Asaan lagta hai...

Mujhe ma’loom hai asaan lagta hai

tumheiN raahain badal lena

koi bhi moR muR jaana

kisi manzil ko tohkar maar kar waapis chale aana

ya manzil ko faqat ik junbish-e-lab se

buhat nazdeek le aana

mujhe maloom hai

buhat asaan hai tum ko palat jaana

merii tum be-bassi dekho

mujhe tum se mohabbat k siwaa kuch nahi aata

magar iss meiN bhi kab koi qareena seekh paai meiN

ye dekho aankh rona chahti hai

phir bhi banjar hai

ye dekho haath kitne sard hai mere

ye dekho dil ki dharkan kis tarah

tarteeb ho kar doobne ko hai

ye dekho mera aanchal haathoN se phissal kar urr geya kab se

ye dekho saans ki dorri bhi mujhse chuhtne ko hai

mere ehsaas ka resham ulajh kar tootne ko hai

mujhe to ye hunar bilkul nahi aata

k kaise apne zakhmoN ko chuhpaate heiN

ya kaisi roothi saansoN ka daaman

thaam kar waapis bulaate heiN

buhat be-khaawab aur weeran mosam meiN

khafa neendoN ko kya kah kar manaate heiN

mujhe ye hunar bilkul nahi aata

k kaise apne mar jaane pe nohey aap kartey heiN

yaa apne hi gale lag kar dilaasa kaisey dete heiN

phir apni hi laash ko kaese

kisi paayaab dariya…….

ya kisi adh-bujhi taaza chitaa meiN jhohnk dete heiN

ya phir aakaash ke neeche khula hi chohr dete heiN

mujhe to ye hunar bilkul nahi aata

ke kaise zard mousam meiN

kisi bhi sard aur be-dard mousam meiN

khushi ka aik bhi Ghuncha

bhala kaise khilaate heiN

ya kaisey aadhey rastey se gharoN ko louT jaate heiN

mujhe bilkul nahi aata

mujhe tum se mohabbat ke siwa

( magar wuh bhi kahaaN aai )

koi hunar bilkul nahi aata..!!~~♥♥...

Mohabbat Ke Mosam

Mohabbat Ke Mosam

Zamaane Ke Sab Mosamon Se Niraaley

Bahar-O-Khizaan In Ki Sab Se Judaa

Alag In Ka Sookha, Alag Hai Ghataa

Mohabbat Ke Khitte Ki Aab-O-Hawa

Mawra, In Anasir Se Jo

Mosamon Ke Taghaiyur Ki Bunyaad Hain

Yeh Zaman-O-Makaan Ke Kam-O-Besh Se

Aese Aazad Hain

Jese Subh-E-Azal

Jese Shaam-E-Fanaa

Shab-O-Roz-E-Aalam Ke Ahkaam Ko

Yeh Mohabbat Ke Mosam Nahi Maante!

Zindagi Ki Musafat Ke Anjaam Ko

Yeh Mohabbat Ke Mosam Nahi Maante!

Rifaaqat Ki Khushboo Se Khali Ho Jo

Yeh Koi Aesa Manzar Nahi Dekhte,

Wafa Ke Alawa Kisi Kaam Ko

Yeh Mohabbat Ke Mosam Nahi Maante!

mErY mEhboOb kahin aUr milA kAr mUjhsE. . . !!!

Aj tEry liyE Eik mazEEr E Ulfat hi sAhi. . .

tUjhkO isS vAAdi-E-rangEEn sE aQeeDat hi sAhi. . .

mErY mEhboOb kahin aUr milA kAr mUjhsE. . . !!!

bAzm-E-shahi mEin garEEbOn kA gUzar, kYa mAAni?

sAbt jiS rAAh pE hO satAvAt-E-shaaHi kE nishAAn. . .

uSs pE UlfAt bhAri roOho kA sAfAr kYa mAAni?

mErY mEhboOb pas-E-pArdE-E-tAsh hEEr-E-wafa. . .

toOnE satAvEt kE nishAnO kO toO dEkha hOta. . .

mUrda shahOn kE maQabir sE bEhalnE wAAlY. . .

ApnE tAArEk makanOn kO toO dEkha hOta. . .

AnginAt lOgOn nE dUniYa mEin mOhabbAt ki hAi. . .

kaUn kEhta hAi kE sAdiQ nA thEy jaZbE UnkE. . .

lEkin UnkE liyE tAsh hEEr ka sAmAAn nAhin. . .

kyOn K wOh lOg bhi Apni hi tArAh mUfliS thEY. . .

yEh imarat-O-maQabir, yEh fasEElE, yEh hisAAr. . .

mUtal-kUl-hUkm shEhEnshahOn ki aZmAt kE sUtoOn. . .

dAAman-E-dEhar pE Us rang ki gUlkari hAi. . .

jismE shAAmil hAi tErE aUr mErE ajDaaD kA khoOn. . .

mErY mEhboOb! UnhE bhi tOo mOhabbAt hOgi. . .

jinki sannai nE baQshi hAi isSe shAkl-E-jamEEl. . .

UnkE pyArrOn kE maQabir rahE bE-nAAm-O-namoOd. . .

AAj tAk Un pE Jalai na kiSi nE kindEEl. . .

yEh chamAnzAAr, yEh jamna kA kinArA, yEh mAhAl. . .

yEh mUnakkAsh dAr-O-dEEwar, yEh mEhrAAb, yEh tAAq. . .

Eik shEhEnshAh nE daUlat ka sahArA lEkar. . .

hUm gHarEEbOn kE mOhabbAt kA UdaYa hAi maZak. . .

mErY mEhboOb kahin aUr milA kAr mUjhsE. . . !!!

Ek Din Chaand Se Bicharna Hai

Ek Din Chaand Se Bicharna Hai

Aankh, Taqdeer Aur Ta’aluq Jo

Jaane Kis Doosre Ke Bas Mai Hain

Saanp Ban Ban Ke Daste Rehte Hain

Apni Saanson Mai Dobte Dil Ko

Chaand Jis Tarz Ka Musafir Hai

Hijr Hi Hai Ke Jo Paraao Mai Hai

Bas Judaai Ko Hai Thehr Jana

Hum To Shikwa Bhi Kar Nahi Sakte

Aur Tanhaaiyon Se Shikwa Kiya

Chaand Be-Chainiyon Ka Mosam Hai

Beet Jane Pe Bhi Hamesha Hi

Apne Aasaar Chor Jata Hai

Yeh Meri Aankh Ke Sulagte Hue

Zard-Ro Aeinon Ki Nam-Naaki

Sab Issi Dard Ki Nishaani Hai

Yeh Mera Be-Sabab Hi Khush Rehna

Sab Issi Gham Ki Azmaish Hai

Ek Khuwahish Hai Jis Ko Marna Hai

Ek Jeewan Jise Ujarna Hai

Ek Din Chaand Se Bicharna Hai

Kaha tha naa...? Humen aik khwab rehne do...

Kaha tha naa...? Humen aik khwab rehne do...

Bohat he shoq tha tum ko

Humara dil dukhane ka

Musalsal chott ki zad per

Humen taqseem karne ka

Humen mitti bana ker rait main

Tajseem karne ka...!

Chalo khush ho gaye na ab…?

Tumhen apna samajhne ki

Jo ghalti hum ne ki thi na...

Bohot hai ab.....

Bohot takleef di hai duniya walon ne

Bohot he chott khai hai zamane se...!

Magar hum bhi ajab thay na...?

Kisi k chain ki khatir

Sukoon apna luta bethe

Kisi ki khwahishon ko ahem hum ne

Itna jaana k

Ghuroor apna mita bethe

Bohot nadan thay na hum...?

Chalo achha howa khush-fehmion ka

Silsila toota,

Thakan jo hai guzarte waqt k sang

Dhal he jaye gi...

Magar hum bhi ajab thay na...?

K hum to waqt k sang

Toot jaate hain magar

Torra nahi kerte

K hum ne bad-dua dena nahi seekha

Dua ye hai k tera samna na ho

Kisi k saath bhi mujh sa bura na ho...!

Bohot masoom thay na hum...?

Kaha tha na...?

Humen aik khwab rehne do...!!!

Phir na dena sada humko…..

Phir na dena sada humko

phir na loat k aaiengey hum

phir na kehna bewfa humko

ye aur baat hey k ek baar nahi so baar

so bar nahi bar bar

tera naam lene se milti hey shafa humko

phir na dena sada humko

phir na loat k aaiengey hum

yeh waqt bhi bara zalim hey

na iss ke paas

dil hey

na aankh

na aansoo

na ehsaas

iss toofan main bikhar jaiengey hum

phir na sametna humko

Phir na dena sada humko…..

Roog...

Duniya ki lambi raahon par,

Hum youn to chalte jate hain,

Kuch aisay loog bi milte hain,

Jo yaad hamesha ate hain,

Wo raah badalte hain apni,

aur murr kar hath hilate hain,

Lekin dilon ki yaadon ko,

Khushboo ban kar mehkate hain,

Aisay hi safar karte karte,

Ek shakhs mila hum ko bi kahin,

Duniya mai achay loog bohat,

Lekin uski si baat nahi,

Thi laag na uskay bolon mai,

Ki baat na koi Lagawat ki,

Uskay Fiqray tootay tootay,

uski aankhain khoi khoi,

Keh kar hi na jaye jo hum chahain,

Socha hi kare bethe bethe,

Par dekhe aisay narmi se,

Ek baar to ho jaye dhoka,

Goo sath hamara khwaab raha,

Usko na hoi pehchan bohat,

Gar bhooj le dil ki baat kabhi,

Ho jata tha Hairaan bohat,

Aur hum uski Hairani par,

Sharminda ho kar reh jate,

Kuch aur hamara Matlab tha,

Phir dair talak usko samjhate,

Ab Chehra uska ho Ujjla,

Ya Aankhain uski hon Gehri,

Ya uskay pyaray honton ki,

Har baat lagay thehri thehri,

Kuch loog jo achay hote hain,

Aur raahon mai mil jate hain,

Hain unko apne kaam bohat,

Kab apna waqt ganwate hain,

KAB PYASE PYASE REHTE HAIN,

KAB JEE KO ROOG LAGATE HAIN...

Din raat kay anay janay mein

Din raat kay anay janay mein

dunya kay ajaib khanay mein

kabhi sheshay dhundle hote hain

kabhi manzar saaf nahi hote

kabhi suraj baat nahi kerta

kabhi taray aankh badalte hain

kabhi manzil pechay rehti hai

kabhi aasein tor nahi charhtein

kabhi khoshay pure hote hain

kabhi aankhein dekh nahi saktein

kabhi khwab adhoore hote hain

yeh sab to sahi hai lekin

aashob kay manzar khanay mein

dunya kay ajaib khanay mein

kuch saya kerti aankhon kay pemaan to dikhai dete hain

hathon say agarchay dur sahi imkaan to dikhai dete hain

haan ret kay us darya kay paar

ik peron wali basti kay unwaan to dikhai dete hain

manzil say koson dur sahi

pur dard sahi ranjoor sahi

zakhmon say musafir choor sahi

per kis say kahein aay jaan-e-wafa

kuch aisay ghao bhi hote hain jinhein zakhmi aap nahi dhote

bin roye huay aansoo ki terha senay mein chupa ker rakhte hain

or sari umr nahi rote

neendein bhi muhaya hoti hain, sapne bhi dur nahi hote

ab kis say kahein aay jaan-e-wafa

yeh ahl-e-wafa

kis aag mein jalte rehte hain

kyun bujh ker rakh nahi hote...!!

Tumhen bhi to khabar ho gi...

Tumhen bhi to khabar ho gi...

ke darya k pas behty hoon

to pani acha lagta hey.....

kinaroon say jurri matti sy poocho roog chahat ka

ke is pani ki chahat mein

kinaroon sy okher ker

ajnabi desoon mein jana kitna mushkil hay

kinara phir naheen milta....

tumhen bas itna likhna hay...

yahan jo bhi bichar jay

dobara phir naheen milta!!!

Tujhe Chahna Meri Bhool Thi,,,

Mujhe Maaf Kar Mere Humsafar

Tujhe Chahna Meri Bhool Thi,,,

Kisi Raah Par Jo Uthii Nazar

Tujhe Dekhna Meri Bhool Thi,,,

Koi Nazm Ho Koi

Ghazal Ho

Kahin Raat Ho

Kahin Sehar Ho,,,

Woh Gali Gali Woh Sheher Sheher

Tujhe Dhoondna Meri Bhool Thi,,,

Tere Gham Kii Koi Dava Nahi

Mujhe Tujh Se Koi Gila Nahi.

Mera Koi Tere Siva Nahi…

Yehi Sochna Meri Bhool Thi..

Mujhe Maaf Kar Mere Humsafar,

Tujhe Chahna Meri Bhool Thi...!!!

Iss nazm ko unwaan kya do gay??

Kabhi fursat me aao to meri ek nazm se milna

Magar iss nazm ka dhaaga

Tumhaari yaad ka lehja badalte hi na jaane kyun ulajh kar TooT jata hai

Tabhi to iss ki satrain ja ba ja bikhri huwi hain

Koi takye ki shiknon me buhat TooTi huwi neendon ki ankhon main pari hai

Koi dehleez par ahaT ki baali kaan me daalay khari hai

Koi rukhsaar pay aansoo ki soorat jum gayi hai

Koi dil se labon tak aate aate tham gayi hai

Koi bookshelf me bechain haatho se uTha kar bin parhay rakhi kitabon me pari hai

Koi ehsaas ki ankhon me kankar ki tarah atki hui hai

Koi uss udh jaley cigarette me lipti reh gayi hai

Jisse jaane ki jaldi me piye bin ash tray me tum ne chorra tha

Ziyan ki dhool ban kar paon se lipti hain kuch satrein

Kahin ek satr ke andar shikasta maan se bheegi huwi palkein pari hain

Kahin ek satr me wo chaand atka hai

Meray kamre ki khiRki se jisse tum dekh kar sheeshe se uljha choR aaye thay

Koi ek satr uss chaaye ki pyaali me pari ho gi

Piye jaane ke khaahish me jo table par hi rakhi reh gayi thi

Kahin ek satr me khaabon ka wo rasta bhi rakha hai

Main jiss par apni aankhein bhool aayi hoon

Kahin ek satr ke andar meri wo saans rakhi hai

Tumhaari be nishan masroofiyat ke bojh se jiss ko main ab tak ji nahi paayi

Koi ek satr shayed Daakiye ki cycle ki chain me uljhi huwi hai

Tumhaara khat liye bin iss saRak par kyun wo aata hai ???

Zara sa ghor se sun'na

Receiver me tumhaare phone ke shayed meri awaz rakhi ho

Issay ab parcel kar do to main iss se bhi kuch bheegi huwi satrain bana loon gi

Abhi dil ki hathaili par bhi kuch satrein pari hain

Buhat nazuk hain , lafzon se chhuwa to TooT jaein gi

Koi in muntazir ankhon me rakhi hai

Jinhe tum apna keh kar bhool jaatay ho

Yahin ek satr ki ankhon me mera khaab rakha tha

Tumhaari berukhi ke paon se kuchla para hai

Mere iss khaab ka tawan kya do gay??

Suno!

Iss nazm ko unwaan kya do gay??

Bhalay dino ke baat hai...

bhalee dino ke baat hai

bhali se aik shakal thee

yeh naa ke husun aam hoo

naa dheknee mein aam se

naa yeh ke woh chalee tu kahkashan se rahghuzar lage

magar woh saath hoo tu phir bhalaa bhalaa safar lagee

koi bhi rut ho aus ki chab

fiza ka rang-u-roob thee

woh gharmiyu ke chawuu thee

woh sardiyu ke dhoop thee

naa mudatuu juda rahee

naa saath subh-u-shaam hoo

naa ristaye-e- wafa pay zid

naa yeh ke azan aam hoo

naa aesse khush libasiyan

ke saadgee gilaa karee

naa aitne betakalufi

ke aaina hayaa karee

naa aikhtilat mein woh rum

ke badmiza hoo khowaishe

naa ais kadar supurdige

ke ziche karee nawazishe

naa aashiqe junoon ke

ke zindage azaab hoo

naa ais kadar khathorpan

ke dooste kharaab hoo

kabhi tu baat bhi khafi

kabhi sukoot bhi shukhan

kabhi tu kishit-e-zafiran

kabhi audasiyu ka ban

suna hai aik aumr hai

muamilaat-e-dil ke bhi

wisaale jaanfiza tu kiya

firaak-e-jaan ghusal ke bhi

naa aus ko mujh pay maan tha

naa mujh ko aus pay zaem he

jo ahad he koi naa hoo

tu kiya ghame-e-shikastage....!

soo apna apna raasta

hanse khushe badal liya

woh apne rah chal paree

mein apne rah chal diya

bhale se aik aik shakal thee

bhale se aus ke dooste

abb aus ke yaad raat din

nahi' magar kabhi kabhi ................!

Gheri gheri ankhon wali....

surkh gulaboun pe marti thi

hath ko mehndi se bharti thi

Rat k gheray sunnatay main

Tanha apni chat pe bethi

Khoon e dil main qalam dabo kar

Kuch nazmain, ghazlain likhti thi

Chanda se batain karti thi….

Or sitaroun se larti thi

Chand sitare dekh k usko

Mann hi mann main muskatay thay

Apnay hi alfaz main usko

Beth k shabb bhar samjhatay thay

Gheri gheri ankhoun wali

Pagal Ladkee!

Kis k hont gumaan main rakh kar

Tu phoolon ko choom rahi hay

Takkiye ko aaghosh main bhar kar

Soch main kiski jhoom rahi hay??

Pagal ladki ! ab to so ja

Janay kab se jag rahi hay

Wo hay panchi urr jaye ga

Jis kay peechay bhaag rahi hay

Band palkoun per taan k ansoo

Aanchal main do hath uthaye

Jaanay kis ko mang rahi hay

Gheri gehri ankhoun wali

pagal ladki

Tere jesi kachi kaliyan

Tann k payasay in bhanwroun ki

Tishna ankhoun ki chahat main

Khilnay se bhi pehlay aksar

murjhaati hain....

Sari nazmain sari ghzlain,

Khoon se ik din bhar jati hain

Gheri ankhain marr jati hain...

Gehri gheri ankhoun wali

pagal ladki….”

Gehri gehri ankhoun wali

Wo nadaan wo pagal ladki

Saari bataoun per hansti thi

Or faqat itna kehti thi

Mainay jisse payar kia hay

Chand Sitaro uska pekar

Tumse bhi ujla ujla hay....

mujhko itna ilam hay k wo...

sirf mera hay, sirf mera hay….”

Lakin ik din.....

Gheri gheri ankhoun wali

wo nadan wo pagal ladkee

apni nabzain kaat chuki thi...

Khoon main dono hath range thay

Gheri gheri do (2) ankhaoun main

jane kitnay ashk rukay thay

Us bhanwray k ishq main haaye!

Gehri gehri ankhun wali

pagal lardkee haar chuki thi

Kho k sab kuch ishq main apna

Apne aap ko maar chuki thi…...

Chand siatare

uski gheri ankhoun main bus

jhaank k usko bol rahay thay

Gehri gehri ankhoun wali

pagal ladki !

Ham NA kehtay thay

Ab to so ja janay kab se jag rahi hy”

Wo hay panchi urr jaye ga

Jis k peechay bhaag rahi hy……

ham na kehtay thay...?

saari ghazlain,sari nazmain marr jati hain

gehri ankhain marr jati hain.....

Gheri gheri ankhoun wali....

pagal Ladkee!!

Aik thi Nafrat aur aik thi Chahat.....

Dunya Waaloo!

tum bhi daikho

haan daikh hi lo

is dunya men piyar hey kitna?

aao mujh se sunoo kahani

aik thi nafrat

aor ik thi chaahat

chaahat ka tha naam bohat

magar is piyassi dunya men

wo huwi badnaam bohat

nafrat ik din kehney lagi

naam to tera chaahat hey

per mujh men kitni taaqat hey

itni bari is dunya men

meray hi sab deewaaney hen

jo ik doojey ko chaaahtey they

wo loog huway puraaney hen

bashar yahan per

khud apna hi dushman hey

wo khitta dikhlaao mujhko

jahan k thora aman bhi hey..??

jab loog

mujhay mana ker

ik doojay se rooth'tay hen

tumhein pata hey?

kitney hi dil toot'tey hen?

khooi tu hey

magar mujhko hi dhoondtey hen

chaahat ki bher aaae aankhen

kiyon k baaten sachi thein

itni bari is dunya

nafrat ki bharmaar hey bas

sirf

Rabb ko bandoon se piyaar hey bas

koi bhi yahan

chaahat ka talabgaar nahin

chaahat ka tarafdaar nahin

chaahat ka qarazdar nahi?

Yeh Barishain bhi TUM c hain.....

yeh barishein b tum c hain

jo baras gai to bahar hain

jo theher gai to qarar hain

kabhi aa gai yunhi be sabab

kabhi chah gai yunhi roz o shab

kabhi shor hain kabhi chup si hain

yeh barishein b tum c hain

kisi yaad mein kisi raat ko

Ek dabi howi si raakh ko

kabhi yun howa k bhuja diya

kabhi khud se khud ko jala diya

kabhi boond boond mein ghum c hain

yeh barishein b tum c hain

Barsaat main.......

barsaat main jab

barish hoti thi

hum park main betha karty thy

barish main bheega karty thy

aaj

waisa he barsaat ka din hi

park ke binch pe

tanha betha bheeg raha hon

jin main hum tum sang bheegy thy

un lamhon ko soch raha raha hon

Koi.....

aarzoo-e-wafaa kare koii

ji na chaahe tau kya kare koii

gar maraz ho dawaa kare koii

marne_waale ka kya kare koii

koste haiN jale huwe kya kya

apne Haq meiN du'a kare koii

unse sab apni apni kehte haiN

mera matlab adaa kare koii

chaah se aap ko tau nafrat hai

mujh ko chaahe Khuda kare koii

yeh mili daad ranj-e-furqat ki

aur dil ka kaha kare koii

tum saraapaa ho soorat-e-tasveer

tum se phir baat kya kare koii

kehte haiN hum nahiN Khuda-e-kareem

kyoN hamaari Khataa kare koii

muNh lagaate hi ''DaaGh'' itraaya

lutf hai phir jafaa kare koii

Ajj barish mujhe udaas kar gayi...

Iski hawa saari kushi uraha ley gayi

Ajj barish mujhe udaas kar gayi

Q! pata nahi meara dil dukha gayi

Laga easey jeasey roya ho,

Aasman meri turhan

Nahi samjh ayaa hua kaya

Bas meri aankh num kur gayi

Mera dil tarpa gayi..

Ajj barish mujhe udaas kur gayi

Ajj barish ko choowa bhi nahi phir bhi

Mujhe yaadon se bheego gayi..

Ajj barish mujhe udaas kur gayi

Kar gayi mujhe gum sum

Q howa easa nahi maloom

Har aahat pur chone ki ho

Kahi na kahi ho tum par

Nahi thae kahi tum

Yah baat udaas kar gayi

Ajj barish mujhe udaas kar gayi

Main khush to hoon lakin.....

Liya tha aik wada tumne mujse....

Hamesha khush hi rehna hai...

To dekho, dekh lo aa kar..

Meri ankhon ko dekho tum,

Yeh kitni shokh lagti hain...

Mere honton ko dekho tum,

Hamesha muskuraty hain...

Koi b ghum agar aye,

Usay hans kar saha main ne...

Mere chehray ko dekho tum,

Hamesha pur sakoon ho ga...

To socho gay.....

Kia tha main ne jo tumse,

Wo wada ker diya poora...!!!

MAGAR

Ik baat hai piyare...

Kabhi jo waqat mil jaye,

To meri shairi parhna...

Tumhain mehsoos to hoga,

Kaheen talkhi bhara jumla...

Kaheen yeh sard sa lehja,

Kaheen par dard ki jheelain...

Kahin lehjay ki karwahat,

Suno....!!!

Main khush to hoon lakin,

Lahoo har lafz roota hai....

Kuch Likhna Chahtee Hoon ...

Kuch Likhna Chahtee Hoon

Sochtee Hoon Kya Likhoon ?

Pholoon Ki Woh Mehakti Khushboo

Barish Ka Woh Bhega Pani

Aur Hawa Mein Thi Jo Rawani

Kya Uss Mousam Ka Khumaar Likhoon?

Kuch Likhna Chahatee Hoon

Sochtee Hoon Kya Likhoon?

Thi Chehre Par Unke Muskurahat

Aankhoon Mein Thi Thori Shararat

Aur Baatoon Mein Woh pyaar

Kya Unka Rangeen Mizaaj Likhoon?

Kuch Likhna chahatee Hoon

Sochtee Hoon Kya Likhoon?

Unka Aaker Muskurana

Jo Rooth Jaon Tho Manana

Jate Jate Phir Rulana

Kya Unka Yeh Andaaz Likhoon?

Kuch Likhna Chahatee Hoon

Sochtee Hoon Kya Likhoon?

Yaadoon Mein Unke Ashk Bahana

Her Shaam Ek Diya Jalana

Soyee Umeed Ko Roz Jagana

Kya Unka Yeh Intezar Likhoon?

Kuch Likhna Chahatee Hoon

Sochtee Hoon Kya Likhon?

Kuch Bhi Nahi.....

Socha naheen accha bura

Dekha suna kuch bhee naheen

Manga Khuda say hur waqt...

Teray siwa..... Kuch bhee naheen!

Dekha tujhey chaha tujhey

Socha tujhey pooja tujhey

Meri wafa meri khata....

Teri khata kuch bhee naheen!

Jis par hamari aankh nay

Moti bichayey raat bhar

Bhaija wahee kaghaz usay

Ham nay likha...... Kuch bhee naheen

Aur aik shaam kee dehleez per

Baithay rahay woh dair tak

Aankhon say kee batain bohat

Munh say kaha.....kuch bhee naheen!

Wo deewana....

Kisi Shaam Ki Pehar Main Wo Deewana

Tujhe Khara Nazar Aaye Ga

Tere Deedar Ki Hasrat Se Udaas

Magar Tanha Nazar Aaye Ga

Haan Aisa Deewana

Jis Ki Subah Hoti Hai Tere Naam Se

Jis Ki Shaam Hoti Hai Tere Naam Se

Jis Ki Saansein Chalti Hain Tere Naam Se

Tere Milan Ki Aas Se Be Khabar

Dunya Main Tanha Nazar Aaye Ga

Haan Aisa Deewana

Jo Tujhe Bohot Pyar Karta Hai

Apne Khawabon Main Apne Khayalon Main

Apni Wafaon Main Apni Duaon Main

Apni Socho Main Apni Tanhaiyon Main

Apne Sher Main Haan Apne Geeton Main

Kisi Bhi Pal Tujhe Teri Raah Main

Khara Nazar Aaye Ga

Haan Aisa Deewana

Jis Ki Aas Bus Yehi Hai

Tum Kisi Din Us Ko Yaad Karo Gi

Yaad Magar Is Ki Wafa Main

Is Ke Marne Ke Baad Karo Gi

Haan Us Waqt Tum Jahan Bhi Jaao Gi

Tujhe Is Ka Saaya Nazar Aaye Ga

Tere Deedar Ki Hasrat Se Udaas

Magar Tanha Nazar Aaye Ga

Khobsurat hain...

khobsoorat hain wo lub

jo pyari batein kertey hain

khobsoorat hai wo muskurahat

jo dosaroon ke chehroon per bhi muskan

saja de

khobsoorat hai wo dil

jo kisi ke dard ko samjhey

jo kisi ke dard mein tarpey

khobsoorat hain wo jazbat

jo kisi ka ehsaas karein

khobsoorat hai wo ehsaas

jo kisi ke dard ka madawa baney

khobsoorat hain wo batein

jo kisi ka dil na dukhaein

khobsoorat hain wo Aankhein

jin mein pakezgi ho

sharm o haya ho

khobsoorat hain wo aansoo

jo kisi ke dard ko

mehsoos kerke beh jaein

khobsoorat hain wo Hath

jo kisi ko mushkil

waqat mein tham lein

khobsoorat hain wo qadam

jo kisi ki madad ke liye

aagey berhein !!!!!

khobsooart hai wo sooch

jo kisi ke liye acha soochey

khobsoorat hai wo insan

jis ko KHUDA ne ye

khobsooratiÂn ata ki

Khawab...

Door Aaj Hain ,

Yaad Atay Tou Hain

Khawab Udhuray Sahi ,

Khawab Saharay Tou Hain

Aaj Bhi Meri Rahien Rokti Hian

Yaadein Teri Daman Kheenchti Hain

Bhool Chukay Hain Jo Hamay ,

Yaad Atay Tou Hain

Sadyion K Faslay ,

Aaj Hain Dermiyan

Ho Jayien Mager Jitni Bhi Dooriyian

Aap Jahan Bhi Rahein ,

Aap Hamaray Tou Hain

Khawab Adhuray Sahi ,

Khawab Saharay Tou Hain

Janay Kab Phir Milay Tere Mere Rastay

Saath Tootay Nahi , Yaad Itna Rahay

Raat Dhalni Hai ,

Ujalay Anay Tou Hain

Khawab Udhuray Sahi ,

Khawab Saharay Tou Hain

♥♥♥ MaaN ♥♥♥

♥ maiN jidhar gaya, maiN jahaaN rahaa

mire saath tha

♥ vohi ek saaya-e- meharbaaN

voh jo ek paaraa-e-abr tha sar-e-aasmaaN

pas-e-har gumaaN

voh jo ek harf-e-yaqiin tha

(mire har safar kaa amiin tha)

voh jo ek baagh-e-irm numa sabhi mausamoN meN hara raha

voh ujaR gaya

voh jo ik dua kaa chiraagh saa mire raastoN meN jalaa raha

voh bikhar gaya

mire gham ko jaR se ukhaaRta

voh jo ek lams-e-aziiz tha

kisi kap kapaate se haath kaa, voh nahiN raha

voh jo aankh rehti thii jaagti mire naam par

vohi so gayii!

voh jo ik duaa-e-sakuun thii mire rakht meN vohi kho gayii-

ai Khuda-e-wahid-o-lumyaazul

tire ik harf ke saiid haiN

ye zamaaN makaaN!

tire faisloN ke hazuur meN

na majaal hai kisi harf ki na kisi ko tab-e-savaal hai

yeh jo zindagi kii mataa’ hai

tiri den hai, tira maal hai

mujhe hai to itnaa malaal hai!

ke jab us kii saa’t-e- aaKhiri sar-e-raah thii

maiN vahaaN na tha!

mire raastoN se nikal gayi voh jo ek jaa-e-panaah thii

maiN vahaaN na tha!

sar-e-shaam-gham mujhe Dhuundti miri maaN kii bujhti nigaah thii

maiN vahaaN na tha!

mire chaar suu hai dhuaaN dhuaaN

mire Khawab se miri aankh tak

yeh jo sail-e-ashk hai darmiyaaN

usi sail-e-ashk ke paar hai

kahiiN meri maaN!

tire reham kii nahiiN had koii

tire afv kii nahiN intehaa

k tuu maaN se baRh ke shafiiq hai

voh rafiiq hai

k jo saath ho to yeh zindagi kii musaafateN

yeh aziiateN ......yeh rukaavaTeN

faqat ik nigaah kii maar haiN

yeh jo Khaar haiN

tire dast-e-mojizaa saaz haiN

gul-e-Khush jamaal-e-bahaar haiN

miri iltejaa hai to bas yahi

miri zindagi kaa jo vaqt hai, kaTe us kii ujali duaaoN meN

tire darguzar ke hazuur meN

tiri barkatoN ke hisaar meN!

voh jo Khaas chashm-e-karam meN hai

usii raushni kii qataar meN!

kisi chiiz kii bhii kami nahiiN

tiri baKhshishoN ke dayaar meN!

miri maaN ki ruuh-e-jamiil ko

sada rakhna apne jawaar meN!!

sada purfiza voh lahd rahe, tire lutf-e-Khaas kii ChhaaoN meN

Din raat k aaney jaaney meN

duniya ke ajaib khaane meN

kabhi shiishe dhundle hote haiN, kabhi manzar saaf nahiiN hote

kabhi suuraj baat nahiiN kartaa

kabhi taare aankh badalte haiN

kabhi manzil piiChhe rehti hai

kabhi aaseN toR nahiN chaRhtiiN

kabhi khadshe puure hote haiN

kabhi aankheN dekh nahiN saktiiN

kabhi Khwaab adhuure hote haiN

yeh sab to sahiih hai lekin

aashob ke manzar khaane meN

duniya ke ajaib khaane meN

kuChh saaya karti aankhoN ke paimaaN to dikhaai dete haiN

haathoN se agarche duur sahi imkaaN to dikhaai dete haiN

haaN ret ke us darya ke paar

ik paiRoN vaali basti ke unvaaN to dikhaai dete haiN

manzil se kosoN duur sahi

pur dard sahi ranjuur sahi

zaKhmoN se musaafir chuur sahi

par kis se kaheN ai jaan-e-vafa

kuch aise ghaao bhi hote haiN jin ke zaKhm aap nahiiN dhote

bin roye hue aansuu ki tarah siine meiN Chhupa ker rakhte haiN

aur saari umr nahiiN rote!

niindeN bhi muhaya hoti haiN, sapne bhi duur nahiiN hote

ab kis se kaheN ai jaan-e-vafa

yeh ahl-e-vafa

kis aag meN jalte rehte haiN

kyuN bujh ker raakh nahiiN hote…!!

mere ghar meN raushan rakhnaa

chiini ki guRiya si jab voh

ChhoTe ChhoTe qadam uThhaati

meri janib aati hai to

us ke laboN par ek sitaara khilta hai

"papa"

Allah! is aawaz meN kitni rahat hai

nanneh nanneh haath baRhaa kar jab voh mujh ko Chhuuti hai to

yuuN lagta hai

jaise meri ruuh ki saari sachchaai

us ke lams meN jaag uThhti hai

ai maalik, ai arz-o-sama ko chuTki meN bhar lene vaale

tere sab maamuur Khazaane

meri ek talab,

mera sab kuChh mujh se le le

lekin jab tak

is akaash pe taare jalte bujhte haiN

mere ghar meN raushan rakhna

yeh masuum hansi!

ai duniya ke rab

koii nahiiN hai is lamhe tere mere paas

sach sach mujh se keh,

tere in maamuur KhazanoN ki be_ant girah meN

bachche kii masuum hansi se ziyaada pyaari shai

kya koi hai?!

Ham Log

daaiyroN meN chalte haiN!

daaiyroN meN chalne se

daaire to bhaRte haiN

faasle nahiiN ghaTte!!

aarzuueN chalti haiN

jis taraf ko jaate haiN

manzileN tamannaa kii

saath saath chalti haiN!

gard uRti rehti hai

dard baRhtaa jaata hai

raaste nahiiN ghaTte!

subah dam sitaaroN kii tez jhilmilaahaT ko

raushni ki aamad ka pesh baab kehte haiN

ik kiran jo milti hai, aftaab kehte haiN

daaira badalne ko inqelaab kehte haiN!

mohabbat kya hai?

muhabbat aisa naghma hai

zara bhi jhol ho lai meN

to sur qaayam nahiiN hota

muhabbat aisa shola hai

hava jaisi bhi chalti ho

kabhi maddham nahiiN hota

muhabbat aisa rishta hai

k jis meN bandhne vaaloN ke

diloN meN gham nahiiN hota

muhabbat aisa pauda hai

jo tab bhi sabz rehta hai

k jab mousam nahiiN hota

muhabbat aisa rasta hai

ager pairoN meN larzish ho

to yeh mehram nahiiN hota

muhabbat aisa dariya hai

ke baarish ruuThh bhi jaaye

to paani kam nahiiN hota!

muhabbat

muhabbat os ki suurat

pyaasi pankhRi ke honT ko sairaab karti hai

guloN kii aastiinoN meN anokhe rang bharti hai

sehar ke jhaT_paTe meN gungunaati, muskuraati, jagmagaati hai

muhabbat ke dinoN meN dasht bhi mehsuus hota hai

kisi firdaus ki suurat

muhabbat os ki suurat

muhabbat abr ki suurat

diloN ki sar zamiiN pe ghir ke aati aur barasti hai

chaman ka zarra zarra jhuumta hai, muskuraata hai

azal ki be namu miTTi meN sabza sar uThhaata hai

muhabbat un ko bhi aabaad aur shaadaab karti hai

jo dil haiN qabr ki suurat

muhabbat abr ki suurat

muhabbat aag ki suurat

bujhe siinoN mein jalti hai to dil bedaar hote haiN

muhabbat kii tapish meN kuChhh ajab asraar hote haiN

k jitna yeh bhaRakti hai, uruus-e-jaaN mehakti hai

diloN ke saahiloN par jamaa hoti aur bikharti hai

muhabbat jhaag ki suurat

muhabbat aag ki suurat

muhabbat Khwaab ki suurat

nigaahoN meN utarti hai kisi mehtaab ki suurat

sitaare aarzu ke is tarah se jagmagaate haiN

k pehchaani nahiiN jaati dil-e-betaab ki suurat

muhabbat ke shajar per Khawab ke panchhi utarte haiN

to shaakheN jaag uThhtii haiN

thake haare sitaare jab zamiiN se baat karte haiN

to kab ki muntazir aankhoN meN shammeN jaag uThhtii haiN

mohabbat in meN jalti hai chiraagh-e-aab ki suurat

mohabbat Khwaab ki suurat

mohabbat dard ki suurat

guzishta mausamoN ka istiaara ban ke rehti hai

shabaan- e-hijr meN raushan sitaara ban ke rehti hai

munDeroN par chiraaghoN ki laueN jab thartharaati haiN

nagar meN na ummiidi ki havaayeN sansanaati haiN

gali meiN jab koii aahaT koii saaya nahiiN rehta

dukhi dil ke liye jab koii bhi dhoka nahiiN rehta

ghamoN ke bojh se jab TuuTne lagte haiN shaane to

yeh un pe haath rakhti hai

kisi hamdard ki suurat

guzar jaate haiN saare qaaifle jab dil ki basti se

faza meN tairtii hai der tak yeh

gard ki suurat

mohabbat dard ki suurat!

yeh jo raig-e-dasht-e-firaaq hai -yeh ruke agar...

yeh jo raig-e-dasht-e-firaq hai yeh ruke agar

yeh ruke agar to nishaaN mile,

yeh nishaaN mile

k jo faasiloN kii saliib hai

yeh gaRi hui hai kahaaN kahaaN

mere aasmaaN se kidhar gayii tere iltefaat ki kehkashaaN

mire be_Khabar, mire be_nishaaN

yeh ruke agar to pata chale

maiN thaa kis nagar tuu rahaa kahaaN

k zamaaN makaaN ki yeh wusateN

tujhe dekhne ko taras gayiiN

voh mire nasiib ki baarisheN

kisi aur Chhat pe baras gayiiN

mere chaar suu hai ghubaar-e-jaaN,

voh fishaar-e-jaaN,

k Khabar nahiiN mire haath ko mire haath kii

mire Khwaab se tire baam tak

tiri rehguzar ka to zikr kya

nahiiN zaufishaN tera naam tak

haiN dhuaaN dhuaaN mire ustKhwaaN

mere aansuuoN meN bhuje hue mire ustKhwaaN

mire naqsh gar mire naqsh-e-jaaN

isii raig-e-dasht-e-firaaq meN rahe muntazir

tere muntazir...!!!

mere Khawab jin ke fishaar meN

rahi mere haal se beKhabar teri rehguzar

teri rehguzar ke jo naqsh haiN mire haath par.....

magar is balaa ki hai tiirgi

k Khabar nahiiN mere haath ko mere haath ki

voh jo chashm-e-shobadaa saaz thii, woh uThe agar

mere ustKhwaaN meN ho raushni

ussi ek lamha-e-diid meN teri rehguzar...!!

meri tiirah jaaN meN chamak uThe

mere Khawab se tire baam tak,

sabhii manazroN meN damak uThhe

usii ek pal meN ho jaavidaaN

meri arzuu k hai bekaraaN

meri zindagi k hai muKhtasar

yeh jo raig-e-dasht-e-firaq hai, yeh ruke agar.....

Baaz_gasht

aisii hii sard shaam thii voh bhii

jab vo mehndi rachaaye haathoN meN

apnii aahaT ke Khauf se larzaaN

surKh aaNchal meN muuNh Chhupaaye hue

apne Khat mujh se lene aayii thii

us kii sehmii huii nigaahoN meN

kitnii Khaamosh iltijaayeN thiiN

us ke chehre kii zard rangat meN

kitnii majabuurioN ke saaye the!

mere haathoN se Khat pakaRte hii

jaane kyaa soch kar achaanak voh,

meraa shaanaa pakaR ke royii thii

us ke yaaquut rang hoThoN ke

kap_kapaate hue kinaaroN par

sainkRoN ankahe fasaane the !

sard shaamoN meN der tak aksar

jab ye manzar dikhaayii detaa hai

ek lamhaa hinaayii haathoN se

mujh ko apnii taraf bulaataa hai

ham_nashiiN ruuThh kar na jaa mujh se!

aisii hii sard shaam thii vo bhii!

AaKhirii baat

tuluu-e-shams-e-mufaaraqat hai

puranii kiraneN naye makaanoN ke aaNganoN meN laraz rahii haiN

fasiil-e-shahar-e-vafa ke rozan chamakte zarroN se bhar gayii haiN

gaye dinoN kii aziz baateN, nigaar subaheN gulaab raateN

bisaat-e-dil bhii ajiib shai ha, hazaar jiiteN hazaar maateN!

judaaiyoN kii havaayeN lamhoN kii Khushk maTTii uRaa rahii haiN

gayii rutoN kaa malaal kab tak?!

chalo ke shaaKheN to TuuTtii haiN

chalo ke qabroN pe Khuun rone se

apnii aaNkheN hii phuuTtii haiN

ye moR voh hai jahaaN se mere tumhaare raste badal gaye haiN

puraanii raahoN ko lauTnaa bhii hamaarii taqdiir meN nahiiN hai

k raaste bhii hamaare qadamoN ke saath aage nikal gaye haiN

tuluu-e-shams-e-mufaaraqat hai

tum apnii aaNkhoN meN jhil_milaate hue sitaaroN ko maut de do

gayii rutoN ke tamaam phuuloN tamaam KhaaroN ko maut de do

naye safar ko hayaat baKhsho

ke piChhlii raahoN pe sabt jitne nuquush-e-paa haiN

voh baar hoNge

havaa uRaaye k tum uRaayo!

koii zaNjeer ho,

koii zaNjeer ho,

aahan kii, chaandii kii, rivaayat kii,

muhabbat toR saktii hai!

yeh aisii Dhaal hai jis par

zamaane kii kisii talwaar kaa lohaa nahiiN chaltaa!

yeh aisaa shehar hai jis meiN

kisii aamir, kisii sultaan kaa sikkaa nahiiN chalta!

agar chashm-e-tamaashaa meiN zaraa sii bhii milaavaT ho

yeh aaina nahiiN chaltaa!

yeh aisii aag hai jis meiN

badan sholoN meiN jalte haiN, to ruuheN muskuraatii haiN

yeh voh sailaab hai jis ko

diloN kii bastiiyaaN aavaaz de kar Khud bulaatii haiN

yeh jab chaahe kisii bhii Khwaab ko taabiir mil jaaye

jo manzar bhuj chuke haiN, un ko bhii tanviir mil jaaye

dua, jo be_Thikaanaa thii, use taasiir mil jaaye

kisii raste meiN rastaa puuChtii taqdiir mil jaaye

muhabbat rok saktii hai samay ke tez dhaare ko!

kisii jalte sharaare ko, fanaa ke istiyaare ko!

muhabbat rok saktii hai kisii girte sitaare ko!

yeh chaknaa chuur aaine ke reze joR saktii hai

jidhar chaahe yeh baageN mausmoN kii moR saktii hai!

koii zaNjiir ho, us ko muhabbat toR saktii hai!!!!

Kuch kehna tha, usy bhi aur mujhe bhi

Kuch kehna tha, usy bhi aur mujhe bhi

Us ne ye chaha mien kuch kahon,

meri yeh zid ke baat wo kare.

Yehi sochty sochty zamane beet gaye,

Na us ki ana tooti, Aur na meri zid

Us ki ana faseel thi, toh meri bhi chattan,

Ana aur zid ke issi tazad mein,

Safer-E-Zindgi youn hi rawa raha.

Waqt kat-ta raha, dard barhta raha,

Aur safer ikhte-tam ko ponhcha

Ikhte-tam e safer ye raha.

“Meri ankhon mein halki si nami ,

Aur shayed us ki zindgi mein thori si kami.

Us ki ana shikast khurda,

Aur meri zid reza reza

Reply in verse...

Meri Raag'on may tha Mashraqi tehzeeb rawan....

Us nay na janay kyoon? Mujhay buzdil samajh lia...

Suno.....

Suno.....

Humdam Mere Mujhko

Bohat kuch Tumse kehna hai

Yeh raatein

Mujh pe bhaari hain

Yeh Shaamein

Gham se taari hain

Bohat kuch yaad aata hai

Bohat Mujh ko rulata hai

Suno,,,,,,,,,,,,,,,,

Ik kaaam kr do na

Yeh apni Baatein sari

Yeh apni Yaadein sari

Tum kyun le nahin jate ?

Jab aana he nahin Tum ne

Tou phir kyun yaad aate ho ?

Meri aankhon mein bn kr Ashk

Phir kyun ruk se jate ho ?

Suno Jaanam,,,,,,,,,

Main apne Zabt ka daman

Kahiin chor na baithon

Lout aao Mere Humdam

Ke khud ko tor na baithoon

TERE INTEZAR KI RAIT PAR,

TERE INTEZAR KI RAIT PAR,

Koi lafz main ne likha na tha,

Koi harf main ne kaha na tha,

Koi khwab main ne chuna na tha,

ISI INTEZAR KI RAIT PER,

Meri arzu k gulab thy,

Meri justuju k sarab thy,

Sabi chahton k jawab thy,

Sabi hasrten wo kahan gaeen,

Teri chahten wo kahan gaeen,

Mere humnasheen mere humnawa,

Main palat k shayad na aa sakon,

ISI INTEZAR KI RAIT PER,

Main bikhar gayi hon hawaon mein,

Mujhe yaad rakhna duaon mein.!"

lakeerain mit bhi sakti hain..

Kaatib-e-taqdeer ne

bakht ki siyaahi se

zindagi ki loh per

haar ka ya jeet ka

jo bhi faisla likha

wo hi ik haqeeqat hai

ghar ki balkoni main

beth ker ghanton tak

sochtay rehnay se

haathon ki lakeeron ko

khojtay rehnay se

wo to mit nahi sakta

maan le taqdeer ko

zid kerni chorr de

haathon ki lakeeron se

bandhay rishtay torr de

kyun k ye lakeerain to

bad gumaan kerti hain

bay eeman kerti hain

haathon ki lakeeron main

kuch bhi to nahi rakha

ye lakeerain to faqt

aarray tirchay naqshay hain

aarray tircchay naqshon main

dar ba dar bhataknay se

dilnasheen khwaabon ki

tabeerain nahi milteen

saaye haath lagte hai

aur kuch nahi milta

kyun k ye lakeerain hain

lakeerain jhoot kehti hain

lakeerain mit bhi sakti hain..

kisi ko yad kartay ho….

Mujh se ye

log kehtay hain

Kahan DiL chhor aaye ho?

Bohat

chup chaap

…rehtay ho

Na bantay

na sanwartay

Ho Na koi baat

kartay ho

Bhari Mehfil mein bhi aksar

Hamesha khoye

rehtay ho

Uddasi

aankhon mein

le kar

har ik

chehray ko

tuktay ho

koi jab yaad

aata hai

Tu Thandi aah

bhartay hoTu khul kar

Q nahi kehtay

kisi ko yad

kartay ho….

Haqiqat kuch nahin hoti.....

Hamesha sath mein rehne ki

aadat kuch nahin hoti,

Jo lamhay mil gaye,

Ge lo,riyazat kuch nahin hoti,

Jissay mehroomian mili hon

wahi jan sakta hai,

Zubani hosla,jhoti murawat

kuch nahin hoti...,

Kaiee rishton ko jab perkha,

natija aik hi nikla ,

Zarorat hi sabhi kuch hai,

muhabbat kuch nahin hoti,

Kisi ne chorr ke jana ho tou phir

chorr jata hai,

Bicharrna ho tou,sadiyon ki

rifaqat kuch nahin hoti,

Ta'aulq toot jaye tou

safeenay doob jate hain,

Ye sab kehne ki batein hain,

haqiqat kuch nahin hoti.....

Meri Dastan...

Meri Dastan ka urooj tha,

Teri Narm Palkon ki chaon main,

Mere sath tha Tujhe jagna,

Teri aankh kaise jhapk gai,

Bhla Hum mile bhi to kya mile,

Wohi Doorian wohi faaslay,

Na kbi Hamare Qadam Barhay na kbi Tumhari Jijhak gai,

Tere Haath se Mere Hont tk wohi intzaar ki Piyas hai,

Mere Naam ki jo Sharab thi kahin raste main Chalak gai,

Tujhe Bhool jane ki koshishain kbi kaam’yaab na ho skien,

Teri yaad Shaakh-e-Gulaab hai,

Jo hawa chali to Mehak gai..

Chaley jao!!

Kisi rut ka koi dukh ho

koi sukh ho..

hamein mehsoos hota hai

yehi "ehsaas" hone ki alamat hai

hamari zindagani ki alamat hai..

tumhein hairaan hone ki zaroorat kia??

Chaley jao!!

tumhein kia waasta is se??

ke hum tanhaiyon mein kis terah reh kar..

guzar auqaat karte hain??

tumhein ho kion gharaz is se..

ke jeete hain ke marte hein??

Chaley jao...!!

hamare zakhm bharne ke nahi hain in dilason se..

koi daikhe tou kion daikhe??

ke kaise sabr aata hai..hamein tareek raaton mein..

koi daikhe tou kion daikhe?

ke kaise mehev rehtey hain..hum apne saath baaton mein..

Chaley jao!!

hamein mehsoos karne do..

hamara zakhm bharne do..

Mere humzaad aao tu..bhuja do roshniyan saari..

ghubar is dil ka nikle ga..

buhat tareek kamrey mein..

mujhe ab hichkiyan laite..

koi bhi daikh paey kion??

mere anjaam pae aakhir..

"wo chehra" muskuraey kion??

Chaley jao!!

hamein to is samey ghar ke..

dar-o-deewar bhi achey nahi lagte..

Chaley jao!!

Yaad Hai Janan Tum Ko........?

Ghar K Pechlay Lawn Main Hum Tum

Shab'bhar Batein Kartey Thay..

Jhaagra (FIGHT)

Hota To Hum Lar'kar

Chand Ko Ga'waah Kar Laitey Thay...

Chand Sada Ka Paapi Tha

Chahai Kuch Bhi Ho

Magar Hamaishah

Ak Hee Baat Keya Karta Tha.......

Sirf Teri Side Liya Karta Tha..........!!

Tumhari khushbo...!

khawab aur khushbo

dono he azad ro hain

dono qaid nahi hosakte

Mere khawab

Tumhari khushbo...!

Maaar dala hai

Tumhain maloom hai jana

K

Tum bhi aik qaatil ho

Mere under ka aik hansta hoa insan

Tum ne maaar dala hai

Teri Yaad...

Raat ka pichla pahar hai

matmi mabloos orhay

dard ki in wadiyon se

washaton ke raaste se

lurkharati

dagmagati

baal kholay

bain karti

chandni ko sath le kar

meri janib chal pari hai

aa rahi hai

Teri Yaad...

Aaj Ki Shab

Aaj Ki Shab Tu Kesi Torr Guzar Jaye Gi

Raat Gehri Hay Mager Chaand Chamakta Hay Abhi

Meray Mathay Pay Tera Pyaar Damakta Hay Abhi

Meri Saans Main Tera Lamis Mehakta Hay Abhi

Meray Seenay Main Teran Naam Dharakta Hay Abhi

ZeesT Karnay Ko Meray Pass Bohat Kuch Hay Abhi

Aaj Ki Shab Tu Kesi Tour Guzar Jaye Gi

Teri Aawaz Ka Jadu Hay Abhi Meray Liye

Teray Malboos Ki Khushboo Hay Abhi Meray Liye

Teri Bahain, Tera Pehloo Hay Abhi Meray Liye

Sab Say Bhar Kar Meri Jaan Tu Hay Abhi Meray Liye

ZeesT Karnay Ko Meray Pass Bohat Kuch Hay Abhi

Aaj Ki Shab Tu Kesi Tour Guzar Jaye Gi

Aaj Kay Baad Mager Rang -e- Wafa Kia Ho Ga

Ishq Hairan Hay Sar -e- Shaher -e- Saba Kia Ho Ga

Meray Qatil ! Tera Andaz -e- Jafa Kia Ho Ga

Aaj Ki Shab Tu Bohat Kuch Hay, Mager Kal Kay Liye

Ak Andesha -e- Be Naam Hay Or Kuch Bhi Nahi

Dekhna Yeh Hay Keh Kal Tujh Say Mulaqat Kay Baad

Rang -e- Umeed Khilay Ga Keh Bikhar Jaye Ga !

Waqt Parwaaz Karay Ga Keh Thehar Jaye Ga !

Jeet Ho Jaye Gi Ya Khail Bigar Jaye Ga !

Khowab Ka Shaher Rahay Ga Keh Ujar Jaye Ga !

Sadgii...

Wo Aam Si Sham Thi,

Jab Juda Hoey Thay Hum,

Na Toot Kar Piyar Kiya,

Or,

Na Ro Saky Thay Hum,

Tum Sey Gila Kia,

Na Zamany Se Kuch Kaha,

Barbad Ho Gaye,

Bohat Sadgii Se Hum..!

Meri Oqat

Sakoot-e-lab Meri Baat Se Ziada He

Tera Firaq Teri Mulaqat Se Ziada He

Ye Ek Shikast Jo Hum Ko Hui Mohbat Mein

Zmanay Bhar ki Fatohat Se Ziada He

Umeed Teray Aanay Ki Aj Kam He Mgar

Meray Dil Ka Dard B kal Raat se Ziada He

Main tum se mohabbat to Kr Betha hun magar

Yeh Silsila Meri Oqat se ziada he

kisi nay sach kaha hai yeh

kisi nay sach kaha hai yeh

muhabbat aur kahani main koi rishta nahi hota

magar meri muhabbat to

kahani hi kahani hai

koi raja na rani hai

muhabbat ki kahan i to

musafat hi musafat hai

zaroorat ki musafat aur

musafir wapsi kay saray imkan pass rakhta hai

muhabbat ki musafat main

musafir kay palatnay ka koi rasta nahi hota

woh sari kashtiyan apni

jala detay hain sahil par

kay naummeed honay par

palatna bhi agar chahain

to wapis ja nahi payen

wahin gharq e aab ho jayen

koi mosam to aisa ho

koi mosam to aisa ho

kay jub bichray hoowoon ki yaad kay jugnoo

chamak kho dain

kisi kay hijar main ronay say pahlay hi

mairi aankhain kabhi so dain

koi mosam to aisa ho !!!

kay jub sub phool ulfat kay

kisi unmit mohabbat kay

miray dil main khilain,per

un main who khushboo na ho baqi

woh khusboo jo tumharay qarb say mahsoos hoti thi

koi mosam to aisa ho !!!

kay dil kay zakham bhur jain

agar aisa naheen hota to phir

kitna hi acha ho kay sari khowahishain dilki

woh saray khowab aur arman

youn hi ghut ghut kay mur jain

mujhay azad ker jain

koi mosam to aisa ho !!!

Tab yaad bohat tum atey ho

jab koi zikar ho judai ka

ya kissi kee bewafai ka

ya mosaam aik dam badley

koi awara badal achanak barsey

koi mily ya phir bhichrey

jab koi ajnabi haans key boley

piyaar jataey jhoot boley

tab yaad bohat tum atey ho

jab saans kee door kaheen tootey

jab koi kissi ko tanha chorey

dil kissi ka tootey

koi beech manjhdaar tanha jab kissi ko chorey

jab nao kissi kee doobey

jab be aas kissi kee tootey

han such

tab yaad bohat tum atey ho.

tab yaad bohat tum atey ho

Udasiyon Ka Sabab Jo Likna,

Udasiyon Ka Sabab Jo Likna,

To Ye Bhi Likhna,

K Chand Taarey,

Shahaab Aankhein Badal Gai Hain,

Jo Zinda Lamhey,

Jo Teri Rahon Mein,

Terey Aanay K Muntazir They,

Wo Thak K Saayon Mein Dhal Gaay Hain,

Wo Teri Yaadein,

Khayal Terey,

Wo Ranj Terey,

Malaal Terey,

Wo Teri Aankhein,

Sawal Terey,

Wo Tum Se Merey Tamam Rishtey,

Bichar Gaay Hain,

Ujar Gaay Hain,

Udasiyon Ka Sabab Jo Likhna,

To Ye Bhi Likhna,

Laraztey Honton Pe Larkharati DUA K Suraj,

Pighal Gaay Hain,

Tamaam Sapney He Jal Gaay Hain,

Udasiyon Ka Sabab Jo Likna,

To Ye Bhi Likhna,

Chalo Ek Aur Duniya Me…

Chalo Ek Aur Duniya Me…

Tumaray Saath Chaltay Hain….

Jahan Halaat kuch Bi Hoon,

…Magar Hum Saath Rehtay Hon….

Jahan Mosam koi Bi Ho,

Judaai ka Na Ho

Lekin….

Jahan CHAAND Bi tum Ho,

Jahan Suraj,Hawa,Roshni, Khushbooun Ka Rung Tum say Ho,

Jahan Par DIL Dharrknay ka Har Ek Ehsaas Tum Say Ho…..

Jahaan Par Mery Jeenay ki Saari….

“AAS” Tum Say Ho….

CHALO Ek Aur Duniya Me...

Main udaas bathi houn

Apne sard kamre main

Main udaas bathi houn

Neem wa darechoon se

Nam hawayeen ati hain

Mere jism ko chou kar

Aag si lagati hain

Tera naam le le kar

Muj ko gudgudati hain

Kaash mere par hote

Tere paas ur ati

Kaash main hawa hoti

Tuj ko chou k lout ati

Main naheen magar kuch bhi

Sangdil rawajoon k

Aahni hesaroon main

Umr kaid ki mulzim

Sirf aik larki houn

Koi Awaz Aati Hai Mere Dewane Dil Se

Koi Aawaz Aati Hai Mere Dewwane Dil Se

Jab Main Sochti Hoon

Teri Batoon Ko Ae Jaana

Khushi Se Dhurd Uthati Hai

Hansi Se Phot Pardti Hai

Mere Huntoon Ke Kunoo Main

Koi Aahat Se Hoti Hai

Dar-E-Dil Khol Deti Hoon

Tere Sapnoo Main Khoti Hoon

Na Jagti Hoon Na Soti Hoon

Khayaloon Main Meri Jaana

Main Tere Pass Hoti Hoon

Jahaan Dil Main Mere

Teri Muhabbat Ki Fasal

Charoon Taraf Lhelahati Haai

Piyar Ki Ek Laher Dhurd Jati Hai

Muje Teri Janab Bulati Hai

Satati Hai Rulati Hai

Ek Ye Awaz Aati Hai

Muje Tum Se Muhabbat Hai

Koi Awaz Aati Hai Mere Dewane Dil Se

Ek Din Chaand Se Bicharna Hai

Ek Din Chaand Se Bicharna Hai

Aankh, Taqdeer Aur Ta’aluq Jo

Jaane Kis Doosre Ke Bas Mai Hain

Saanp Ban Ban Ke Daste Rehte Hain

Apni Saanson Mai Dobte Dil Ko

Chaand Jis Tarz Ka Musafir Hai

Hijr Hi Hai Ke Jo Paraao Mai Hai

Bas Judaai Ko Hai Thehr Jana

Hum To Shikwa Bhi Kar Nahi Sakte

Aur Tanhaaiyon Se Shikwa Kiya

Chaand Be-Chainiyon Ka Mosam Hai

Beet Jane Pe Bhi Hamesha Hi

Apne Aasaar Chor Jata Hai

Yeh Meri Aankh Ke Sulagte Hue

Zard-Ro Aeinon Ki Nam-Naaki

Sab Issi Dard Ki Nishaani Hai

Yeh Mera Be-Sabab Hi Khush Rehna

Sab Issi Gham Ki Azmaish Hai

Ek Khuwahish Hai Jis Ko Marna Hai

Ek Jeewan Jise Ujarna Hai

Ek Din Chaand Se Bicharna Hai

Mujhe ma’loom hai asaan lagta hai

Mujhe ma’loom hai asaan lagta hai

tumheiN raahain badal lena

koi bhi moR muR jaana

kisi manzil ko tohkar maar kar waapis chale aana

ya manzil ko faqat ik junbish-e-lab se

buhat nazdeek le aana

mujhe maloom hai

buhat asaan hai tum ko palat jaana

merii tum be-bassi dekho

mujhe tum se mohabbat k siwaa kuch nahi aata

magar iss meiN bhi kab koi qareena seekh paai meiN

ye dekho aankh rona chahti hai

phir bhi banjar hai

ye dekho haath kitne sard hai mere

ye dekho dil ki dharkan kis tarah

tarteeb ho kar doobne ko hai

ye dekho mera aanchal haathoN se phissal kar urr geya kab se

ye dekho saans ki dorri bhi mujhse chuhtne ko hai

mere ehsaas ka resham ulajh kar tootne ko hai

mujhe to ye hunar bilkul nahi aata

k kaise apne zakhmoN ko chuhpaate heiN

ya kaisi roothi saansoN ka daaman

thaam kar waapis bulaate heiN

buhat be-khaawab aur weeran mosam meiN

khafa neendoN ko kya kah kar manaate heiN

mujhe ye hunar bilkul nahi aata

k kaise apne mar jaane pe nohey aap kartey heiN

yaa apne hi gale lag kar dilaasa kaisey dete heiN

phir apni hi laash ko kaese

kisi paayaab dariya…….

ya kisi adh-bujhi taaza chitaa meiN jhohnk dete heiN

ya phir aakaash ke neeche khula hi chohr dete heiN

mujhe to ye hunar bilkul nahi aata

ke kaise zard mousam meiN

kisi bhi sard aur be-dard mousam meiN

khushi ka aik bhi Ghuncha

bhala kaise khilaate heiN

ya kaisey aadhey rastey se gharoN ko louT jaate heiN

mujhe bilkul nahi aata

mujhe tum se mohabbat ke siwa

( magar wuh bhi kahaaN aai )

koi hunar bilkul nahi aata..!!~~♥♥...