

Yeh Kaisa dArd Rakhti hAin ?

Yeh Sapney Aur Bhii Laayen tO

Kisi TaBeer Kii SOorat

Inhien Soney Nahii Daita

Kisi SheeShey Sey Manzar Par

Teri Aankhien jO Uth jAien

Wo SheeSha Zard hO Jaaye

Misaal e dArd hO Jaaye

Teri AankhOn Kii MehrOomii

Kisi Chehrey Ki dOalat Sey

KyOn Janey Kum Nahii hOtii

Yeh SadiyOn Ka Saffar Aur hAi

Laraztii Narm PalkOn Mein

Zamana Saaz Sii Aankhien

Na Janey Kab Sey Pathar hAin

kyOn Janey Num Nahii hOtien

Yeh SOcha Tha Kabhi Main Ney

Yahii Kuch Main Ney SOcha Tha

K ChahOn tO FaQt Eik Lams Dey Kar Hii

Inhien Phir Sey Jagga DaalOn

Main Is GumSum Sey Pathar Ko

Mehaz ChOo Kar Rula DaalOn

Main In AakhOn Mein Likha dArd

mOhabbat Sey Mitta DaalOn

Magar Jab ROo-BarOo Paaya

Teri AankhOn Ko Meri jAan

Teri Aankhien Meri AankhOn Mein

Jaisey Jazb hOtii Thi

Main KhUd Ko bhOol Baitha Tha

mUjhey tUm Yaad Rehtey They

Teri AankhOn Key dUkh Darya

Meri AankhOn Sey Behtey They

Meri Aankhien Bhi Ab Bilkul

Teri AankhOn Sii Lagtii hAin

wOhii HaSrat wOhii WehShat

wOhi ChUp Chaap Pathar Sii

K Jiss Manzar Pey Uth Jayen

Aseer e dArd Kar Jaayen

Main Kab Sey SOch Mein gUm hOn

mUjhey Kuch tOo Hii Samjha Dey

Meray Sahir Teri Aankhien

Yeh Kaisa dArd Rakhtii hAin ??

Dehleez-e-sama’aT pe kisi waaday ki Aahat...

Dehleez-e-sama’aT pe kisi waaday ki Aahat

Utray keh na Utray

Aey Ranj bharii Shaam

dukhtay huey diL paR

koi Aahista say Aa kaR

ik Harf-e-TassaLi tou rakhay phooL ki Maanind…!

Parveen Shakir

Yeh Zindagi Bari Ajeeb Si .....

Yeh Zindagi Bari Ajeeb Si

Kabhi Gulzar Si Kabhi Bezaar Si

Kabhi Khushi Hamaray Saath Saath

Kabhi Ghumon Ki Barsaat Si

Yeh Zindagi Bari Ajeeb Si

Kabhi Tofanon Main Bhi Hain Rastay

Kabhi Manzilon Ka Pata Nahi

Kabhi Do Qadam Pay Zindagi

Kabhi Sadyon Tak Intizar Si

Yeh Zindagi Bari Ajeeb Si

Kabhi Her Pal Imtahaan Hay

Kabhi Bin Mangay Inaam Hay

Kabhi Kuch Nahi Kabhi Sab Kuch Si

Yeh Zindagi Bari Ajeeb Si

Kabhi Gulzar Si Kabhi Bezaar Si

Jaatey Jaatey Bas Aik Ehsaan Kar Do .....

Jaatey Jaatey Bas Aik Ehsaan Kar Do

Agar Kuch Kar Sako To Bas Itna Kar Do

Woh Sab Kuch Jo Mera Apna Tha

Woh Sab Kuch Jo Mera Sapna Tha

Ho Sakey To, Woh Mujhey Louta do....

Mera Eshq Mujhey Louta Do,

Mera Pyaar Mujhey Louta Do

Mera Junoon Mujhey Louta Do,

Meri Chah Mujhey Louta Do

Mera Ghuroor Mujhey Louta Do,

Mera Maan Mujhey Louta Do

Merey Sab Sapney Mujhey Louta Do,

Merey Armaan Mujhey Louta Do

Meri Khuahishein Mujhey Louta Do,

Meri Hasratein Mujhey Louta Do

Meri Ummeed Mujhey Louta Do,

Meri Har Aas Mujhey Louta Do

Meri Sab Dharkanein Louta Do,

Meri Har Saans Mujhey Louta Do

Mera Nikhaar Mujhey Louta Do,

Noor-E-Haque Se He Syah Khaana-E-Hasti Roshan....!!

"Waqt" k pardah-e-tareek pe likkha mein ne

"Gulshan-e-zeest ki hai shahid-o-meena se bahar"

Chand lamhon k liye reh k darakhshan lekin

Mit gaye dekhte hi dekhte ye naqsh-o-nigar

Aah!kis cheez ko is daar-e-fana mein he qaraar!

"Waqt" k pardah-e-tareek pe likkha mein ne

"Maqsad-e-zeest hi takmeel-e-hunar azmat-o-naam"

Naqsh they ye bhi bohat shokh mager aakhir kaar

Ho gaye pardah-e-tareek mein roo poash tamaam

Aah!her naqsh-e-darakhshan ka yahi he anjaam!

"Waqt" k pardah-e-tareek pe likkha mein ne

"Noor-e-haque se hai syah khaana-e-hasti roshan"

Kaanpte kaanpte kafoor hui zulmat-e-"waqt"

Haque hi haque mahfil-e-imkaan mein raha jalwah-e-figan

Hai fana k liye paighaam-e-fana haque ki kiran...!!!!

Bahaar RuT me Ujaar Rstay,

Bahaar RuT me Ujaar Rstay,

Thka Kro ge To Ro Paro ge

Kisi sE Milne Ko Jb B Mohsin,

Saja Kro ge To Ro paro ge

Tmhare Wadon nE Yar MujhKo

Tabah Kiya he Kuch is Trah sE

K Zindgi me Jo phir Kisi sE

Dagha Kro ge To Ro Pro ge

Mai JanTa Hon Meri MuhbT

Ujaar Degi Tmhen B aise

K Chaand Raton me Ab Kisi sE

MiLa Kro ge To Ro pro ge

Brsti Barish me Yad Rkhna

Tmhen Sataaen gi meri Ankhen

Kisi Wali K Mzaar pr jb

Dua Karo ge To Ro pro ge

Tumhi zindgi ho meri,

Mery hr udas pal men

Mera sath chor jana,

Ye kahan ki ulfatain hain?

Ye kahan ki dosti hy?

Tumhen sath dekh kr lga tha,

Tumhi zindgi ho meri,

Tumhi bandgi ho meri

Tumhi hr khushi ka saya,

Tumhi saadgi ho meri

Mujhy kya khabar thi 'JANA'

Tum youn wafa karo gy

Mery hr udas pal men

Mera sath chor do gy.

Bin tere ab koi Chahat nahi...

Bin tere ab koi Chahat nahi

Zindagi ki bhi koi khuwahish nahi

Tum nahi the to Zindagi main kuch kami thi

Ab hoker bhi tum mere nahi

Sab kuch paas hai magar

Ek tu hi to mere paas nahi

Hazaron ne hamain Chaha lekin

Ek tujh hi ko hamari Chahat nahi

Hum tere beghair bhi Jeene ki koshish karenge

Kyun ki ab hamain kisi aur ki zaroorat nahi

Koi suljha skta nhi meri pehaili ko ?

Koi suljha skta nhi meri pehaili ko

Btao kiya tum Suljhao Ge?

Chalo Fraz kro humy tum se muhbat hai

Han humy tm se muhbat thai hai or rahey ge !

To SOcho Ge k hum Ek Na Ek din Badal Jayen Gey

Khulose e Dil Se Chaha hai Badnla Kesy Kesy

Han Bhla Kesy Mumkin hai !

Mary Ansuon Ki Sihayi Dard Ban Kar Ankhon Se Bhty Hain

Tmhari Yad Mai Jb Mai Bhut He Doob Jata Hon

Tb Mera Dard Mery Alfaz Ban Kr Janam Laity Hain

Ajeeb Baat Hai Na Ye Tumhari Yadon Ki Tarha

Dard b Hr Lamhy Hr Pal Mery Sath hota hai !

Tumhar Sath Jo Kuch Pal Bitaye Thai

Wo Batai Lafz Ba Lafz Aaj B Yad Hai mUjh Ko

Btao Tm SUljaha Pao Ge Ye Pehli ?

Ye Kiya Tumhary Ankhon Mai Ansun Q ?

Mera Dard Tum B Seh Nhi Pai?

Tumhai B Ek Dard Utha Hai Mera Dard Sun Kar

Tumhay Shayad Wo Wada Yad Nhi Jana

Tmhary Ansun Mery Dard Ko OR Bhara Daingy

Mujhy Kamzor Kr Dain gy

Per Mujhy Aysa Khu laga Hai Tum Majbor Ho Shayad

Ya Phir Tum Mai Aana e Pehlgi E Meri Nay Ghair Rakha Hai

Paihal Krna B Ho tu Pehli Paihlgi Mai KrLn

Chalo Ab Batao Kiya Ab Meri Pehli Ko Suljha Pao Ge?

Ajeeb Qurbat e Khon Dekha Hai Mai Nay KHAQI

Ynha Muhbat Mai Jaza Nhi Saza Milti Hai

Nhi KHAQi Wo Majbor Hai Shayad

Tum Shayad Nhi Sujha Pao Ya Shayad Suljha Pao

Neri Pehali Ya unh Knho Hamari Pehali.......

K hum tum bin adhoray hain...

Tumhain ik baat kehni hai ,magar naraz mat hona,

Ke tum jo har ghari mujh ko itna yaad aatay ho ,,

Hamehin itna statay ho ,,,,

Ke hum tum door hain dono,bohat majboor hain dono,

Na itna yaad aao tum , na yun itna satao tum,

Ke itna yaad aakar yun, hamain pagal bana ke tum,

Faqat itna bata do ke, hamari jaan lo ge kya ?

Magar ye bhi haqiqat hai, tumhari yaad hi to hai,

Jo har pal saath rehti hai ,

Khushi mein bhi ghamon mein bhi ,udasi ke palon mein bhi,

Tumhari yaad hi to hai,

Jo har pal ye batati hai ,mujhe ehsaas dilati hai,

KE HUM TUM BIN ADHURAY HAIN

Lumhay....

LUMHAY BOHAT HE NAYAB HOTAY HAY

kabhi muhabbat kay lumhay to kabhi judai kay lumhay

in lumho ka amna he muza hot ahy kabhi yeh lumhay

bohat payaray lugtay hay ***hi main in ka koi

sani nhe lakin yeh ***hi be aik mehmaan ki tera

hoti hay jo aatee hay aur chali jateee hay

kuchi main sub shreek hotay hay lakin gum main koi

be shreek nhe hota siway us kay jo bohat apna hoo

lakin wo apna be ***h naseeb logo ko milta hain

kabhi bicherty hoy lumho ko dekha hay ?

kitna ajeeb dhashat zuda munzar hota hay in lumho main

aansoo chumak uthtay hain aur is bichertay hoy pal

main sirf aur sirf gum he miltay hay jo ***hi kay chulay

jany ka ahysaas dilatay hain

gum ka ihsaas sirf shynai main hota hay

raat ki tunhai main hota hay

jub aankhoo say aansoo oo ki burast hoti hay

jin per kisi ka ikhtayar nhe hota

yeh aansoo kuchi main be nikal perty hay lakin

in ka be apna he rung hota hay

:LUMHAY YAADOO KO YAADGAR BUNA DAYTAY HAIN:

Adhuri Aas Chor K...

Adhuri Aas Chor K,

Jo Roz Yunhi Jao Ge,

To Kiss Tarha Nibhao Ge,

K Zindgi Ki Raah Main,

Jawan Dilon Ki Chaah Mai,

Kayee Muqam Ayein Ge,

Jo Hum Ko Azmayein Ge,

Bura Na Mano Baat Ka,

Ye Pyar Hai Gila Nahi,

Abi Na Jao Chor Ker,

K Dil Abi Bhara Nhi...

Jawab...

Sitare jhilmila Uthay,

Chiragh jagmaga Uthay,

Bus Aub Na MujhKo Tokna,

Na Barrh K Raah Rokna,

Ager Main Ruk Gayeen Abi,

To ja Na Paon Gi Kabi,

Yahi Kaho Ge Tum Sada,

K Dil Abi Nahi Bhara,

Jo Khatm Ho Kisi Jaga,

Ye Aisa Silsila Nahi.

Abi Na Jao Chor Ker...

Abi Na Jao Chor Ker,

K Dil Abi Bhara Nahi,

Abi Abi To Aaye Ho,

Bahaar Ban K Chaye Ho,

Hawa Zara Mehak To Le,

Nazar Zara Sambhal To Le,

Mai Thori Dair ji To Loon,

Nashay K Gh0ont Pi To Loon,

Abi To Kuch Kaha Nahi,

Abhi To Kuch Suna Nahi,

~*~Ajnabi~*~

Ajnabi si raahoN ka

Ajnabi musafir aik

Mujh say pooch betha hai

Raasta bata do gay?

Ajnabi si rahoN kay

Ajnabi musafir sunn

Rasta koi bhi ho

Wasta koi bhi ho

ManzileiN nahiN milteiN

ManzileiN to dhoka haiN

ManzileiN jo mil jaaiN

Justaju nahiN rehti

Zindagi ko jeenay ki

Aarzoo nahiN rehti

Abhi is taref nazer na ker

Abhi is taref nazer na ker main

gazal ki palke sabhaal loon,

Mera lafz lafz ho aina, tujhe aine

main utaar loon.

Mai tamaam din ka thaka hua,

Tu tamaam shab ka jaga hua

Jara thaher ja isi mor per, tere

saath shaam guzaar loon.

Ager aasman ki numaish main

Mujhe bhi izne kayaam ho

To main motion ki dukaan se

Teri Baaliyan tere haar loon.

Kai ajnabi teri raah ke mere paas

se yu guzer gaye

Jineh dekh ker ye taref hui tera

Naam leker pukar loon.

Kabhee tum mujhko bhula na daina

rafaqaton ki haseen rut man,

muhabbaton k gulab saray

wafa ki dori say bandh rakhna ,

k raston man bikher na jain

k aik rastay k do musafir,

khayal rakhna bicher na jain

ye jhilmilatay say chand taray,

ye muskuratay say phool saray

Neelgoun say ye rang.e.fitrat,

shafaq ki lali subah ka aanchal

gulabi moasam ye urtay badal,

gawah hen meri muhabbaton k

faqat hay itna hee tum say kehna,

mujhay wafa ki saza na daina

k yad rakhna hamesha mujh ko,

kabhee tum mujhko bhula na daina

Zaroori nahi....

Bholay rustoon pe jana zarori nhi

Ab usay azmana zarori nhi

Ek ishara he kaafi hy us ne kaha

Dastanein sunana zarori nhi

Usne mujh se kaha , muskrate hove

Har jagah muskrana zarori nhi

Jab sitara , sitaroon k jhurmat mein ho

Phir lab-e-baam jana zarori nhi

SAAD , wehmoon mein ghir jaye koi agar

Usko wapus bulana zarori nhi

Mohabbat siraf zindgi hay.

Issay Tum Zindagii Jano,

Tumhain WO Rog Kahta Ho,

Kay Jis Nay Khud Hi Chahat Say Tumhara Haath Thama Ho,

Wo Apnay Dil Kay Darwaze,

Tum Hi Per Band Kar Day To Mohabbat Mar Bhi Sakti Hai,

Tumhain Sangsar Kar Nay KO Jo Sang Bantay Loogon Mein,

Saba KO Roknay KO Qafal Dalay Dareechon Mein,

Kar Kay Band Ghar Kay,

Saans Per Pehray Lagay To…,

Mohabbat Mar Bhi Sakti Hai,

Ye Kis Nay Kah Diya Tum Say,

Mohabbat sirf zindgi hay.

Meri zindagi hay WO.....

MuJhe LaGta Hai AiSa KaBhi KaBhi

JaiSe Woh AjNaBi LaDki

MuJh Se PYaaR KaRti Hai

MuJhe ChaHti Hai

AkSaR YuNhi ChuP ChuP KaR

DeKhTi Hai, JaNe Kia SooCh KaR

NazReiN ChuRa JaTi Hai

KuCh GhaBRa Si JaTi Hai

ApNe AaNcHal Ko HaWaooN Ke ZooR PaR LehRaTi Hai

MehSooS MuJhe Yeh HoTa Hai Ke

ShaYaD MuJhe Woh Bahut ChaHti Hai

Mujhe AiSa EhSaaS DiLaTi Hai JaiSe

Woh MuJh Se KuCh KehNa ChaHti Hai

MeRe PooChNe PaR KuCh ShaRMa Si JaTi Hai

KuCh GhaBRa Si JaTi Hai

SuNiYe Keh KaR BhaaG JaTi Hai

AjNaBi LaDki ShaYaD PYaaR KaRti Hai MuJh Se

AiSa MehSooS Hota Hai JaNe KYuN MuJhe

Dil Bhi KitNa PaGal Hai

Kia Kia SoChta RehTa Hai

KuCh MaSooM Se JazBeiN HaiN

KuCh UnDekhe SaPNe HaiN

MaGeR Woh Nahi JanTi ShaYaD

MeRi ZinDaGi Hai Woh

Tum dil ki batain kia samjho...

tum dil ki batin kiya samjho

tum dil ka lagana kiya jano

tum aag lagana seekh gaye

tum aag bujhana kiya jano

ik baar agar tum roth gaye

hum tum ko mana hi lein ge magar

ik baar agar hum roth gaye

tum hum ko manana kiya jano

kuch sath chale phir chor gaye

wada ju kiya wo toor gaye

sathi tu banate rahte ho

tum sath nibhana kiya jano

jab piyar ki baat adhuri ho

jab piyar ki baat adhuri ho

jab beech main thori doori ho

jab milna bohat zaroori ho

per milne main kuch majboori ho

tum dil main yaad jaga lena

kuch piyar k deep jala lena

jab mujh se milne aa na sako

aur yaad se bahir ja na sako

thora dil ko tum samjha lena

bus yaad se dil behla lena

Nibhana kis ko aata hai

Nibhana kis ko aata hai

woh mehfilon ki jaan hai dunya ke waaste

mughe se wahan mila tha jahan koi bhi na mila

meri dunya mein kisi roz sawera hota

tu kisi roop mein aata aur mera hota

gham jo mile the hum ko hamara naseeb tha

dunya ne un ko aur bhi nasoor ker diya

rafta rafta zeest humein le aae aise dora hai par

yaad rakha dunya dari ko aur mohabbat bhool gaye

ghairon se alt-fat pe toka to yun kaha

dunya mein baat bhi na karien kiya kisi se hum

kuch aur ker lo humein gawara ke doston

hum jaise log phir kahan dunya mein aaenge

mil na saka ager dil ko pyarr tumhara

aana pare ga mughe ko dunya mein dobara

yeh dunya hai jahan baatein banana sab ko aata hai

hazaroon pyarr kerte hain nibhana kis ko aata hai

Agar wo pyar kar leta...

Mera daman pakar leta

To

Jeevan mei faqat us se

Muhabbat farz ho jati..

Muhabbat qarz ho jati..

Magar

Acha kiya usne

Mujhe samjha k chal nikla

Mujhe thukra k chal nikla

Bht nadan sa hai wo

Abhi anjan sa hai wo

Kahan maloom hai usko

Muhabbat zindagi mei bas

faqat ik bar milti hai

Shabnami Sitaroon Per Phool Khilne Lagte hain
Chand Muskurate hain Ab Bhi Teri Aahat Per

Yeh aarzoo thi...

Yeh aarzoo thi ke haskar koi mila hota

Kahin to humse kisi ka dil aashna hota

Kisi ne bhi to na dekha nigaah bharke mujhe

Gaya phir aaj ka din bhi udaas karke mujhe

Saba bhi laayi na koi payaam apno ka

Suna rahi hai fasaane idhar udhar ke mujhe

Voh dard hai ke jisse seh sakoon na keh paaoon

Milega chain to ab jaan se guzarke mujhe

Gaya phir aaj ka din bhi udaas karke mujhe

Abhi soraj nahi doba....

Abhi soraj nahi doba zara se sham hony do

Main khud hi lot jao ga mujhy Nakaam hony do

Mujhy badnaam kerny ky bahane dhondty ho Q?

Main khud ho jaon ga badnaam pehly naam hony do

Abhi mujh ko nahi karna hai atraf-e-shikast

Main sub tasleem kerloon ga yah charcha aam hony do

Meri hasti nahi anmol phir bhi bik nahi sakta

Wafaain baich lena per zara nelam hony do

Naye aghaz main hi hosla kion tor baythay hoo

Jeet jao gey tum sub,zara anjaam hony doooo

Main teri ankhon se nahi...

Main teri ankhon se nahi

In may doob janey se darti hoon

Main teri muhabat se nahi

Teri intaha se darti hoon

Main raat ki tareeqi se nahi

Is tareeqi main basi apni tanhaiee se darti hoon

Mujhe bohat chahat hai tujhe paney ki

Liken tere door janey se darti hoon

Mujhe Acha Sa Lagta Hai...

Mujhe acha sa lagta hai

Bohat acha sa lagta hai

Tumhien ko dekhte rehna

Tumhien ko chahte rehna

Tumhien ko soochte rehna

Tumhien ko sunte rehna

Mujhay acha sa lagta hai

Bohat acha sa lagta hai

Bohat gehray khayaloon mein

Jawaboon main sawaloon mein

Mobhabbat kai havaloon mein

Tumhara naam aaaa jana

Mujhay acha sa lagta hai

Bohat acha sa lagta hai

Tumhary sung sung chalna

Wafa ki agg mein jalna

Tumhein naraz kar dena

Kabhi khud rooth bhi jana

Mujhay acha sa lagta hai

Bohat acha sa lagta hai

Kabhi iqrar kar lena

Kabhi inkar kar dena

Kabhi aankhon se kuch kehna

Kabhi keh kar mukar jana

Mujhay acha sa lagta hai

Bohat acha sa lagta hai

“Her Koi Dil Ki Hatheli Pey hAi Sehra Rakhey

Her Koi Dil Ki Hatheli Pey hAi Sehra Rakhey

Kis KO Sairaab Karay Wo Kis Ko piyasa Rakhey

Umer Bher Kon Nibhata Hay Ta’aluQ Itna

Aay Meri Jaan K Dushman Tujhay Aallah Rakhey

Hum Ko Achcha Nahe Lagta Koi Hum Naam Tera

Koi Tujh Sa Ho To Phir Naam Bhe Tujh Sa Rakhey

Dil Bhe Pagal Hai k Us Shaks Sey Vabasta Hai

Jo Kisi Or Ka Honay Dey Na Apna Rakhey

Ye Qanaat Hay,Aataaet Hay,K Chahat Hay Faraaz

Hum To Razi Hain Wo Jis Haal Main Ho Jaysa Rakhy

“Her Koi Dil Ki Hatheli Pey hAi Sehra Rakhey"

Abhi kuch dair baqi hai…!!

Abhi kuch dair baqi hai…!!

Khizan k beet janay main,

Guloun k Muskuranay main,

Khushi k geet ganay mein,

Baharon k zamanay main,

Abhi kuch dair baqi hai..!

Main tum ko bhool jaonga..!

Na tum ko Yaad aaonga..!

Main tum se dour reh k bhi,

Tumhain jee ker dikhaonga..!

Tumhain maloom hay laikin,

Yeh sub main kar na paaonga,

K tum ko bhool janay main,

Abhi kuch dair baqi hay..!

Yon Jazb Kar Liya Hay Tujhay....

Yon Jazb Kar Liya Hay Tujhay Roh Main Keh Ab

Aye Dost Tujh Ko Paanay Ki Hasrat Nahi Rahi

Tujh Ko Paanay Ki Tamanah Tu Mita Di Main Nay

Dil Say Lakin Teray Deedar Ki Hasrat Nahi Gaii

Hasrat Main Aa Gia Hoon Chaman Mian Ye Soch Kar

Shayed Yaha Khaloos Ki Koii Kali Milay Yaaro

Wo Khushyan, Wo Tabasum, Wo Kehqahay Na Rahay

Har Ak Cheez Ko Hasrat Say Dekhti Ho Tum

Sab Kay Dilo Main Hasraton Kay Rang Tu Moujood Hain

Aye Khailay Ham Tum Holi Ak Bana Kay Daira Jaanam

Nakaam Hasraton Kay Siwa Kuch Nahi Raha

Dunya Main Ab Dukho Kay Siwa Kuch Nahi Raha

Suno...

Suno...

tum to azm walay ho

bala ka zabt rakhtay ho

tumhai kuch bhi nahi hoga

magar dekho;

jisay tum choray jatay ho

usay to theek say shayad

bicharna bhi nahi ata

suno...

tum to azm walay ho

usay mat chor k jana.

Yeh zindagi bari ajeeb si...

Yeh zindagi bari ajeeb si

Kabhi gulzar si kabhi bezar si

Kabhi khushi hamare sath sath

Kabhi ghamon ki barsat si

Yeh zindagi bari ajeeb si

Kabhi tofanon main bhi hain raste

Kabhi manzilon ka pata nahi

Kabhi do kadam pe zindagi

Kabhi saddion tak intizar si

Yeh zindagi bari ajeeb si

Kabhi her pal imtihan hai

Kabhi bin mange inam hai

Kabhi kuch nahi

Kabhi sab kuch si

Yeh zindagi bari ajeeb si

Kabhi gulzar si kabhi bezar si

Yeh pal pal ka chalna....

Yeh pal pal ka chalna,

fasila khatam na karega,

Tum kitna bhi chaho,

tumhe woh kal na milega!

Yeh koi gaata hai,

ya namaaz padta hai,

Tum kitna bhi chaho,

tumhe alag khuda na milega!

Yeh guzarti hui raat hai,

ya nikalti hui sehar,

Tum kitna bhi chaho,

tumhe humsafar na milega!

Yeh Baarish ki boondein hain,

ya aankhon ke aansoon,

Tum kitna bhi chaho,

inhe thaamne wala na milega!

Yeh dil ke tukde hain,

ya aap ki yaadein,

Tum kitna bhi chaho,

tumhe marham na milega!

Yeh dil mein armaan hain,

ya sulagte hue sholey,

Tum kitna bhi chaho,

tumhe sehra mein paani na milega!

Yeh kaisi uljhan ban gayee hai,

dil ki dhadkan,

Tum kitna bhi chaho,

tumhe sukoon na milega!

Uss Ney Poocha

Uss Ney Poocha

"Ankhein Kaisey Beeghi Hein

Roi Roi Lagti Ho"

Mein Ney Uss K Samney Ankhein Poonchin

Palkoon K Geeley Farsh Saaf Kiye

Hans K Boli

Ankh Mein, Meri Hi Palkoon Ka Baal A Gya Tha

Ankhein Geeli Kar K Iss Ko Nikaala Hay

Dard Bari Hi Shidat Par Tha

Aur Abb ...... Abb Mein Theek Hoon

...... Roi Nahin Hoon

Kiya Khabar Thi ...

Kiya Khabar Thi Is Tarah Se Wo Juda Ho Jayega

Khawab Mein Bhi Uska Milna Haadsa Ho Jayega

Zindagi Ki Qaid-e-Gham Se Kiya Nikalogay Usey

Maut Jab Aa Jaayegi To Khud Raha Ho Jayega

Dost Bankar Usko Chaha Ye Kabhi Socha Na Tha

Dosti Hi Dosti Mein Wo Sanam Ho Jayega

Uska Parda Hoga Kiya Jiska Ke Parda ” Noor ” Hai

Jo Bhi Usko Dekh Lega Wo Fida Ho Jayega

Aaj dil dukha hai...

Aaj dil dukha hai,

Tum yaad aaye

Anjaane log hai,

aapne kahaan dhoond paaye

Jaage hain, soye nahi

Aisi hai meri yeh bechaini

Din bhi wohi, raatein wohi

Saanson mein saansein hain nahi

Shaamein ab dhalti nahi

Aanchal joh tera simaat jaaye

Aap yahaan hamesha raahein

Doori rahe na ho faasile

ab aagar tum mile toh

Itna yakeen hai

Hasss deinge hum toh

Roona nahi hai

Kaha Dil, ney zara tehro...

Kaha Dil, ney zara tehro

key aise he koi sa'aat, hamarey dar per tehri thee

to hum ney bheer sey ik qaaafley ka roop dhara tha

chalo phir laut ker deikhein

woh khushbo sey bhara raasta

jo manzil ki nishane tha

yeh jo uljhan bharey manzer hamarey saath chaltey hein

kahan key hein ... ?

woh kaisa mour tha jis per

hamare rehguzer key hashiyoon per dhund utri thee!

yeh jo charoon taraf pag-dandiyoon ka jaal pheila hey

kahan bunyaad hey is ki?

woh jo nisf safer mein khawaab key tukrey huey, is mein

hamare kaj rawe kia thee, aadoo ka haath kitna tha?

safer ki ibtiidaa mein qatel they

jinhoon ney adel key tukrey kiye aur aashtee ka khoon bahaya tha!

aur un key baad jo aye woh kitney bad iradah they!!

mein jab is khooj mein nikla

key merat muhsinoon key khuwaab ka khushbo bhara raasta

kahan khooya!

to aisa tha key rastey mein, mein jis bhe mour per tehra

wahan ik dard ka darya muqabil tha

nidamet ke ghutan her ik qadem per saath thee meray

so, mein is khuwaab key senay sey lag ker

deir tak rooya,

bohat rooya.

chandni raat k hathon pay sawar utri hai

chandni raat k hathon pay sawar utri hai

koi khushboo meri delhiz k paar utri hai

is main kuch rang bhi hain khuwab bhi mehkar bhi hai

jhilmilati hui khawish bhi inkaar bhi hai

isi khushboo main kayi dard bhi afsanay bhi

isi khushboo nay banaye kayi dewanay bhi

meray anchal pay umeedon ki qitar utri hai

koi khushboo meri delhiz k paar utri hai

isi khushboo say kisi yaad k der khultay hain

meray pairon say jo liptay to safar khultay hain

yahi khushboo jo mujhey ghar say utha layi thi

ab kisi tor palat ker nahi janay deti

meri delhiz bulati hai mujhey loot aao

yahi khushboo mujhey wapis nahi aanay deti

ranj or dard main doobi bahar utri hai

koi khushboo meri delhiz k paar utri hai

Kaash! Mujhe Bhi Baatein Aati???

Mujh Ko Baatein Kab Aati Hain ?

Main To Bus Khamosh Sa Shaayer

Ulfat Chahat Ke Rango Se

Dil Ki Khali Tasveero Mein

Koi Mohabbat Likh Deta Hoon …

Aur Kabhi Deewar Se Lagkar

Koi Mohabbat Ro Deta Hoon …

Aur Kabhi Aankho Aankho Mein

Saari Baatein Keh Jata Hoon ….

Main To Ek Khamosh Sa Shaayer

Mujhko Baatein Kab Aati Hain ???

Mujh Ko Baatein Gar Aati To

Tum Kiya Mujh Ko Chhor Kar Jaati ???

Mere Sapne Tod Kar Jaati ???

Kiya Meri Aankho Mein Dukh Ke

Itne Aansoo Dekh Sakti Thi ???

Mera Kul Sarmaya Tha Jo

Kiya Mujhse Woh Le Sakti Thi ???

Mujh Ko Baatein Gar Aati To

Main Bhi Tumse Woh Sab Kehta

Jo Tum Sunne Ki Khwahish Mein

Saare Raaste Bhool Aayi Ho

Saare Rishte Bhool Aayi Ho

Main Thera Khamosh Sa Shaayer

Mujh Ko Baatein Gar Aati To

Tum Bhi Mere Khwab Sajaati

Yoon Na Tanha Chhor Kar Jaati

Kaash ! Mujhe Bhi Baatein Aati ..

Main Thera Khamosh Sa Shaayer

Kaash! Mujhe Bhi Baatein Aati???

meri dua hai ...

meri dua hai

naya baras ho tumharay jaisa

na dil kisi ka dukhanay wala

muhabbaton ka rafaqaton ka

charagh her su jalanay wala

jahan main koi nahi hai jin ka

unhain galay se laganay wala

ujaar ankhon ko zindagi ka

dobara sapna dikhanay wala

udas logon k angano main

khushi ki bailain uganay wala

faqat muhabbat, faqat muhabbat

faqat muhabbat sikhanay wala...

Jo chala gaya mujhay chor kar

Jo chala gaya mujhay chor kar

main kabhi na usko bhula saka

wohi duriyaan wohi faslay

main kabhi na unko mita saka

kiya usay bhi mujh say pyaar tha

ya shayad usay shaoor tha

wo koi ajeeb sawal tha

jo mere samjh main na a saka

mere zindagi ka sakoon tha wo

meray dil ka aik junoon tha wo

yahi sochta tha main rat bhar

yahi baat na main us ko bata saka

jo kabhi milay ga bahir to

karoo ga main us say shikayataain

wo mila to main lab na hila saka

main kabhi na usko bhula saka

Kahan milogay tum...

Batao aaj kahan milogay tum....

Tumhain ik phool dena hai

Tum se ik ehad lena hai,

Tumhain emaan kehna hai,

Tumhain dil, dharkan, jaan kehna hai...

Jo juda karne ki hain sazishe,

Unhen bejaan kehna hai..

Haan tumse bohat kuch kehna hai..

Batao!

Kya mohabbat main ik phool kafi hoga..

Ya phir tum chand mango gay,

Ya meri jaan mango gay,

KYa hamesha ka tum sath mango gay...

Batao!

Kahan milogay tum...

Tumhain ik phool dena hai...!!!

kabhi mujhko manao tum..

kabhi mujhko manao tum

mein tumse rooth gar jaoon

to mere paas ao tum

mere chehrai ko dekho yun

jaisai kuch kho gaya tumse

meri ankhoon mein dekho yun

jaisai kuch jaan na chahoo

mere hathoon mein ai hum dam

tum apna naam likh jao

yunhi bekhayali mein

mujhe hairaan kar jao

kabhi uljhi latoon ko tum

barai hi pyar sai suljhao

kabhi bikhri si zulfoon se

shararat yunhi kar jao

mein jo khafa si ho jaoon

furan masoom ban jao

yunhi benaam si baatoon sai

mere dil ko behlao tum

kabhi ansoo jo beh jain

to tum bechain ho jao

kabhi ashkhoon ko mere tum

apnai naam kar jao

kabhi haulai sai keh jao

roti tum achi nahi lagti

phir aglai pal shararat sai

mujhe dekho aur keh jao

mujhe roothi roothi si ai janam

bauhat achi tum lagti ho

yunhi pal bhar mein ai janaan

mujhe hairaan kar jao

kabhi jo dil zara samlai

tumhein har pal mein sochoon mein

kabhi khud sai hi muskaon

kabhi naraz ho jaoon

tumharai aks sai ai hum dam

mein har ek baat keh jaoon

apni sansain bhi ab to mein

tumharai naam kar jaoon

yunhi lamhoon mein roothoon mein

yunhi mujh ko manao tum

yunhi mohabbat mein beetain din

yunhi mujh mein samao tum

mein tumse rooth gar jaoon

to mere paas ao tum

December jab bhi ata hai...

December jab bhi ata hai

wo pagli

Phir se..

beetay mausam ko

yaad karti hai

purana card parhti hai

kay jis main us nay likha tha

main loton ga december main

naye kaprey banati hai

wo sara ghar sajati hai

December kay har aik aik din ko

wo gin gin kar batati hai

Joon hi 15 guzarti hai

woh kuch kuch toot jati hai

Magar phir bhi

Purani albums ko khol kar

Maazi bhulati hai..!!

Nahi maloom yeh us ko

Kay beetay waqt ki khushian

Bohat takleef deti hain

Mehaiz dil ko jalati hain

Yunhi din beet jatey hain

December lot jata hai

Magar woh khush feham larki

Dobara say calendar main

December k mahinay k safey ko

Mor kar

Phir se..

December ki sehar main

Doob jati hai

Kay akhir us nay likha tha

"MAIN LOTON GA DECEMBER MAIN"

Tum yaad aaye !!--

Phir saawan rutt ki pawan chali -- tum yaad aaye

Tum yaad aaye

Phir saawan rutt ki pawan chali -- tum yaad aaye

Tum yaad aaye

Phir paaton ki paazaid baji

Phir paaton ki paazaid baji

Tum yaad aaye

Tum yaad aaye

Phir boondain bolin ghaans kay harray samandar may

Phir boondain bolin ghaans kay harray samandar may

Rutt aayi peelay phoolon ki

Rutt aayi peelay phoolon ki

Rutt aayi peelay phoolon ki

Rutt aayi peelay phoolon ki

Tum yaad aaye

Tum yaad aaye

Phir saawan rutt ki pawan chali -- tum yaad aaye

Tum yaad aaye

Phir kaaga bola ghar kay soonay aangan may

Phir kaaga bola ghar kay soonay aangan may

Phir amrit rass ki boondh padi

Phir amrit rass ki boondh padi

Phir amrit rass ki boondh padi

Phir amrit rass ki boondh padi

Tum yaad aaye

Tum yaad aaye

Phir saawan rutt ki pawan chali

Phir saawan rutt ki pawan chali -- tum yaad aaye

Tum yaad aaye

Phir paaton ki paazaid baji

Phir paaton ki paazaid baji

Tum yaad aaye

Tum yaad aaye

Sham-e-firaq ab na pooch

Sham-e-firaq ab na pooch

aayi aur aake dhal gayi

Dil tha ki phir behal gaya

jaan thi ki phir sambhal gayi

Buzm-e-khayal me

tere husn ki shamma jal gayi

Dard ka chand bujh gaya

hijar ki raat dhal gayi

Jub tujhe yaad kar liya

subha mehak mehak uthi

Jub tera gham jaga liya

raat machal machal gayi

Dilse to har mamla

kar ke chale the saf hum

kehne me unke samne

baat badal-badal gayi

Bas Eik lamhay ka jhagra tha

Bas Eik lamhay ka jhagra tha

Dar O deewar pe aisay chnaky se giri awaaz

jaisay kaanch girta hai

Her eik shay mein thi urrti hoi jalti hoi kirchain

Nazer mein baat mein lehjay mein soch or sans k ander

Laho hona tha eik rishtay ka

so woh ho gaya us din

Ushi awaaz k tukray utha ker farash se

kisi ne kaat daali nabz

Na ki awaaz k koi jaag na jaye

Bas eik lamhay ka jhagra tha. . .

Dard kuch dair hi rEhta hai. . .

Dard kuch dair hi rEhta hai. . .

bUhat dair nahi !

Jiss terhan shakh se touray hoye eik patay ka rang

mand parr jata hai

kuch rooz alag shakh se reh ker

shakh se toot ker yeh dard jeeye ga kab tak?

khtam ho jaye gi jab iss ki rasad

Timtimaye ga zara dair ko bujhtay bujhtay

Or phir lambi c eik saans dhuain ki lay ker

khtam ho jaye ga yeh dard bhi bujh jaye ga

Dard kuch dair hi rehta hai buhat dair nahi. . .

Woh pagli si deewani si....

woh pagli si deewani si

kuch khoi si anjaani si

khud sai woh baatain karti hi

khud sai woh uljhi rehti hai

kabhi khawaboon ko woh bunti hai

khayaloon mein doobi rehti hai

kabhi chand ko banati hai humraz

kabhi kirnoon kai sang jagti hai

hathoon ki lakeeron ko aksar

janai kyon takti rehti hai

woh kis ko khoojti rehti hai

woh khabti si deewani si

kuch nadaan si kuch sehmi si

rangoon kai sang woh chalti hai

kehti hai khushboo naam mera

woh andheroon sai nahi darti hai

kabhi khawaish sai kabhi armaan sai

har lamha raushan karti hai

woh komal si woh kamsin si

ankhoon main dheroon khawab liyai

palkoon mein tumhein sajati hai

rahoon mein tumharai bethi woh

kitnai hi pal beetati hai

kabhi aas kai lamhoon mein jeeti

woh khawaboon ko mehkati hai

kabhi wafa ki shama raushan kiyai

tumharai naam ka diya jalati hai

woh pagli si deewani si

kuch khabti si anjaani si

apni hi baatain sochai jo

khud aap hi aap muskaati hai

dil ki dharkan jo sun lai to

khud hi woh Sharma si jaati hai

woh kehti kuch nahi lekin

ankhoon sai sab kehjaati hai

woh pagli si deewani si

jo tumhein sochti hai har dam

tumhein panai ki duain karti hai

woh khoi si anjaani si

tumse mohabbat karti hai...

Man-Gharat Kahani...

uss man gharhat kahani ka ik baab bohot hi achha tha,

kahani thi ya afsana tha pr unwaan bohot hi achha tha,

her ik lafz ko parha main ne barey hi armanoon se,

khoon-e-dil ki sayyahi se likhha pyaar ka

wo iqraar bohot hi achha tha,

janey wala chala gya mera dil ussi k saath gya,

pr jatey howey uss ka wo aakhri slam bohot hi achha tha,

laal gulabi chehrey pr achha sa ik chashma tha,

main her ik se kehta hoon mera dildaar bohot hi achha tha,

main pagal dewana hoon pagal hi naam mera,

uss k liyey mera yeh naam bohot hi achha tha

meri tehreer k ansu...

suna ho ga bohat tum ne.

kaheen ankho ki rim jhim.

kaheen palkon ki shabnam.

parha ho ga bohat tum ne.

kaheen lehjey ki barish.

kaheen sagar k ansu.

magar tum ne kabhi humdum.

kaheen dekhey? kaheen parkhey?

kisi tehreer k ansu.

mujhe teri judai ne.

yehe mehraj bakhshi hai.

k main jo lafz likhta hon.

wo sarey lafz rotey hain.

k main jo hurf bunta hon.

wo sarey ben kartey hain.

mere sang iss judai main.

mere alfaz rotey hain.

subhe tahreef kartey hain.

meri tehreer ki lakin.

kabhi koi nahi sunta.

mere alfaz ki saski.

falak b jo hila daley.

mere lafzon main hain shamil.

ussi taseer k ansu.

kabhi dekho mere humdum.

meri tehreer k ansu.

Abhi wo dard baqi hai ...

Abhi wo dard baqi hai

Agarcha waqt marham hai

Magar kuch waqt lagta hai

Kisi ko bhool janay main

Dobara dil laganay main

Abhi kuch waqt lagna hai

Abhi wo dard Baqi hai

Main kaisay nai Ulfat main

Apni Zaat gum kar don

Keh mayray jism-o-wajdaa.n main

Abhi wo fard baqi hai

Abhi uss shakhs ki mujh pay

Nigah-e-sard baqi hai

Abhi tu ishq kay rastoo.n ki

Mujh pay gard baqi hai

Abhi wo dard baqi hai ...

ab meray, sirf meray ho k raho...

apni khaatir jagay ho, soay ho,

apni khaatir hansay ho, roay ho,

kis liyay aaj khoay khoay ho?

tum nain aansoo bahoot piyay apnay,

tum bahoot saal reh liyay apnay,

ab meray, sirf meray ho k raho,

tum azzal say dukhoon k dairay ho,

jub say paida hoay ho, mairay ho,

aaj kholain gay lub siyyay apnay,

tum bahoot saal reh liyay apnay,

ab meray, sirf meray ho k raho,

ab mujhay apnay dard sehnay do,

dil ki har baat dil say kehnay do,

meri bahoon mein khud ko behnay do,

muddatoon zakham khud siyay apnay,

tum bahoot saal reh liyay apnay,

ab meray, sirf meray ho k raho,

husn hi husn ho, zahanat ho,

ishq hoon main, to tum mohabbat ho,

tum meri, bus meri amanat ho,

gee liyay jiss qaddar jiyay apnay,

tum bahoot saal reh liyay apnay,

ab meray, sirf meray ho k raho...

Kaho wo dasht kaisa tha?

kaho wo dasht kaisa tha?

jidher ankhein ganwaa ayee

kaha' sailab jaisa tha

'bohat chaha k bach niklien

magar sub kuch baha ayee

kaho wo hijar kaisa tha ?

kaha bas aag jaisa tha'

usay choo ker to

apni rooh yeh tan-man jala ayee

kaho ' wo wasl kaisa tha?

tum nay jab choo liya use tou

kya ehasas jaaga tha?

kaha ' aik rastay jasay jidhar say

bas guzarna tha makan lakin bana ayee

kahoo ' wo chand kaisa tha?

falak say jo utar aya

tumhari ankh mai busnay?

kaha 'wo khawab jaisa tha

nahi tabeer thi uski,

usay aik shab sula ayee

kahoo ' wo ishq kaisa tha

bina sochay bina samjhay

bina parkhay kia tum nay?

kaha' title k rung jaisa

"bohat dilkash magar kaccha"

jabhi us ko bhula ayee

kaho' wo naam kaisa tha?

jise sehraoon aur chunchal

hawaoon par likkha tum nay?

kaha' bas mausamo jaisa najanay

kis tarhan kis pal kis row may

mita ayee...!!!

Ager Ham Dost Hotay Tu

Ager Ham Dost Hotay Tu

Karam Ke Intaha Kartay

Tumhay Palkoon Pay Rakhtay

Tumhay Dil Main Basatay Ham

Ager Tum Routh Jatay Tu

Tumhay Kitna Manatay Ham

Ager Milnay Tum Na Aatay Tu

Aa Kar Khud Tumhay Miltay

Tumharay Lagzishoon Ko Bhi

Hansi Main Ham Ura Detay

Ager Apni Khata Hoti

Khud Ko Bhi Saza Detay

Mager Yeh Sab Jab He Tha

Ager Ham Dost Hotay

Mager Itna He Jana Hay

Keh Tum Nay Aaj Tak Ham Ko

Paraya Keh Kar Jana Hai

Kabhi Hamdam Na Mana Hai

Ager Ham Dost Hotay Tu

ai sathi kya kahoon tum sai

ai sathi kya kahoon tum sai

mohabbat kis rang mein dhalti hai

meri churi ki khanak ban kar

meri dharkan mein basti hai

meri sansoon mein shamil hai

har ek ehsaas is ka yun

ye dil ban kar jaisai

seenai mein dharakti hai

meri kajal sai poocho to

mohabbat khawab ki surat

meri palkoon mein basti hai

meri ankhoon mein dekho to

mohabbat paighaam ki surat

dhanak rangoon mein khilti hai

meri muskaan jo dekho gai

mohabbat khushi ki manind

aap nai paas pao gai

meri hansi suno gai to

mohabbat shokhi bhi dhali

ek shararat si tumhein nazar ai gi

mohabbat kantoon par chal kar bhi

rahoon mein bichti hai

ai sathi kya kahoon tum sai

mohabbat khushboo ban kar

meri zaat mein mehakti hai

jhuki hein ab meri nazrein...

jhuki hein ab meri nazrein,

tumhe jo yaad kerti hein,

baharein laut lao gey,

kaho ik din tum aao gey.

woh sari teri perchaiyan,

tasawar ki woh tanhaiyan,

jo aankhon se barasti hein

kaho sab chor aao gey.

kaho ik din tum aao gey.

ye arzan hai khazan hum per,

pholon ka hai eeman tum per,

muhabat tor lao gey,

kaho ik din tum aao gey.

kyun nazrein teri piyasi hein,

kaho kis ki matlashi hein,

hakiqat ban ke aao gey,

khawabon ko tor jao gey.

kaho ik din tum aao gey.

kuchh din to baso merii aa.Nkho.n me.n

kuchh din to baso merii aa.Nkho.n me.n

phir Khvaab agar ho jaao to kyaa

koii rang to do mere chehare ko

phir zaKhm agar mahakaao to kyaa

ik aaiinaa thaa so TuuT gayaa

ab Khud se agar sharmaao to kyaa

mai.n tanahaa thaa mai.n tanahaa huu.N

tum aao to kyaa na aao to kyaa

jab ham hii na mahake phir saahib

tum baad-e-sabaa kahalaao to kyaa

jab dekhane vaalaa koii nahii.n

bujh jaao to kyaa jal jaao to kyaa

Kaheen mille to uss se kehna

kaheen mille to uss se kehna

k tanha saawan bita chuka hoon

mein sarre armaan jala chuka hoon

bharke the jo shillet khushion k

wo aansooon se bhujha huka hoon

kaheen mille to uss se kehna

k bagher uss k UDAAS hoon mein

badalti rutt ki kayas hoon mein

bhujha de apni muhabaton se

sulagti sadiyon ki pyas hoon mein

kaheen mille to uss se kehna

k jaaq daaman ko see raha hoon

bari hi mushkil se jee raha hoon

dia jo nafrat ka zehar uss ne

badal k AMRIT pee raha hoon

kaheen mille to uss se kehna

k wo jazbaat mere kuchal gayi hai

jafaoon k saanche mein dhal gayi hai

na badle the mausab b itni jaldi

k jitni jaldi wo badal gayi hai

kaheen mille to uss se kehna

k fazeel nafrat ko gara raha hoon

gaye dino ko bhula raha hoon

wo apne waadon se phir gayi hai

mein apne waade nibha raha hoon

kaheen mille to uss se kehna

k na dil mein koi malaal rakhe

humesha apna khayal rakhe

gham sarre somp de mujh ko

saari khushiyan sambhaal rakkhe...