Main kia sochoon
k meri soch k mehwar main to tum ho
kabhi tere siwa bhi kuch humain na yaad aya hai
main kia sochoon
k teri soch se bahir kahan jaon
yeh teri yaad hai jis ne mujhe shab main jagaya hai
main kia samjhoon
k haan tum to mere kuch nahi lagte
magar yeh dil bara zalim k bus ab tum pe aya hai
main kia janoon
k kyon lagta nahi man mera kamon main
k mere man main yeh masoom sa chehra samaya hai
main kia dekhon
k har pal tum meri ankhon main baste ho
mere sapnon main aate ho
mujhe pagal sa karte ho
koi pooche tera mujhse
to keh doonga mere ho tum
mere rooh ki tapish main tum
mere dil ki khalash main tum
mere khamosh lab pe tum
haan mere roz o shab main tum
mujhe maloom hai
k her pal pass hi rehte ho tum mere
haan lagta hai khuda ne tumko mera hi banaya hai
mujhe dar hai k duniya tum ko mujh se cheen hi na le
issi dar se tumhara naam na honton pe aaya hai
yehi ub sochta hoon main chura loon tumko tumse hi
kahin na shor mach jaye tumhe main ne churaya hai.
Main kia sochoon k sheri sochne ko kuch nahi baaqi
main kya janoo who apna bhi hai ya ab bhi paraya hai
