rafaqaton ki haseen rut man,
muhabbaton k gulab saray
wafa ki dori say bandh rakhna ,
k raston man bikher na jain
k aik rastay k do musafir,
khayal rakhna bicher na jain
ye jhilmilatay say chand taray,
ye muskuratay say phool saray
Neelgoun say ye rang.e.fitrat,
shafaq ki lali subah ka aanchal
gulabi moasam ye urtay badal,
gawah hen meri muhabbaton k
faqat hay itna hee tum say kehna,
mujhay wafa ki saza na daina
k yad rakhna hamesha mujh ko,
kabhee tum mujhko bhula na daina
